2. Korint 4:3 - Chuukese Bible

³ Pun are ewe Pworausen Manau äm aia afalafala a monomonola, a chök monomonola ngeni chokewe mi pöütmwälila.

2. Korint 4:3 Iomraidhean Croise

Mateus 11:25

Iwe, lon ena fansoun Jesus a apasa, “Semei, en Samolun läng me fanüfan, üa kilisou ngonuk, pun ka amonomona ekei mettoch seni ekewe mi tipachem me silelap, nge ka pwärala ngeni ekewe tipate.

Nöün Paulus Toropwe ngeni ekewe Souläng lon Rom 2:16

Ren pwüngün ewe Pworausen Manau üa afalafala epwe iei usun mine epwe fis lon ewe Rän lupwen Kot epwe apwüngü ekewe ekiekin aramas mi monomon ren Jesus Kraist.

1. Korint 1:18

Pun ewe kapas usun än Kraist mäla won iräpenges och kapas mi umwes ngeni chokewe mi pöütmwälila, nge ngenikich mi küna manau och manamanen Kot.

1. Korint 2:6

Nge sia aronga eu kapasen tipachem ngeni chokewe mi mirit lon ar souläng. Esap ewe sokun tipachem mi pop seni ei fanüfan ika seni ekewe chon nemenem lon ei fanüfan, ar nemenem epwe wesila.

2. Korint 2:12

Iwe, lupwen üa tori Troas pwe üpwe afalafala ewe Pworausen Manau usun Kraist, üa küna pwe ach Samol a suki eu asam ngeniei fän iten ewe angang.

2. Korint 3:14

Nge letiper a kopüngüla, tori ikenai ekiekin letiper a pwölüla ren ewe chök pwölüpwöl, lupwen ra aleani ekewe puken ewe pwonen lom. Ewe pwölüpwöl a särifila ren Kraist chök.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

1. Tesalonika 1:5

Pun aia uwato ewe Pworausen Manau ngenikemi, sap lon kapas chök, nge ren manaman me Ngünmifel, pwal ren äm wesewesen lükü pwe a let ewe kapas. Ämi oua silei ifa usun nonomum lupwen aia nonom remi lon fansoun äm alisikemi.

1. Timoty 1:11

Ei sokun afalafal a pwä lon ewe Pworausen Manau mi lükülük ngeniei pwe üpwe arongafeili, iei ewe Pworausen Manau seni ewe Kot mi ling o pin.