2. Korint 3:3 - Chuukese Bible

³ A fat pwe püsin Kraist a makkei ei toropwe o tinato rech. Esap mak ren ink, nge ren Ngünün ewe Kot mi manau, esap mak won fau mi chöpöp, nge a mak won letipen aramas.

2. Korint 3:3 Iomraidhean Croise

Kölfel 40:8

Üa pwapwa le föri letipom, ai Kot, om allük a nom lon lelukei.”

Kölfel 42:2

Üa fokun posituk, en ai Kot mi manau. Inet üpwe tongeni feila o nenengeni mesom?

Kölfel 84:2

Üa fokun positi ai üpwe nom lon imwen ewe Samol mi Lapalap, ewer, üa aiengau ren. Lelukei me inisi ra kölün pwapwa ngeni ewe Kot mi manau.

Ekistos 24:12

Iwe, ewe Samol mi Lapalap a üreni Moses, “Kopwe feitä rei won ewe chuk o witiwit ikenan. Pun üpwe ngonuk ekewe fau mi chöpöp üa makei won ekewe allük pwe kopwe aiöü ngeni ekewe aramas.

Ekistos 31:18

Iwe, lupwen Kot a wes me kapas ngeni Moses me won ewe chuk Sinai, a ngeni ekewe rüepek fau mi chöpöp, ewe ia a mak ie ekewe allük püsin Kot a makei wor.

Ekistos 32:15

Iwe, Moses a kul o feitiu me won ewe chuk, nge a uwei ekewe rüepek fau mi chöpöp lepöün, ekewe allük ra mak wor me rüepek.

Ekistos 34:1

Iwe, ewe Samol mi Lapalap a üreni Moses, “Kopwe falei rüepek fau mi chöpöp usun chök ekewe me mwan. Iwe, üpwe ruputi wor ekewe kapas mi mak won ekewe fau mi chöpöp ka amökküür me mwan.

Än Salomon Fos 3:3

Iwe, kosap mwüt ngeni kirikiröch me allükülük repwe sü senuk, kopwe riretä fän üom o makeretiu lon lelukom.

Än Salomon Fos 7:3

Kopwe amwöchüür lükün fansoun meinisin o iseniir lon lelukom.

Jeremaia 10:10

Nge en Samol mi Lapalap ewe Kot mi let. En ewe Kot mi manau me ewe king mi nom tori feilfeilachök. Lupwen ka song, fanüfan a chechech, nge chon ekewe mwü resap tongeni manau fän om song.

Jeremaia 17:1

Ewe Samol mi Lapalap a apasa, “Än chon Juta tipis a mak ren efoch pen seni mächä, a rup lon leluker ren mesen eföü fau aüchea itan taimont, pwal won mächän ar kewe rongen asor.

Jeremaia 31:33

Nge iei ewe pwon mi fö üpwe föri ngeni chon Israel lon ekana rän: Üpwe atolonga ai kewe allük lor o makeretiu lon leluker. Iwe, üpwe ar Kot, nge ir repwe nei aramas kana.

Isikiel 11:19

Üpwe ngeniir eu leluk mi fö, üpwe pwal fangelong lor eman ngün mi fö. Üpwe angei me leutur ewe leluk mi pöchökül usun fau o ngeniir eu leluk mi pwetete.

Taniel 6:26

Üa apwüngala eu allük, pwe aramas meinisin mi nom fän nemeniei repwe niueiti o meniniti än Taniel we Kot. Pun i ewe Kot mi Manau a nom tori feilfeilachök, mwün esap tala, an nemenem esap pwal müchüla.

Mateus 16:16

Simon Petrus a pölüeni, “En Kraist ewe Nöün Kot mi manau.”

1. Korint 3:5

Iwe, iö Apolos? Pwal iö Paulus? Äm aia chök nöün Kot chon angang mi alisikemi pwe oupwe lükü Kraist. Eman me eman äm aia föri ewe angang ach Samol a awisa ngenikem.

2. Korint 3:6

I ewe mi alipwäköchükem äm aipwe chon angang ngeni ewe pwon mi fö. Ei pwon esap fis ren allük mi mak, nge a fis ren Ngünmifel, pun ewe allük mi mak a afisätä mäla, nge ewe Ngünmifel a ngenikich manau.

2. Korint 3:7

Ekewe Allük ra rup ren mesen mak won ekewe fau mi chöpöp o än Kot ling a pwä lupwen a tori aramas. Inamwo ika saramaramen won mesen Moses a kisikisila, nge a fokun saram pwe ekewe chon Israel resap tongeni nenengeni won mesan. Ika ekewe Allük mi afisätä mäla ra toriir lon ena sokun ling,

2. Korint 6:16

Ifa usun, än Kot imwenfel me uluulun anümwäl ra tongeni nonomfengen? Pun kich än ewe Kot mi manau imwenfel. Usun Kot a apasa, “Üpwe nonom rer o fetalfeil lefiler. Ngang üpwe ar Kot, nge ir repwe nei aramas.”

1. Tesalonika 1:9

Ekei aramas meinisin ra kapas usun ämi etiwakem lupwen aia churikemi, pwal usun ämi kul ngeni Kot o kul seni ekewe uluulun anümwäl, pwe oupwe angang ngeni ewe Kot mi manau o wesewesen Kot,

Ipru 10:16

“Iei ewe pwon üpwe föri ngeniir lon ekewe rän repwe feito, iei alon ewe Samol: Üpwe atolonga ai kewe allük lon leluker o makkeretiu lon letiper.”

Ipru 8:10

Iwe, iei ewe pwon üpwe föri ngeni ekewe chon Israel lon ewe fansoun epwe feito, iei alon ewe Samol: Üpwe atolonga ai kewe allük lon ekiekiir o makkeretiu lon letiper. Iwe, ngang üpwe ar Kot, nge ir repwe nei aramas kana.

Ipru 9:14

Pokiten ei a pwüng, epwe le ifan me ükükün aüchean ewe chaan Kraist. Ren ewe Ngün esemüch a asor ngeni Kot püsin inisin pwe eu asor mi unusöch. Chaan Kraist epwe limeti mwelien letipach seni sokun föför mi lomotongau, pwe sipwe tongeni angang ngeni ewe Kot mi manau.

Josua 3:10

Josua a pwal üra, “Ren ei oupwe silei pwe ewe Kot mi Manau a nom lefilemi, epwe wesewesen asüela me mwemi ekewe chon Kanaan, chon Hit, chon Hiw, chon Peris, chon Kirkas, chon Amor me chon Jepus.

Pwärätä 2:1

“Kopwe makkei ngeni ewe chon künöön ewe mwichefel lon Efisos: Iei alon ewe eman mi amwöchü ekewe füföü fü lon pöüifichin, ewe mi fetal lein ekewe fisu lenien atittin seni kolt.

Pwärätä 2:12

“Kopwe makkei ngeni ewe chon künöön ewe mwichefel lon Perkamon: Iei alon ewe mi wor ren ewe ketilas mi seisei me ruupekin.

Pwärätä 2:18

“Kopwe makkei ngeni ewe chon künöön ewe mwichefel lon Tiatira: Iei alon ewe Nöün Kot, mesan ra wewe ngeni pulopulen ekkei, pachapachan ra meriweriw usun piras mi amis.

Pwärätä 2:8

“Kopwe makkei ngeni ewe chon künöön ewe mwichefel lon Smirna: Iei alon ewe Aemanün me ewe Amüchülan, ewe mi mäla o manausefäl.

Pwärätä 3:1

“Kopwe makkei ngeni ewe chon künöön ewe mwichefel lon Sartis: Iei alon ewe eman mi eäni ekewe füman ngünün Kot me ekewe füföü fü. Üa silei om kewe föför, pwe mi wor itom itä ka manau, nge ka mä.

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.

Pwärätä 3:22

Are a wor selingen eman epwe rongorong mine Ngünmifel a üreni ekewe mwichefel!”

Pwärätä 3:7

“Kopwe makkei ngeni ewe chon künöön ewe mwichefel lon Filatelfia: Iei alon ewe eman mi pin o let, ewe mi amwöchü ewe ki än Tafit. Iwe, met a suki ngeni ewe ki esap wor eman a tongeni öpüngala, nge met a öpüngala esap wor eman a tongeni suki.

1. Samuel 17:26

Tafit a aisini ekewe mwän mi nom ünükün, “Met epwe fis ngeni ewe mwän mi niela ei re Filistia o uwei seni Israel ewe itengau? Pun iö ei re Filistia esap sirkomsais, pwe epwe apälüa ewe mwichen sounfiu nöün ewe Kot mi manau?”