2. Korint 2:3 - Chuukese Bible

³ Iei popun üa makkei ena toropwe ngenikemi, pun üsap mochen feila remi o küna letipeta ren chokewe ürürün pwe repwe apwapwaei. Pun üa mefi, pwe lupwen ngang üa pwapwa, pwal ämi meinisin oupwe pwapwa.

2. Korint 2:3 Iomraidhean Croise

1. Korint 4:21

Met ämi oua mochen? Oua mochen ai üpwe feila remi fän efoch wok, ika üpwe feila remi fän tong me lukpwetete?

2. Korint 1:15

Pokiten üa apilükülükü ei, üa akota ai üpwe akomwen churikemi, pwe oupwe küna feiöch fän ruu.

2. Korint 1:23

Ngang üa köri Kot pwe nei chon pwärätä, i a silei letipei. Iwe, üsap mochen aweiresikemi, iei mine üsap chüen ekiekin feila Korint.

2. Korint 12:11

Ngang üa föri föförün eman esap mirit, nge ämi oua arianiei, pwe üpwe föri iei usun. Ämi ätekewe oupwe aitöchüei. Inamwo ika ngang üa aücheangau, üsap fokun kis seni nöümi kana “soukünö mi lap”.

2. Korint 12:21

Üa niuokus, pwe lupwen üpwe liwinsefälito remi, ai Kot epwe atekisonaeitiu me mwemi, iwe, ngang üpwe kechüeiti chomong mi tipis me lom, nge resap aier seni ar föför mi fokun ngau, ar föförün lisowu me ar mocheisou.

2. Korint 13:10

Iei popun üa makkei ekei toropwe lupwen üa toau senikemi, pun lupwen üpwe wareitikemi üsap mochen pöchökül ngenikemi lon ai üpwe aea ewe pwüüng ach Samol a ngeniei, ewe pwüüng üpwe aea le apöchöküla ämi souläng, nge üsap aea le atai ämi souläng.

2. Korint 2:9

Iei popun üa makkei ngenikemi ena toropwe, pun üa mochen sotunikemi, pwe üpwe silei are oua aleasochisiei lon mettoch meinisin.

2. Korint 7:12

Iwe, inamwo ika üa makkei ngenikemi ena toropwe, üsap mak fän iten ätewe mi föri mine a mwäl, ika ätewe mi weires ren ewe mwäl, nge üa makkei ai üpwe afata ngenikemi pwe Kot a silei pwe oua fokun chüngükem.

2. Korint 7:16

Üa fokun pwapwa pwe üa tongeni apilükülükükemi lon mettoch meinisin.

2. Korint 7:6

Nge Kot, ewe mi echipa chokewe mi tipetekison, a echipakem ren wareton Titus.

2. Korint 7:8

Pun inamwo ika nei we toropwe a afisätä ämi letipeta, üsap liamam usun mine üa makkei lon. Ngang üpwe tongeni liamam lupwen üa küna pwe masouen nei we toropwe a afisätä ämi letipeta lon ekis chök fansoun.

2. Korint 8:22

Aia pwal tinala pwiich we pwe epwe etiir. Aia sotuni i fän chomong o küna pwe a fokun achocho le alilis fansoun meinisin. Nge iei a fen alapala an achocho, pun a fokun apilükülükükemi.

Kalatia 5:10

Nge ngang üa chüen apilükülükükemi. Ach eufengen me ach Samol a eselipato ai apilükülük, pwe ämi oupwe tipeeu ngeniei lon ai ekiek. Nge Kot epwe apwüngü ätewe mi atolongakemi lon fitikoko, ese lifilifil ika i iö.

2. Tesalonika 3:4

Iwe, äm aia apilükülük ngeni ach Samol fänäsengesimi pwe oupwe apwönüetä o sopwela le föri meinisin mine aia allük ngenikemi.

Filimon 1:21

Lupwen üa makkei ei toropwe ngonuk, üa silei pwe kopwe aleasochisi mine üa tüngor. Enlet, üa silei pwe kopwe fen föri lap seni mine üa tüngor.