2. Korint 10:3 - Chuukese Bible

³ Mi pwüng pwe aia nom lon ei fanüfan, nge aisap maun lon lapalapen fanüfan.

2. Korint 10:3 Iomraidhean Croise

Nöün Paulus Toropwe ngeni ekewe Souläng lon Rom 7:5

Pun lupwen sia manau lon fitukach, ewe Allük a aselipato ekewe mochenian tipis lon inisich. Iwe, sia chon angang ngeni mäla.

Nöün Paulus Toropwe ngeni ekewe Souläng lon Rom 8:13

Pun are oua nonom fän nemenien fituk, oupwe mäla. Nge are oupwe amäloi ekewe föförün tipis ren Ngünmifel, iwe, oupwe manau.

Nöün Paulus Toropwe ngeni ekewe Souläng lon Rom 8:4

Kot a föri ei, pwe pwüngün ewe allük epwe pwönüetä rech, kich mi manau fän nemenien Ngünmifel, nge sap fän nemenien fituk.

2. Korint 1:17

Lupwen üa akota ei, ifa usun üa siwilikisi ai ekiek, nge esap wor popun? Ika üa föri ai akot lon ekiekin fanüfan, pwe üpwe apasa “Ewer, ewer,” pwal “Apw, apw” lon eu chök otun?

2. Korint 10:4

Ekewe pisekin maun aia aea le maun sap pisekin ei fanüfan, nge pisekin Kot mi manaman, aia aea le atai ekewe lenien pöchökül.

Kalatia 2:20

iei mine sap ngang üa chüen manau, nge Kraist a manau loi. Ei manau üa manaueni iei üa manau ren ai lükü ewe Nöün Kot mi echeniei o fangala manauan fän itei.

1. Timoty 1:18

En nei Timoty, üpwe ngonuk ei allük, a usun chök mine ekewe soufos ra apasa usumw me lom. Kopwe aea ekei kapas pwe om pisekin fiu, pwe kopwe mauneni ewe maun mi öch,

2. Timoty 4:7

Üa eäni ewe maun mi öch, üa awesöchüela ewe kitir, üa amwöchü ai lükülük.

Ipru 12:1

Pokiten a fen wor rech eu watten mwichen chon pwärätä ar lükü ra pwelifeilikich, iei mine ousipwe likitätiu mettoch meinisin mi epetikich, pwal sokun tipis mi alikafifikich, nge sipwe tipeppos le sä lon ewe kitir mi nom mwach.