2. Korint 1:4 - Chuukese Bible

⁴ A akachipakich lon ach riaföü meinisin, pwe pwal kich sipwe tongeni echipa chokewe mi nom lon sokopaten riaföü meinisin ren ewe chip sia püsin angei me ren Kot.

2. Korint 1:4 Iomraidhean Croise

Kölfel 32:5

Mürin üa pwärätä ai tipis ngonuk, nge üsap aopala ai pwüngingau. Üa apasa, “Üpwe pwärätä ngeni ewe Samol mi Lapalap ai pupungau.” Iwe, ka amusala ai tipis meinisin.

Kölfel 32:7

En eu lenien op fän itei, ka tümwünüei seni weires. Üa leüömong le köl usun om angasaeila.

Kölfel 66:16

Oupwe feito o rongorong, ämi meinisin mi asamolu Kot, üpwe apworausa ngenikemi mine Kot a föri fän itei.

Kölfel 86:17

Kopwe pwäri ngeniei eu asisil pwe ka kirikiröch ngeniei, pwe chokewe mi oputaei repwe säw, lupwen repwe küna pwe en ai Samol mi Lapalap ka alisiei o achipaei.

Aisea 12:1

Lon ena rän eman me eman epwe apasa, “Üa kilisou ngonuk, ai Samol mi Lapalap. Ewer, ka song ngeniei, nge om song a kul seniei, ka pwal achipaei.

Aisea 40:1

“Oupwe achipa, oupwe achipa nei aramas kana,” ämi Kot a apasa.

Aisea 49:10

Resap echik are kaka, nge pwichikaren lon fanüapö me akkar resap pwichitiir, pun ätewe mi tongeer epwe emwenirela ngeni puächen koluk.

Aisea 51:12

Iwe, ewe Samol mi Lapalap a apasa, “Ngang ewe üa achipok. Pwota ka niueiti aramas mi mäkai, ir upun won aramas mi wewe ngeni fetil?

Aisea 51:3

Ngang ewe Samol mi Lapalap üpwe achipa Jerusalem o eäni tong ngeni meinisin mi imweimw lon ekewe imw mi tala. Üpwe föri pwe fanüan mi pön epwe wewe ngeni Eten, nge fanüan mi pwas epwe wewe ngeni ai tanipi. Pwapwa me mwänek epwe fis lon, pwal kilisou me kölün mwareitiei.

Aisea 52:9

Oupwe leüömong le kölfengen, ämi leni mi tala lon Jerusalem, pun ewe Samol mi Lapalap a achipa nöün aramas, a pwal angasa chon Jerusalem.

Johannes 14:16

Üpwe tüngor ngeni Semei, iwe i epwe ngenikemi pwal eman Soualilis, epwe nonom remi tori feilfeilachök.

Johannes 14:18

Üsap likitikemi usun ekewe mi mäsen. Üpwe liwinsefälito remi.

Johannes 14:26

Nge ewe Soualilis, ewe Ngünmifel, Semei epwe tinato fän itei, epwe aiti ngenikemi ekei mettoch meinisin o achema ngenikemi meinisin mine üa fen ürenikemi.

2. Korint 7:13

Iei popun äm aia apilükülüköch. Nge äm aisap chök apilükülüköch, aia pwal fokun pwapwa pokiten än Titus pwapwa, pun ämi meinisin oua alisi i pwe epwe chip.

2. Korint 7:4

A fokun watte ai apilükülükükemi, üa fokun sikäsinikemi. Lon äm riaföü meinisin ngang üa chüen apilükülüköch, a fokun somwola ai pwapwa.

Filipi 1:14

Ren ai nonom lon imwen fötek a fis pwe chomong pwiich kewe souläng ra apilükülükü ach Samol, iei mine a lapala ar pwora le afalafala ewe kapasen Kot, nge resap niuokus.

1. Tesalonika 4:18

Iei mine oupwe echipafengenikemi ren ekei kapas.

1. Tesalonika 5:11

Iei mine oupwe apöchökülafengenikemi o alilisfengen lefilemi, usun oua fen föri iei.

Ipru 12:12

Iei mine oupwe apöchökülätä pöümi me pwäsukumi kana mi apwangapwang.