2. Korint 1:3 - Chuukese Bible

³ Sipwe mwareiti Kot i Semen ach Samol Jesus Kraist, ewe Sam mi eäni tong me ewe Kot mi echipakich lon mettoch meinisin.

2. Korint 1:3 Iomraidhean Croise

Keneses 14:20

Sipwe mwareiti ewe Kot mi Unusen Tekia, a atolonga chon oputom fän nemeniom.” Mürin, Apram a ngeni Melkisetek eu leengol seni choon wokun meinisin.

1. Kronika 29:10

Iwe, Tafit a mwareiti ewe Samol mi Lapalap me fän mesen ewe mwichen aramas meinisin o üra, “Üpwe mwareituk, ai Samol mi Lapalap, en än äm we lewo Jakop we Kot tori feilfeilachök.

Nehemia 9:5

Mürin, ekewe mwän seni ewe ainangen Lefi Jesua, Katmiel, Pani Hasapneia, Serepia, Hotia, Sepania me Petaia ra apasa, “Oupwe ütä o mwareiti ewe Samol mi Lapalap ämi we Kot tori feilfeilachök. Oupwe mwareiti itan mi ling, a tekia seni ekewe feiöch meinisin me mine aramas ra mwareiti.”

Hiop 1:21

Iwe, a apasa, “Üa selela lupwen üa towu seni letipen inei, üpwe pwal selelasefäl lupwen ai üpwe towu seni fanüfan. Ewe Samol mi Lapalap a fangoto, ewe Samol mi Lapalap a angeesefäli, üpwe mwareiti ewe Samol mi Lapalap.”

Kölfel 18:46

Ewe Samol mi Lapalap a manau. Üa mwareiti ai achau, üa ingeiti ai Kot mi amanauaei.

Kölfel 68:35

Kot a men eniwokus, lupwen a towu seni imwan mi pin. I ewe Koten Israel mi ngeni nöün kewe aramas manaman me pöchökül. Sipwe mwareiti Kot!

Kölfel 72:19

Sipwe mwareiti itan mi ling tori feilfeilachök. An ling epwe aurala unusen fanüfan. Amen, amen.

Kölfel 86:15

Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Aisea 66:13

Usun eman inelap a achipa nöün, iei usun ngang üpwe achipakemi. Iwe, oupwe küna chip lon Jerusalem.

Taniel 4:34

Iwe, ewe king a üra, “Wesin ekewe fisu ier, ngang Nepukatnesar üa netä läng o miritsefäl. Iwe, üa mwareiti Ewe mi Fokun Tekia o manau tori feilfeilachök, üa pwal alinga o asamolu i. Pun an nemenem esap müchüla, nge mwün a nonom seni eu täppin aramas tori pwal eu täppin.

Taniel 9:9

En chök äm Samol me äm Kot ka eäni tong, ka pwal amusala tipis. Nge äm aia ü ngonuk,

Mika 7:18

Esap wor eman Kot usun en. Ka amusala tipis o apichala pupungauen chokewe mi chüen manau me lein noum kewe aramas. Kosap amwöchü om song tori feilfeilachök, nge ka pwapwa le pwärätä om tong ellet ngenikem.

Johannes 10:30

Ngang me Semei eman chök.”

Johannes 20:17

Jesus a üreni, “Kosap atapaei, pun üsamwo feitä ren Semei. Nge kopwe feila ren pwii kewe o üreniir, pwe üpwe feitä ren Semei pwal Semer, ren ai Kot pwal ar Kot.”

2. Korint 11:31

Ewe Kot, i Semen ach Samol Jesus a silei pwe üsap chofona. Itan epwe feiöch tori feilfeilachök!

2. Korint 7:6

Nge Kot, ewe mi echipa chokewe mi tipetekison, a echipakem ren wareton Titus.

Efisos 1:17

o tüngor ngeni än ach we Samol Jesus Kraist we Kot, i Samach we mi ling, pwe epwe ngenikemi ewe Ngünmifel. I ewe mi atipachemakemi o asile ngenikemi usun Kot, pwe epwe lapala ämi silei i.

Efisos 1:3

Sipwe kilisou ngeni Kot Semen ach Samol Jesus Kraist, pun a afeiöchükich lon Kraist ren ekewe feiöchün ngün meinisin ra nonom lon läng.

Filipi 2:11

nge ir meinisin repwe pwärätä pwe Jesus Kraist i Samol, pwe Kot Sam epwe ling ren.

Kolose 1:3

Äm aia kilisou ngeni Kot Semen ach Samol Jesus Kraist fansoun meinisin lupwen aia iotek fänäsengesimi.

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,

2. Johannes 1:4

Üa fokun pwapwa lupwen üa silei pwe ekoch me lein noumw kana ra manaueni ewe manauen let usun chök ewe Sam a allük ngenikich.

2. Johannes 1:9

Eman esap kamwöchünük won än Kraist afalafal, pwe a apacha och ngeni, Kot esap nonom ren. Nge eman mi kamwöchünük won ewe afalafal, ewe Sam me ewe Nau ra nonom ren.