2. Korint 1:11 - Chuukese Bible

¹¹ ika ämi oua alisikem lon ämi iotek. Iwe, epwe iei usun pwe ekewe chomong iotek fän item epwe pwönüetä o Kot epwe afeiöchükem, mürin chomong repwe kilisou ngeni fän item.

2. Korint 1:11 Iomraidhean Croise

Aisea 37:4

Eli ewe Samol mi Lapalap om we Kot a rong alon ewe meilapen sounfiu, ätewe an samol ewe kingen Asiria a tinato pwe epwe turunufasei ewe Kot mi manau. Iwe, ewe Samol mi Lapalap om we Kot epwe apwüngü ätewe ren an kewe kapas a apasa. Iei mine kopwe iotek fän iten chokewe ra chüen manau.”

Föför 12:5

Iei usun Petrus a mwöchülong lon fötek, nge ekewe aramas lon ewe mwichefel ra likitü le ikiotek ngeni Kot fän itan.

2. Korint 4:15

Ekei mettoch meinisin ra fis ngenikem fän itemi, pwe än Kot ümöümöch mi tori chomong, chomong aramas epwe afisätä ar iotekin kilisou mi urourela, pwe Kot epwe ling ren.

2. Korint 9:14

Iwe, fän watten ar tongekemi, repwe iotek fänäsengesimi, pokiten ewe ümöümöch mi fokun lapalap Kot a ngenikemi.

Filipi 1:19

pun üa silei pwe pokiten ämi iotek, pwal ren än Ngünün Jesus Kraist alisiei üpwe ngasala.

Kolose 4:3

Oupwe pwal iotek fän item pwe Kot epwe suki eu asam ngenikem, pwe aipwe tongeni afalafala an kapas usun ewe monomonen Kraist. Pun iei popun pwe üa nom lon imwen fötek.

1. Tesalonika 5:25

Ämi pwiim kana, oupwe iotek fänäsengesim.

2. Tesalonika 3:1

Iwe, ämi pwiim kana, oupwe iotek fän item, pwe än ewe Samol kapas epwe müttir chöfetal o aramas repwe etiwa fän ar suföl, usun chök a fen fisitä lefilemi.

Filimon 1:22

Iwe, pwal och: Kose mochen kopwe amolätä eu ruum fän itei, pun üa apilüköch pwe Kot epwe apwönüetä mine oua tüngor lon ämi iotek pwe üpwe liwinsefälila remi.

Ipru 13:18

Oupwe sopwela le iotek fän item. Sia silei, pwe mwelien letipem a limelimöch, pun sia fokun mochen föri mine a pwüng fansoun meinisin.