1. Samuel 7:3 - Chuukese Bible

³ Iwe, Samuel a üreni chon Israel meinisin, “Are oua kul ngeni ewe Samol mi Lapalap ren unusen lelukemi, oupwe pöütala ekewe koten ekis me ekewe uluulun ewe anüfefin Astarot mi nom remi o atolongakemi fän nemenien ewe Samol mi Lapalap, pwe oupwe angang ngeni i chök. Mürin epwe angasakemi seni fän nemenien ekewe chon Filistia.”

1. Samuel 7:3 Iomraidhean Croise

Keneses 35:2

Iei mine Jakop a kapas ngeni chon leimwan me chokewe meinisin mi eti, “Oupwe pöütala ekewe uluulun anümwäl mi wor remi, oupwe pwal limetikemi o siwili üfemi.

1. King 11:33

Pun Salomon a likitieila o fel ngeni Astarot nöün chon Siton anüfefin me Kemos ewe koten Moap, pwal Molok ewe koten Amon. Salomon esap aleasochisiei, esap pwal föri mine a pwüng me fän mesei o apwönüetä ai kewe pwüüng me allük usun Tafit saman we a föri.

1. King 8:48

are ra kulsefälituk ren unusen leluker me lon fanüen chon oputer o iotek ngonuk le sape ngeni fanüer ka ngeni ar kewe lewo, are ra sape ngeni ei telinimw ka filätä, pwal ngeni ei imwenfel üa aüetä fän itom,

2. King 17:39

nge oupwe chök fel ngeniei ngang ewe Samol mi Lapalap ämi we Kot. Iwe, ngang üpwe angasakemi seni chon oputakemi meinisin.”

2. King 23:15

Iwe, ewe king a pwal ataela ewe rongen asor mi nom Petel, ewe lenien fel won ewe leni tekia Jeropoam nöün Nepat we mwän a aüetä, ätewe a emweni chon Israel ngeni tipis. A atatakisi föün ei rongen asor tori a wiliti pipisüsü, a pwal kenala uluulun ewe anüfefin Asera.

1. Kronika 22:19

Iei oupwe anomu lon ämi ekiek pwal lon lelukemi, pwe oupwe angang ngeni ewe Samol mi Lapalap ämi we Kot. Oupwe popuetä le aüetä ewe imw mi pin imwen Kot ewe Samol mi Lapalap, pwe an we pworofel me an kewe sepi mi pin repwe nom lon ewe imwenfel mi kaütä fän itan.”

1. Kronika 28:9

Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.

2. Kronika 19:3

Nge a wor ekoch föför mi mürina ka föri. Ka ataela ekewe uluulun ewe anüfefin Asera seni lon ewe fanü, ka pwal kütta letipen Kot ren unusen lelukom.”

2. Kronika 20:33

Nge ekewe lenien fel won ekewe leni tekia resap katala. Ekewe aramas resap mwo kul ngeni än ar kewe lewo we Kot, pwe repwe angang ngeni ren unusen leluker.

2. Kronika 30:19

mi fel ngonuk ren unusen leluker, inamwo ika resap limöch, pun resap föri pwüngün allükün lon ewe leni mi pin.”

Än Salomon Fos 16:1

Eman aramas a tongeni ekiekietä mettoch lon lelukan, nge mine epwe apasa a feito seni ewe Samol mi Lapalap.

Aisea 55:7

Chon föföringau repwe likitala ar föför, nge chon pwüngingau kana repwe siwili ar ekiek. Repwe liwiniti ewe Samol mi Lapalap pwe epwe tongeäsiniir. Repwe kuliti ach Kot, pun a müttir le amusala tipis.

Jeremaia 24:7

Üpwe ngeniir eu leluk mi silei pwe ngang ewe Samol mi Lapalap. Ir repwe nei aramas, nge ngang üpwe ar Kot, pun repwe liwinsefälitiei ren unusen leluker.

Jeremaia 36:3

Eli ika chon Juta repwe rongorong usun ekewe feiengau meinisin üa ekiekin föri ngeniir, repwe kul seni ar föför mi ngau. Mürin, ngang üpwe amusala ar föföringau me tipis.”

Jeremaia 4:1

Iei alon ewe Samol mi Lapalap, “Are oupwe liwinto, ämi chon Israel, oupwe fokun liwinitiei. Are oupwe atoauala ekewe uluulun anümwäl mi anioput me fän mesei, nge ousap chüen tokola,

Isikiel 14:6

Iei mine kopwe üreni ekewe chon Israel pwe iei aloi ngang Kot ewe Samol mi Lapalap, ‘Oupwe ekieksefäl. Oupwe kul seni ämi kewe uluulun anümwäl o sape seni ämi föför mi anioput meinisin.

Isikiel 18:31

Oupwe pöütala ämi pupungau meinisin oua föriir. Oupwe angei seniei eu leluk mi fö me eman ngün mi fö. Pwota oua mochen mäla, ämi chon Israel?

Osea 14:1

Ämi chon Israel, oupwe liwiniti ewe Samol mi Lapalap ämi we Kot. Oua chepetek o turula pokiten ämi kewe tipis.

Mateus 15:8

‘Kot a apasa: Ekei aramas ra asamoluei ren ar kapas, nge leluker a wesewesen toau seniei.

Mateus 4:10

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Mateus 6:24

“Esap wor eman a tongeni angang ngeni ruoman samol. Pun epwe oput eman, nge epwe echeni ewe eman, ika epwe tipeni eman, nge epwe turunufasei ewe eman. Ousap tongeni angangepök ngeni Kot me wöün fanüfan.

Lukas 4:8

Jesus a pölüeni, “A mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Johannes 4:24

Kot Ngün, nge ren manamanen Ngünün we aramas ra chök tongeni fel ngeni lon let.”

Tuteronomi 10:20

Iwe, oupwe meniniti ewe Samol mi Lapalap ämi we Kot, oupwe angang ngeni o fitipacheiti, oupwe chök eäni itan le pwon.

Tuteronomi 13:4

Oupwe fetalla mürin ewe Samol mi Lapalap ämi we Kot o meniniti, oupwe apwönüetä an kewe allük o aleasochisi alon, oupwe pwal fel ngeni o fitipacheiti.

Tuteronomi 4:29

Nge ika oupwe kütta ewe Samol mi Lapalap ämi we Kot me ikenan, oupwe küna are oupwe kütta ren unusen lelukemi me unusen ngünümi.

Tuteronomi 6:13

Oupwe meniniti ewe Samol mi Lapalap ämi we Kot. Oupwe fel ngeni i chök o eäni itan le pwon fän akapel.

Josua 13:31

pwal esopun Kiliat, Astarot me Etrei ekewe samolun telinimwen mwün Ok lon Pasan. Ikkei inetin esopun mwirimwirin Makir nöün Manasa we mwän a aükük ngeni ükükün ar kewe famili.

Josua 24:14

Iei mine oupwe meniniti ewe Samol mi Lapalap o angang ngeni fän leten lelukemi pwal fän allükülüköch. Oupwe pöütala ekewe kot ämi kewe lewo ra fel ngeniir me pekilan ewe chanpupu Oifrat pwal me Isip, nge oupwe chök angang ngeni ewe Samol mi Lapalap.

Josua 24:23

Mürin, Josua a üreniir, “Oupwe pöütala ekewe koten ekis mi nom remi o akulu lelukemi ngeni ewe Samol mi Lapalap ewe Koten Israel.”

Soukapwüng 10:16

Mürin, ra pöütala ar kewe koten ekis mi nom rer o angang ngeni ewe Samol mi Lapalap. Iwe, Kot a chüngüw ekewe chon Israel lon ar riaföü.

Soukapwüng 10:6

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap, pwe ra angang ngeni ekewe anü Paal me Astarot, ngeni ekewe koten Siria me Siton, ekewe koten Moap me än chon Amon pwal än chon Filistia kewe kot. Ra likitala ewe Samol mi Lapalap o ükütiu le angang ngeni.

Soukapwüng 2:11

Mürin, ekewe aramasen Israel ra föri mine a ngau me fän mesen ewe Samol mi Lapalap o angang ngeni ekewe anü Paal.

Soukapwüng 2:13

Iwe, ra likitala ewe Samol mi Lapalap o angang ngeni ekewe anü Paal me Astarot.

1. Samuel 31:10

Iwe, ra iseis üfen Saul üföüfen maun lon ewe imwenfelin ewe anüfefin Astarot, nge inisin ra emeitiua won tittin ewe telinimw Petsan.