1. Samuel 4:3 - Chuukese Bible

³ Nge lupwen ekewe sounfiu ra liwiniti lenier we, ekewe souakomwen Israel ra üra, “Pwota ewe Samol mi Lapalap a mwüt ngeni chon Filistia pwe repwe akufukich ikenai? Ousipwe angei än ewe Samol mi Lapalap we pworofel seni Silo o ekieto ikei pwe Kot epwe nom lefilach o amanauakich seni chon oputakich.”

1. Samuel 4:3 Iomraidhean Croise

2. Samuel 15:25

Mürin, ewe king a kapas ngeni Satok, “Kopwe aliwinsefälielong än Kot we pworofel lon ewe telinimw. Are üa küna ümöümöch me ren ewe Samol mi Lapalap, i epwe aliwinsefälieto o mwüt ngeniei pwe üpwe künasefäli ewe pworofel me lenian.

1. Kronika 17:1

Iwe, lon eu rän, lupwen Tafit a nom lon imwan, a titi ewe soufos Natan o üreni, “Nengeni, üa nom lon eu imw mi för seni ewe irä setar, nge än ewe Samol mi Lapalap pworofel a chök nom lon eu imw mangaku.”

Kölfel 74:1

Ai Samol mi Lapalap, pwota ka pöütikeemila tori feilfeilachök? Pwota ka chök sosong ngeni noum kewe aramas?

Kölfel 74:11

Pwota kosap mochen alisikem? Pwota ka uwala poum lükisökürum?

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Aisea 58:3

Iwe, ekewe aramas ra ais, “Pwota aipwe echikefel are kosap nenengenikem? Pwota aipwe püsin ariaföüükem are kosap memef ren?” Ewe Samol mi Lapalap a pälüeniir, “Lon ränin ämi echikefel oua chök püsin kütta winnemi o ariaföüü nöümi chon angang.

Aisea 59:1

Nengeni, pöün ewe Samol mi Lapalap esap mochomoch, a tongeni amanauakemi, selingan esap pinela, a tongeni rongorong ämi siö.

Aisea 59:2

Nge ämi föföringau a aimwükemi seni ämi Kot, nge ämi tipis a pwölüela won mesan, iei popun esap rongorong.

Jeremaia 3:16

Lon ekana rän, lupwen oupwe chomongola me lon ewe fanü, aramas resap chüen kapas usun ai we pworun pwon. Esap chüen nom lon ekiekir, resap pwal chüen chechemeni ika mefi pwe esap chüen nom. Resap pwal chüen försefäli ewe pworofel.

Jeremaia 7:4

Ousap lükü ekei kapasen atuputup ra apasa, ‘Aisap feiengau. Iei än ewe Samol mi Lapalap imwenfel, än ewe Samol mi Lapalap imwenfel, än ewe Samol mi Lapalap imwenfel.’

Numperis 10:33

Iwe, ekewe aramasen Israel ra sai seni chukun ewe Samol mi Lapalap o sai lon ükükün ülüngat rän. Nge än ewe Samol mi Lapalap we pworun pwon a akomwola mwer, pwe epwe kütta ia repwe asösö ie.

Numperis 10:35

Iwe, iteiten fansoun lupwen ewe pworofel a sai, Moses a apasa, “Äm Samol mi Lapalap, kopwe ütä o atoropasafeili chon pälüenuk, nge ekewe mi oputok repwe sü me mwom.”

Numperis 31:6

Mürin, Moses a tinirela ngeni maun, pwal Pinehas nöün ewe souasor Eleasar mwän mi uwei ekewe pisek seni ewe imw mi pin, pwal ekewe rappwa ra nöünöü le ettiki ewe tikin asilesilen maun.

Tuteronomi 29:24

Iwe, chon ekewe mwü meinisin repwe ais, ‘Pwota ewe Samol mi Lapalap a föri iei usun ngeni ewe fanü? Met popun a kon watte an song?’

Tuteronomi 31:26

“Oupwe angei ei puken allük o iseni lepekin ewe pworun pwon än ewe Samol mi Lapalap ämi we Kot, pwe epwe nom ikenan, pun a wisen pwärätä o ü ngenikemi.

2. Timoty 3:5

Repwe pomweni pomwen souläng, nge manamanan ra pöütala. Kosap chiechi ngeni ekei sokun aramas.

Ipru 9:4

Lon ei leni a nom ewe rongen asoren ötüöt seni kolt me ewe Pworun Pwon mi pwölüpwöl ngeni kolt. Lon ei Pworun Pwon a wor ewe pör seni kolt ia ekewe mana ra nom ie me wokun Aaron we mi fasar, pwal ekewe rüepek fau ia ekewe allük ra mak ie.

Josua 4:7

mürin oupwe üreniir, ‘Lölön ewe chanpupu Jortan a kaüla, lupwen aia pwerela lon ewe chanpupu fän än ewe Samol mi Lapalap we pworofel.’ Iei mine ekei fau repwe föün achem ngeni ekewe aramasen Israel tori feilfeilachök.”

Josua 6:6

Iwe, Josua nöün Nun we mwän a körato ekewe souasor o üreniir, “Oupwe eki ewe pworofel, nge füman me leimi repwe uwei fisu rappwa seni mächän ätemwänin sip me mwen än ewe Samol mi Lapalap we pworofel.”

Josua 7:7

Iwe, Josua a apasa, “Ai Samol me ai Kot, pwota chök ka fen emwenikeemito pekiton ewe chanpupu Jortan? Ifa usun, kopwe atokeemilong lepöün chon Amor pwe repwe arosakeemila? Amwo sipwe menemen le nonom pekilan ewe chanpupu Jortan.

Josua 7:8

Ai Samol, met ngang üpwe chüen apasa, nge iei chon Israel ra sü me mwen chon oputeer?

1. Petrus 3:21

Ei koluk eu liosun papatais mi amanauakemi iei. Esap limetala pwülün inis, nge eu pwon ngeni Kot oua eäni seni eu mwelien letipemi mi limöch. Iwe, a amanauakemi ren än Jesus Kraist manausefäl,

Jutas 1:5

Pun inamwo ika oua silei ekei mettoch meinisin, nge üa chök mochen ai üpwe achema ngenikemi usun än ewe Samol a amanaua ekewe aramasen Israel seni Isip, nge mürin a arosala chokewe resap lükü.

1. Samuel 1:24

Nge mürin än Hana mwüti seni oupw, a uwala Silo fiti eman ätemwänin kow ülüngat ierin, ilik paun pilawa mi amas me eu rumen wain. Iwe, a uwala ewe semirit lon imwen ewe Samol mi Lapalap lon Silo, nge a chüen kükün.

1. Samuel 14:18

Iwe, Saul a üreni Ahia, “Kopwe uwato än Kot we pworofel ikei.” Pun lon ewe fansoun än Kot we pworofel a nom ren ekewe aramasen Israel.

1. Samuel 4:2

Iwe, ekewe chon Filistia ra tettel o maun ngeni chon Israel. Nge lupwen ewe maun a wattela, chon Israel ra kuf ren chon Filistia mi niela ina epwe ükükün rüanüngeröü mwän lon ewe lenien maun.