1. Samuel 2:3 - Chuukese Bible

³ Ousap chüen fos lamalamtekia, kapasen tunesikesik esap chüen towu seni lon awemi. Pun ewe Samol mi Lapalap eman Kot mi silei mettoch meinisin, i a apwüngü än aramas meinisin föför.

1. Samuel 2:3 Iomraidhean Croise

1. King 8:39

mürin kopwe aüselingeer me läng ewe ia ka nom ie. Kopwe amusala ar tipis o liwini ngeni eman me eman ükükün an föför, pun en ka silei leluker, ewer, en echök ka silei leluken aramas meinisin.

Hiop 31:6

Kot epwe kiloniei won eu kilo mi pwüng, pwe epwe küna pwe üsap tipis.

Kölfel 147:5

Ach Samol a tekia o fokun manaman, an mirit esap wor aükükün.

Kölfel 17:10

Ra pineela leluker pwe resap eäni tong, ra eäni kapasen tunesikesik.

Kölfel 31:18

Kopwe afanafanalai ekewe chon chofana ra fos sikesik usun chon pwüng lon ar lamalamtekia me oput.

Kölfel 44:21

ifa usun, Kot esap küna ei föför? Ewer, pun Kot a silei mine a monomon me lon lelukem.

Kölfel 75:5

Ousap üranang ika fos fän lamalamtekia.”

Kölfel 94:4

Ekewe chon föföringau meinisin ra atowu kapasen lamalamtekia, ra aingaing won ar föför mi ngau.

Än Salomon Fos 16:2

Eman aramas a ekieki pwe meinisin mine a föri a pwüng, nge ewe Samol mi Lapalap a apwüngü ekiekin letipan.

Än Salomon Fos 24:12

Are ka apasa pwe kosap silei usun ei lapalap, ifa usun, ewe mi atittina leluken aramas esap küna? Ifa usun, ewe mi mamasok esap silei? I epwe liwini ngeni eman me eman aramas ükükün liwinin an föför.

Än Salomon Fos 8:13

Eman mi niuokusiti ewe Samol mi Lapalap a oput mine a ngau. Üa oput lamalamtekia me sikesik, pwal föför mi ngau me kapasen atuputup.

Aisea 26:7

Äm Samol mi Lapalap, ka asonosonöchü ewe al ekewe chon pwüng repwe fetal won, ka pwal awenöchü ar kewe al.

Aisea 37:23

Iö ka urumwotei o turunufasei? Iö ka eäni kapas osomong ngeni? Nge iö ka newenewen ngeni fän lamalamtekia? Ka chök föri ei ngeniei ngang Ewe mi Pin lon Israel.

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Isikiel 35:13

Ngang üa püsin rongorong chomongun ämi kapasen tunosikesik oua ü ngeniei ren.

Taniel 4:37

Iei mine ngang Nepukatnesar üpwe mwareiti o asamolu ewe Kingen Läng, üpwe pwal alinga i. An föför ra let o pwüng, nge a atekisona chokewe mi eäni lamalamtekia.”

Taniel 5:27

Tekel wewen Kot a kilonuk, nge a pwä pwe ka fokun päl.

Malakai 3:13

Iei alon ewe Samol mi Lapalap, “Oua eäni kapas pöchökül ngeniei. Nge ämi oua ais, ‘Met aia eäni kapasen üpälü ngonuk?’

Ipru 4:12

Pun än Kot kapas a manau o manaman, a ken seni efoch ketilas mi seisei me rüepek. A tililong lon manauach o aimwüfeseni letipach me ngünüch, pwal lekupukupun lon chü me fituken lon chü. A pwal apwüngü mochen me ekiekin letipen aramas.

Josua 22:22

“Kot i ewe Samol mi Lapalap, ewe mi Manaman! Kot i ewe Samol mi Lapalap, ewe mi Manaman, a silei met popun äm föri ei föför, nge Israel epwe pwal silei. Are äm aia föri ei föför ren äm ü ngeni ewe Samol mi Lapalap ika ren äm aleasolap ngeni, ousap amanauakem ikenai.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.

Soukapwüng 9:38

Mürin, Sepul a üreni Kaal, “Ifa chök alom we ka üra, ‘Iö Apimelek pwe sipwe angang ngeni.’ Sap ikkei ir ekewe mwän ka turunufasei? Iei kopwe towu o maun ngeniir.”

1. Samuel 16:7

Nge ewe Samol mi Lapalap a üreni Samuel, “Kosap nengeni an lapalapöch ika an mwänetam, pun üa pöütala. Pun ngang üsap nenengeni usun aramas ra nenengeni. Aramas ra nenengeni lapalapen mesen eman, nge ngang üa nenengeni leluken aramas.”