1. Samuel 19:4 - Chuukese Bible

⁴ Iwe, Jonatan a kapasöch usun Tafit ngeni Saul saman we o üreni, “Ai king, kosap tipis ngeni noum chon angang Tafit, pun i esap tipis ngonuk, nge an föför a fen öch ngonuk.

1. Samuel 19:4 Iomraidhean Croise

Keneses 42:22

Nge Rupen a pälüeniir, “Ifa usun, üsap fen ürenikemi pwe ousap föri och tipis ngeni ewe ät? Nge ämi ousap mochen aüselinga aloi. Iei liwinin mine sia föri ngeni a torikich.”

Keneses 9:6

Kot a föri aramas lon püsin lapalapan. Iei mine iö epwe niela eman aramas, i epwe pwal ninnila ren aramas.

2. Kronika 6:22

Iwe, are eman aramas epwe atipisi chon arun o emwenala ren om ei rongen asor lon ei imwenfel, pwe epwe pwon fän akapel pwe esap tipis,

Kölfel 35:12

Ra liwini ngeniei ingau fän iten ai föför mürina. Iwe, üa fokun apilükingau.

Kölfel 59:4

Üsap föri och mi mwäl, nge ra chök amoleretä pwe repwe fiu ngeniei. Kopwe ütä o alisiei, kopwe nenengeni ai osukosuk.

Än Salomon Fos 17:13

Are eman aramas a liwini ingau fän iten föför mürina, feiengau esap sü seni imwan.

Jeremaia 18:20

Ifa usun, föför mürina epwe liwin ngeni ngau? Nge ir ra tuw eu pwang fän itei. Kopwe chechemeni ai ütä fän mesom, pwe üpwe kapas mürina fän iter o akulu seniir om lingeringer.

1. Korint 8:12

Lupwen ka tipis ngeni pwiüm lon ei sokun lapalap o afeiengaua mwelien letipan mi apwangapwang, ka tipis ngeni Kraist.

1. Johannes 3:15

Eman mi oput pwiin, i eman chon niela aramas. Iwe, oua silei pwe eman chon niela aramas esap eäni manau esemüch lon manauan.

1. Samuel 2:25

Are eman aramas a tipis ngeni eman aramas, Kot epwe aför lefiler. Nge are eman aramas a tipis ngeni ewe Samol mi Lapalap, iö epwe tüngor fän itan?” Nge ekewe alüal resap aüselinga alon semer we, pun a fen letipen ewe Samol mi Lapalap pwe epwe nirela.

1. Samuel 20:32

Mürin, Jonatan a aisini Saul, “Pwota epwe ninnila? Meta a föri?”

1. Samuel 22:14

Mürin, Ahimelek a pälüeni ewe king, “Ai king, iö me lein noum chon angang a allükülük usun Tafit? A pwülüeni noum we föpwül, a pwal meilapen ewe mwichen sounfiu mi tümwünuk o iteüöch me lein chon leimwom.