1. Samuel 19:1 - Chuukese Bible

¹ Iwe, Saul a kapas ngeni Jonatan nöün we mwän, pwal ngeni nöün kewe chon angang meinisin, pwe repwe niela Tafit. Nge Jonatan nöün we mwän a fokun tongei Tafit.

1. Samuel 19:1 Iomraidhean Croise

Keneses 37:18

Iwe, pwin kewe ra küna Josef me toau. Nge lupwen esamwo arap ngeniir, ra pwüngüpwüngfengen lemonomon usun ar repwe niela.

2. Samuel 4:8

Iwe, ra uwala möküren Isiposet ren Tafit lon Hepron o üreni, “Iei möküren Isiposet nöün Saul we mwän ewe chon oputom mi elliapok o mochen niikela. Ikenai ewe Samol mi Lapalap a ngeni Saul me mwirimwirin kana chappen ar föför ngonuk, en äm samol me äm king.”

1. Samuel 18:1

Iwe, lupwen Tafit a wes me kapas ngeni Saul, Jonatan nöün Saul we a pwipwi ngeni Tafit seni lon letipan o echeni usun an püsin echeni.

1. Samuel 18:25

Mürin, Saul a üreniir pwe repwe asile ngeni Tafit, “Ewe king esap mochen och kiis, chilon chök ipükü ünüchen ewe kükün inis seni ekewe chon Filistia, pwe epwe ngeni chon oputan chappen ar föför.” Iei usun Saul a ekieki pwe ekewe chon Filistia repwe niela Tafit.

1. Samuel 18:3

Mürin, Jonatan a eäni eu pwon ngeni Tafit pwe repwe pwipwifengen tori feilfeilachök, pun a echeni usun an echeni püsin manauan.

1. Samuel 18:8

Mürin, Saul a fokun song, pun a oput ekei kapas. Iwe, a apasa, “Ra ngeni Tafit lap seni engol ngeröü, nge ngang ra ngeniei ngeröü. Met chüen mangen an epwe nemeni ewe mwü?”

1. Samuel 18:9

Iwe, Saul a meselolowo ngeni Tafit seni lon ewe ränin feila.

1. Samuel 19:2

Iei mine a üreni Tafit, “Saul semei we a anennok pwe epwe niik. Kopwe afäluk lesosorun lesor, kopwe nom lon eu leni mi monomon o op.

1. Samuel 20:1

Mürin, Tafit a sü seni Naiot lon Rama, a feila ren Jonatan o aisini, “Met ü föri? Met ai pupungau? Nge met ai tipis ngeni semom we, pwe a küttaei pwe epwe nieila?”

1. Samuel 20:19

Nge lon ewe aülüngatin rän repwe fokun mefi pwe kosap nom. Mürin kopwe feila ren ewe leni ia ka op ie me mwan. Kopwe op ikenan ünükün ewe ioien fau.