1. Samuel 1:3 - Chuukese Bible

³ Iwe, iteiten ier Elkana e sou feitä seni an telinimw pwe epwe fel o asor ngeni ewe Samol mi Unusen Manaman me lon Silo. Ikenan nöün Eli kewe ruoman mwän iter Hofni me Pineas ra wisen souasorun ewe Samol mi Lapalap.

1. Samuel 1:3 Iomraidhean Croise

Kölfel 78:60

A likitala lenian me lon Silo, ewe imw mangaku ia Kot a nom ie me lein ekewe aramas.

Ekistos 23:14

“Iwe, fän ülüngat lon eu ier oupwe föri eu chulap ngeniei.

Ekistos 23:17

Iwe, fän ülüngat lon eu ier nöümi kewe mwän meinisin repwe feito rei o fel ngeniei ngang ewe Samol mi Lapalap ämi we Kot.

Ekistos 34:23

Fän ülüngat lon eu ier nöümi mwän meinisin repwe feito o fel ngeniei ngang Kot ewe Samol mi Lapalap, ewe Koten Israel.

Lukas 2:41

Iteiten ier semen me inen Jesus ra soun feila Jerusalem fän iten ewe chulapen Pasofer.

Tuteronomi 16:16

Iwe, fän ülüngat lon eu ier nöümi mwän meinisin repwe feito o fel ngeni ewe Samol mi Lapalap ämi we Kot lon ewe leni i epwe filätä. Repwe feito ren ewe chulapen mongö pilawa esap wor iis lon, ren ewe chulapen wiik me ewe chulapen likachoch. Iwe, resap tongeni feito fän ar asöülapö.

Josua 18:1

Mürin, unusen ewe mwichen aramasen Israel ra mwichefengen lon Silo o aüetä ewe imwenfe sen mangaku ikenan. Iwe, ewe fanü mi nom mwer a oola,

Soukapwüng 18:31

Nge förien Maika we uluulun anü mi fal a nom ikenan lon ükükün fansoun ewe imwen Kot a nom lon Silo.

Soukapwüng 21:19

Mürin ra apasa, “Nengeni, epwe wor eu chulap fän iten ewe Samol mi Lapalap mi fis iteiten ier lon Silo.” Nge Silo a nom efengin Petel peliötiuen ewe alelap seni Petel tori Sikem örün Lepona.

1. Samuel 1:21

Iwe, lupwen a tori fansoun ar we asor, Elkana me chon leimwan meinisin ra feitä Silo pwe repwe eäni ewe asor mi fis iteiten ier ngeni ewe Samol mi Lapalap, epwe pwal apwönüetä an pwon.

1. Samuel 1:9

Lon ewe rän, lupwen ra wes me mongö o ün me lon Silo, Hana a ütä o feila fän mesen Kot. Lon ei otun ewe souasor Eli a mot won eu lenien mot ünükün üren asamalapen imwen ewe Samol mi Lapalap.

1. Samuel 14:3

Pwal Ahia nöün Ahitup we a nom ren, a üföüf echö üf itan efot. Ahia pwin Ikapot nöün Pineas we, nge Pineas nöün Eli, nöün ewe Samol mi Lapalap we souasor lon Silo. Iwe, ekewe aramas resap silei pwe Jonatan a la.

1. Samuel 2:19

Iwe, inan a tei fän itan echö kükün owokot o uweetä ren iteiten ier, lupwen a eti pwülüan we le feitä pwe epwe eäni ewe asor mi fis iteiten ier.

1. Samuel 2:34

Iwe, mine epwe fis ngeni noum kewe ruoman mwän Hofni me Pineas epwe eu asisil ngonuk: Ir me ruoman repwe mäla lon eu chök rän.

1. Samuel 3:13

Pun üa fen üreni pwe iei üpwe apwüngü chon leimwan tori feilfeilachök, pokiten a silei ewe föföringau nöün kewe mwän ra turunufaseei ren, nge esap apwüngüür.

1. Samuel 4:11

Iwe, än Kot we pworofel a oola, nge nöün Eli kewe ruoman mwän Hofni me Pineas ra mäla.

1. Samuel 4:4

Iei mine ekewe aramas ra tinala ekoch Silo, pwe repwe uwato seni ikenan ewe pworofel än ewe Samol mi Unusen Manaman mi mot asen ekewe kerop. Iwe, nöün Eli kewe ruoman mwän Hofni me Pineas ra etala än Kot we pworofel.