1. Korint 9:5 - Chuukese Bible

⁵ Ifa usun, esap wor ai pwüüng ai üpwe uwei eman pwülüei souläng lon ai sai, usun chök ekewe ekoch soukünö me ekewe pwiin ach Samol pwal Petrus ra föri?

1. Korint 9:5 Iomraidhean Croise

Johannes 1:42

Mürin a emwenala Simon ren Jesus. Iwe, Jesus a newenewen ngeni o üreni, “Itom Simon nöün Sona, nge iei kopwe iteni Kefas.” (Ei it Kefas a wewe ngeni ewe it Petrus, wewen ‘Eu achau’.)

Mateus 8:14

Iwe, Jesus a feila lon imwen Petrus. Ikenan a küna inen pwülüen Petrus, a eäni eu samaun pwichikar.

Ipru 13:4

Aramas meinisin repwe aücheani pwüpwülü. Ekewe mi pwüpwülü resap kirikiringaufengen lefiler, pun Kot epwe apwüngü chokewe mi lisowu ngeni mi lipich, pwal chokewe mi lisowu ngeni mi pwüpwülü.

Kalatia 1:19

Üsap küna pwal eman ekewe soukünö, chilon chök James pwiin ach Samol.

1. Korint 7:39

Eman fefin mi pwüpwülü a riri ngeni pwülüan lon ükükün fansoun pwülüan we a manau. Nge lupwen pwülüan we a mäla, neminewe a tongeni pwülüeni iö a mochen, nge a chök tongeni pwülüeni eman mi souläng.

1. Korint 7:7

Üa wesewesen mochen pwe ämi meinisin oupwe wewe ngeniei. Nge eman me eman a wor en me lifangan me ren Kot, eman a angei och sokun lifang, nge pwal eman och sokun lifang.

Föför 1:14

Ir meinisin ra tipeeu le chufengen o ikiotek fiti ekoch fefin me Maria inen Jesus me pwiin kewe.

Titus 1:6

Eman souakom epwe fokun unusöch lon manauan, epwe pwülüeni eman chök fefin, nge nöün kana repwe souläng, pwe esap wor eman epwe tip ngeniir pwe ra föföringau ika lükümach.

1. Timoty 5:2

Kopwe fönöü ekewe chinlap fefin usun itä nge ir inelap, kopwe pwal fönöü ekewe föpwül usun itä nge ir fefinom. Kopwe föri ei ren limöchün lelukom.

1. Timoty 3:2

Iwe, eman soumas epwe fokun unusöch lon manauan. Epwe pwülüeni eman chök fefin, epwe tipefesir, epwe tufichin nemeni püsin inisin, epwe mirit, epwe etiwaöchü wasöla, epwe pwal lipwäköch le asukul.

1. Korint 7:15

Nge are eman esap souläng a mochen mwü seni pwülüan mi souläng, epwe mwüla. Lon ei sokun lapalap ewe mwän mi souläng ika ewe fefin mi souläng a ngasala. Pun Kot a körikemi ämi oupwe nonom lon kinamwe.

1. Korint 1:12

Iei met üa kapas usun: Eman a apasa, “Ngang nöün Paulus souläng,” eman a pwal apasa, “Ngang nöün Apolos souläng,” pwal eman a apasa, “Ngang nöün Petrus souläng,” nge pwal eman a apasa, “Ngang nöün Kraist souläng.”

Nöün Paulus Toropwe ngeni ekewe Souläng lon Rom 16:1

Üa mochen asile ngenikemi pworausen fefinach we Föpe mi angang lon ewe mwichefel lon Kenkrea.

Johannes 2:12

Mürin ei, Jesus me inan we me pwiin kewe pwal nöün kewe chon kaiö ra feila Kapernaum. Ikenan ra nonom lon ekoch rän.

Lukas 6:15

Mateus me Tomas, James nöün Alfäus me Simon i eman Selot,

Markus 6:3

Ifa usun, sap ätei ewe chon kaü imw nöün Maria, pwiin James, Josef, Jutas me Simeon? Ifa usun fefinan kewe resap nom rech?” Iei mine resap etiwa.

Markus 1:30

Iwe, inen pwülüen Simon we a eäni samaun pwichikar o a kon won an peet. Lon ewe chök otun ra asile ngeni Jesus usun neminewe.

Mateus 13:55

Ifa usun, sap ätei nöün ewe chon kaü imw? Ifa usun, inan esap iteni Maria? Nge sap pwiin kewe James, Josef, Simon me Jutas?

Än Salomon Köl 4:12

Kofoti, en mi wor tongom me rei, ka usun chök eu tanipi mi köpüng, ewer, eu tanipi mi köpüng pwal eu puächen koluk mi tittila.

1. Timoty 4:3

Ekei sokun aramas ra afalafala pwe a ngau pwüpwülü, ra pwal apini ekoch sokun mongö. Nge Kot a awora ekei sokun mongö pwe sipwe mongö. Iwe, kich mi lükü o silei ewe let sipwe eni ewe mongö fän ach iotekin kilisou.

1. Korint 7:8

Iwe, üa ürenikemi, ämi chokewe esap wor pwülüemi, pwal ämi mi mä pwülüemi, pwe epwe mürina ngenikemi ämi ousap pwüpwülü usun pwal ngang.

Lukas 8:20

Eman a üreni Jesus, “Inom me pwiüm kewe ra nom lükün o mochen churuk.”