1. Korint 9:3 - Chuukese Bible

³ Lupwen aramas ra esitaei, iei met üa püsin peniei won:

1. Korint 9:3 Iomraidhean Croise

Lukas 12:11

Lupwen repwe etekinikemiila pwe oupwe kapwüng lon ekewe imwen felikis, ika mwen ekewe kepina me samol, ousap öüreki mine oupwe pwärätä fän itemi are mine oupwe apasa.

Föför 22:1

“Ämi pwii me semei kana, oupwe aüseling ngeniei, pun üpwe püsin peniei mwemi.”

Föför 25:16

Nge ngang üa üreniir, pwe oukich chon Rom lon örüniach sisap atipisi eman aramas ren och tipis me mwen an epwe churi ekewe chon atipisi, pwe epwe tongeni püsin peni i won ekewe kapasen atutur ra atipisi won.

1. Korint 14:37

Are eman a ekieki pwe i eman nöün Kot chon afalafal, ika a wor ren eu lifang seni Ngünmifel, epwe mefi pwe mine üa mak ngenikemi, iei än Kot allük.

1. Korint 9:2

Inamwo ika ekoch aramas resap etiwaei usun eman soukünö, nge fen iei mine oua föri! Pokiten ämi oua souläng, iei met a alletätä pwe ngang eman soukünö.

1. Korint 9:4

Ifa usun, esap wor ai pwüüng ai üpwe angei anei me ünümei fän iten ai angang?

2. Korint 13:10

Iei popun üa makkei ekei toropwe lupwen üa toau senikemi, pun lupwen üpwe wareitikemi üsap mochen pöchökül ngenikemi lon ai üpwe aea ewe pwüüng ach Samol a ngeniei, ewe pwüüng üpwe aea le apöchöküla ämi souläng, nge üsap aea le atai ämi souläng.

2. Korint 13:3

pun oua kütta och minen pwärätä pwe Kraist a kapas me rei. I esap apwangapwang lon an angang ngenikemi, nge a pwärätä an manaman leimi.

2. Korint 13:5

Oupwe püsin sotunikemi o apwüngükemi, pwe oupwe silei ika oua wesewesen lükü Kraist. Ifa usun, ousap silei pwe Jesus Kraist a nonom lomi? Are ousap silei, oua lipwäkingau lon ewe sosot.

Filipi 1:17

nge ekewe ekoch resap afalafala Kraist fän wenecharen letiper, nge ren ar mochen kütta püsin ar, ra ekieki pwe repwe chök ariaföüüei lupwen üa nom lon imwen fötek.

Filipi 1:7

Üa chechemenikemi lon letipei fansoun meinisin, iei mine a pwüng ngeniei an epwe iei usun ai tongekemi. Pun ämi meinisin oua chieneniei lon ei angang mi aüchea Kot a ngeniei, sap chök lon ei fansoun üa nom lon imwen fötek, nge pwal lon ewe fansoun lupwen üa ngasala pwe üpwe peni ewe Pworausen Manau o anüküchara.

2. Timoty 4:16

Lon aeuin fansoun üa küna kapwüng esap wor eman a alisiei. Ir meinisin ra likitieila. Amwo Kot esap liwini ngeniir liwinin ar föför!