1. Korint 8:9 - Chuukese Bible

⁹ Nge oupwe chök föröchü, pwe mine oua föri lon ämi ngasala esap wiliti eu lenien chepetek ngeni ekewe mi apwangapwang lon ar lükü.

1. Korint 8:9 Iomraidhean Croise

Aisea 35:3

Oupwe apöchöküla pau kana mi apwangapwang o anüküchara pwäsuk kana mi chechech.

Aisea 57:14

Iwe, Kot epwe apasa, “Oupwe föri, oupwe föri efoch al o amolla. Oupwe angei föün lon pwe resap epeti ewe al nei aramas repwe fetal lon.”

Isikiel 14:3

“Nöün aramas, ekei mwän ra asamolu ar kewe uluulun anümwäl lon letiper o mwüt ngeniir pwe repwe emwenirelong lon tipis. Ifa usun, üpwe mwüt ngeniir pwe repwe angei ar öüröür seniei?

Isikiel 44:12

Nge pokiten ra föri fel fän iten ekewe aramas me mwen ar kewe uluulun anümwäl o emwenalong ekewe chon Israel lon tipis, iei mine üa pwon fän akapel pwe repwe fokun angei liwinin ar tipis. Ngang Kot ewe Samol mi Lapalap üa kapas.

Lifitikos 19:14

Ousap turunufasei eman mi selingepüng, ousap pwal likatupu eman mi mesechun. Nge oupwe meninitiei, pun ngang ewe Samol mi Lapalap ämi we Kot.

Mateus 18:10

“Oupwe tümwünüfichi pwe ousap aücheangauei eman ekei kükün. Pun üpwe ürenikemi, pwe nöür chon läng ra nom mwen Semei lon läng fansoun meinisin.

Nöün Paulus Toropwe ngeni ekewe Souläng lon Rom 15:1

Oukich kewe mi pöchökül lon ach lükülük sipwe alisi ekewe mi apwangapwang lon ar lükülük, pwe repwe tipeppos lon ar lükülük, nge sisap föri chök mine sipwe pwapwa ren.

1. Korint 10:24

Esap wor eman leimi epwe chök kütta püsin an feiöch, nge epwe pwal kütta feiöchün chiechian souläng.

1. Korint 10:28

Nge are eman a ürenikemi, “Ei mongö aramas ra fen asor ngeni uluulun anümwäl,” mürin ousap mongö, pokiten ätewe mi asile ngenikemi, pwal pokiten mengiringirin leluken eman.

1. Korint 10:29

Üsap kapas usun mengiringirin lelukemi, nge üa kapas usun mengiringirin leluken ewe eman. Eli eman epwe ais, “Pwota üpwe küna apwüng won mine üa föri lon ai ngas, pokiten mengiringirin leluken eman?

1. Korint 10:32

Ousap manaueni eu sokun manau epwe afisätä chepetek ngeni ekewe chon Juta, ika ngeni ekewe chon lükün Israel, ika ngeni chon ewe mwichefelin Kot.

1. Korint 8:10

Pun are eman aramas mi apwangapwang mwelien letipan epwe künok, en mi silelap, pwe ka mongö lon imwenfelin eman uluulun anümwäl, ifa usun, ei esap apöchöküla letipan an epwe pwal mongö ekewe mongö ra asor ngeni ekewe uluulun anümwäl?

1. Korint 8:12

Lupwen ka tipis ngeni pwiüm lon ei sokun lapalap o afeiengaua mwelien letipan mi apwangapwang, ka tipis ngeni Kraist.

1. Korint 9:22

Lupwen üa nom lein ekewe mi apwangapwang lon ar lükülük, üa usun chök eman mi apwangapwang me leir, pwe üpwe asoulängirela. Iei usun üa manaueni sokun manau meinisin lein sokun aramas ese lifilifil, pwe üpwe tongeni amanaua ekoch me leir ren met epwe tufich ngeniei.

2. Korint 11:21

Ngang üa säw ai üpwe pwärätä pwe aia kon apwangapwang le föri ekei sokun föför! Nge ngang üa aloni alon eman esap mirit. Are eman a pwora an epwe aingaing won och mettoch, ngang üpwe pwal pwora lon ai aingaing.

2. Korint 11:29

Lupwen eman a apwangapwang, ngang üa pwal mefi apwangapwang. Lupwen eman a tur lon tipis, ngang üa fokun riaföü.

2. Korint 6:3

Äm aisap mochen än eman epwe küna och mwälin äm angang, iei mine aisap anomu ngeni eman och lenien chepetek.

Kalatia 5:13

Nge ämi pwii kana, Kot a körikemi pwe oupwe ngas. Nge pokiten oua ngas, ousap ekieki pwe oua tongeni mwüt ngeni mochenian fitukemi epwe chüen nemenikemi, nge oupwe angangfengen lefilemi fän tong.

Kolose 2:8

Oupwe tümwünükemi, pwe esap wor eman epwe liapenikemi ren atuputupun tipachemen fanüfan mi aücheangau, a pop seni sokopaten uruwon lom aramas ra aiti ngeni aramas, pwal seni ekewe ngün mi wor ar nemenem fän läng, nge esap pop seni Kraist.

1. Petrus 2:16

Oupwe manau usun aramas mi ngas, nge ousap aea ämi ngas le pwölüela ämi föför mi ngau, pwe oupwe manau usun nöün Kot chon angang.

2. Petrus 2:19

Ra pwon ngeniir ar repwe ngasala, nge püsin ir ra nom fän nemenien ekewe föför epwe afeiengauer. Pun eman aramas a nom fän nemenien ewe mettoch a kuf ren.

Pwärätä 2:14

Nge mi wor ekoch mettoch üpwe pölüenuk won: A wor reöm ekoch ra aleasochis ngeni aitien Palam, ätewe mi aiti ngeni Palak usun an epwe emweni ekewe aramasen Israel ngeni tipis ren an pese ngeniir, pwe repwe mongö föten uluulun anümwäl o repwe pwal föri föförün lisowu.