1. Korint 8:4 - Chuukese Bible

⁴ Iwe, usun ach mongö ekewe mongö ra asor ngeni ekewe uluulun anümwäl: Kich sia silei pwe eu uluulun anümwäl a aliosunätä och mettoch esap fokun wor. Kich sia silei pwe mi wor eman chök Kot.

1. Korint 8:4 Iomraidhean Croise

Kölfel 86:10

Pun en ka tekia, ka föri mettoch mi amwarar, en echök Kot.

Aisea 37:16

“Ai Samol mi Unusen Manaman, en ewe Koten Israel, ka mot won eu lenien motun king asen ekewe Kerop. En chök Koten ekewe mwü meinisin won fanüfan, ka pwal föri läng me fanüfan.

Aisea 37:20

Nge iei, ai Kot, Samol mi Lapalap, kopwe amanauakem seni Sanherip, pwe chon ekewe mwün fanüfan meinisin repwe silei pwe en chök Kot ewe Samol mi Lapalap.”

Aisea 41:24

Nge esap fokun wor aücheami, oua wesewesen lipwäkingau lon ämi angang. Chokewe meinisin mi fel ngenikemi ra anioput.

Aisea 44:24

Iei alon ewe Samol mi Lapalap om Chon Amanau a föruk, “Ngang ewe Samol mi Lapalap, üa föri mettoch meinisin. Ngang chök üa ameresala läng, üa pwal oletala fanüfan, nge esap wor eman a alisiei.

Aisea 44:6

Iei alon ewe Samol mi Lapalap, ewe Kingen Israel me an Chon Amanau, ewe Samol mi Unusen Manaman, “Ngang chök Kot ewe Aemanün me Amüchülan, esap wor eman Kot lüki.

Aisea 45:14

Iei alon ewe Samol mi Lapalap ngeni Israel, “Wöün Isip me pisekin Itiopia repwe om, nge ekewe chon Sepa mi mwänöch repwe feito reöm pwe kopwe nöüniir amanau. Iwe, repwe tapwela murum fän fööföör selimächä o chapetiu mwom. Repwe tütüngor ngonuk o apasa, ‘Ellet Kot a etuk, esap fokun wor eman Kot lükün.’”

Aisea 45:5

Ngang ewe Samol mi Lapalap, esap wor eman lüki, esap pwal wor eman Kot lüki. Üpwe atufichuk, inamwo are kosap sileei.

Jeremaia 10:10

Nge en Samol mi Lapalap ewe Kot mi let. En ewe Kot mi manau me ewe king mi nom tori feilfeilachök. Lupwen ka song, fanüfan a chechech, nge chon ekewe mwü resap tongeni manau fän om song.

Jeremaia 10:14

Lupwen aramas ra küna ei, ra mefi pwe ra umwes, esap pwal wor ar mirit. Ekewe chon föri uluulun anümwäl seni kolt ra säw, pun ar kewe uluulun anümwäl ra minen atuputup, esap pwal wor ngasangas lor.

Markus 12:29

Jesus a pölüeni, “Iei ewe allük a kon aüchea, ‘Kopwe aüseling Israel: Ewe Samol ach Kot i chök ewe Samol mi Lapalap.

Föför 14:15

“Pwota oua föri ei sokun lapalap? Äm aramas chök usun chök ämi! Äm aia nom ikei, pwe aipwe aronga ngenikemi ewe Pworausen Manau, pwe oupwe kul seni ämi fel ngeni ekei kot mi lomotongau o fel ngeni ewe Kot mi manau, ewe mi föri läng me fanüfan me matau me meinisin mine a nom lor.

Föför 15:20

Nge sipwe makkei echö toropwe o asile ngeniir, pwe resap mongö och mongö mi limengau a piin asor ngeni ekewe uluulun anümwäl, resap föri sokun lisowu, resap pwal ochoch fituken man mi ffor me ün cha.

Föför 19:26

Nge iei oua tongeni püsin küna o rongorong met ätenan Paulus a föri. A apasa pwe ekewe uluulun kot mi för ren pöün aramas resap wesewesen kot. Nge a fen liapenala chomong aramas ikei lon Efisos pwal lon arapakan unusen ei fanü Asia.

1. Korint 8:1

Iwe, iei usun pwüngün met oua makketo rei fän iten ekewe mongö aramas ra asor ngeni ekewe uluulun anümwäl. Ewer, a fokun let pwe “oukich meinisin a wor ach silelap”, usun ra apasa. Nge ei sokun silelap a afisätä lamalamtekia, nge chen a afisätä fisiöchün ach souläng.

1. Korint 8:10

Pun are eman aramas mi apwangapwang mwelien letipan epwe künok, en mi silelap, pwe ka mongö lon imwenfelin eman uluulun anümwäl, ifa usun, ei esap apöchöküla letipan an epwe pwal mongö ekewe mongö ra asor ngeni ekewe uluulun anümwäl?

1. Korint 8:11

Iei usun pwiüm mi apwangapwang, ätewe Kraist a mäla fän itan, epwe pöütmwälila pokiten om silelap.

Kalatia 4:8

Me lom, lupwen ousap silei Kot, oua nonom fän nemenien ekewe ngün esap ir kot.

Efisos 4:6

oua pwal eäni eman chök Kot, ewe Semen aramas meinisin, i a nemeni mettoch meinisin, a angang ren mettoch meinisin o nonom loch meinisin.

Tuteronomi 3:24

‘Ai Kot, Samol mi Lapalap, ka chök popuetä le pwäri ngeniei ngang noum chon angang om tekia me poum mi manaman. Pun meni sokun kot a wor lon läng ika won fanüfan a tongeni föri ekei sokun angang me föför mi manaman usun en ka föri?

Tuteronomi 32:39

Iei oupwe mefi pwe fokun ngang chök ewe Kot, esap wor eman kot ünüki. Ngang üa niela, üa pwal amanaua, üa akinasa, üa pwal amoela. Esap wor eman a tongeni ettiwu me lepei.

Tuteronomi 4:35

Ekei mettoch ra fis ngenikemi, pwe oupwe silei pwe ewe Samol mi Lapalap i wesewesen Kot, esap pwal wor eman lükün.

Tuteronomi 4:39

Iei mine ikenai oupwe chechemeni o iseis lon lelukemi pwe ewe Samol mi Lapalap i wesewesen Kot lon läng pwal won fanüfan, esap pwal wor eman lükün.

Tuteronomi 6:4

Kopwe aüseling Israel: Ewe Samol mi Lapalap ach Kot i chök ewe Samol mi Lapalap.

1. Timoty 1:17

Ewe King mi nonom tori feilfeilachök, ewe eman chök Kot, ewe esap tongeni mäla, esap wor eman a tongeni küna, sipwe meniniti o alinga tori feilfeilachök! Amen.

1. Timoty 2:5

Pun mi wor eman chök Kot, pwal eman chök chon afför lefilen Kot me aramas kana, iei i ewe aramas Kraist Jesus,

Jutas 1:25

ngeni ewe eman chök Kot ach Chon Amanau epwe ling, tekia, manaman me nemenem ren Jesus Kraist ach Samol lon ekewe fansoun ra la, ikenai tori fansoun esemüch. Amen.