1. Korint 8:3 - Chuukese Bible

³ Nge ewe aramas mi echeni Kot a sil me ren Kot.

1. Korint 8:3 Iomraidhean Croise

1. King 3:3

Iwe, Salomon a echeni ewe Samol mi Lapalap o apwönüetä än Tafit saman we öüröür ngeni. Eu chök, a föri an asor o kenala apach mi pwokus won ekewe lenien fel won ekewe leni tekia.

Kölfel 1:6

Pun ewe Samol mi Lapalap a emweni o tümwünü ekewe chon pwüng, nge ekewe aramasangau repwe fetal ngeni ewe lenien feiengau.

Kölfel 17:3

En ka atittina lelukei, ka äämwaei lepwin, ka sotuniei, nge kosap küna och ekiek mi ngau rei. Üsap apasa och mi ngau.

Ekistos 33:12

Iwe, Moses a üreni ewe Samol mi Lapalap, “Nengeni, ka kapas ngeniei pwe üpwe emwenala ekei aramas ngeni ewe fanü, nge kosap asile ngeniei iö kopwe tini pwe epwe etiei. Nge ka fen üreniei, ‘Üa sileek, ka pwal küna ümöümöch me rei.’

Ekistos 33:17

Iwe, ewe Samol mi Lapalap a üreni Moses, “Üpwe fokun föri meinisin mine ka tüngor, pun üa sileek, ka pwal küna ümöümöch me rei.”

Jeremaia 1:5

“Üa sileek me mwen kosamwo fis me lon letipen inom, nge me mwen om kosamwo uputiu üa filuk. Üa awisok pwe kopwe eman soufos ngeni chon ekewe mwü.”

Amos 3:2

“Ämi chök üa filikemiitä seni lein chon ekewe mwü meinisin won fanüfan. Nge pokiten ämi kewe tipis ra kon fokun ngau, iei mine üpwe fokun apwüngükemi.”

Nahum 1:7

Ewe Samol mi Lapalap a kirikiröch, a tümwünü nöün aramas lon fansoun riaföü, a silei chokewe mi anomu ar apilükülük won.

Mateus 7:23

Mürin ngang üpwe üreniir, ‘Ngang üsap fokun silekemi. Oupwe sü seniei, ämi chon föri föför mi ngau!’

Johannes 10:14

Ngang ewe chon mas mi öch. Ngang üa silei nei sip kana o ir ra sileei,

Johannes 21:17

Jesus a aisini fän aülüngatin, “Simon, nöün Sona, ka echeniei?” Petrus a letipeta, pun Jesus a aisini fän aülüngatin, “Ka echeniei?” Iei mine a üreni, “Ai Samol, en ka silei mettoch meinisin, ka silei pwe ngang üa echenuk.” Jesus a üreni, “Kopwe amongöü nei kewe sip.

Nöün Paulus Toropwe ngeni ekewe Souläng lon Rom 11:2

Kot esap pöütala nöün aramas i a fen filiiretä seni lepopun. Oua silei mine a mak lon ekewe Toropwe mi Pin usun pworausen än Elias tüngormau ngeni Kot o tip ngeni chon Israel,

1. Korint 13:12

Pun mine sia küna iei a usun chök ngününgünün mettoch mi toputop lon kilas, nge mürin sipwe tongeni wesewesen küna fatöchün ren mesach. Met ngang üa silei iei esap unus, nge mürin üpwe silei unusan, usun chök Kot a wesewesen sileei.

1. Korint 2:9

Nge iei usun a mak lon ekewe Toropwe mi Pin, “Met aramas resap mwo küna ika rongorong, met aramas resap mwo ekieki lon letiper pwe epwe fis, iei ewe mettoch Kot a amolätä fän iten chokewe mi echeni.”

Kalatia 4:9

Nge iei oua silei Kot, ika üpwe tongeni apasa, pwe iei Kot a silekemi, pwota oua mochen kulsefäliti ekewe ngün mi apwangapwang o attong? Pwota oua mochen oupwe nomsefäl fän nemenier?

2. Timoty 2:19

Nge ewe longolong mi nükünük Kot a anomu esap tongeni mwökütüküt. A mak won ei longolong ekei kapas: “Ach Samol a silei chokewe ir nöün,” a pwal mak “Iö a apasa pwe i nöün ach Samol epwe fokun kul seni föföringau.”

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

James 2:5

Ämi pwii kana mi achengicheng, oupwe aüseling! Ifa usun, Kot esap filätä ekewe aramas mi wöüngau won ei fanüfan pwe repwe pisekisek lon ar lükülük o feiöchüni feiöchün ewe Mwün Kot, i a pwon ngeni chokewe mi echeni?

1. Petrus 1:8

Ämi oua echeni Jesus, inamwo ika ousap fen küna i, oua lükü i, inamwo ika ousap küna i iei. Iei mine oua fokun pwapwa, ren sokun pwapwa esap naf lon ach kapas ach sipwe pwärätä, pun pwapwa mi ling,

1. Johannes 4:19

Sia eäni chen, pun Kot a akomwen echenikich.

1. Johannes 4:7

Ämi chiechiei kana mi achengicheng, ousipwe echenifengenikich lefilach, pun chen a pop seni Kot. Eman mi eäni chen a up seni Kot, a pwal silei Kot.

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.

Pwärätä 2:19

Üa silei om kewe föför. Üa silei om eäni chen, om allükülük, om angang me om mosonotam. Üa silei pwe mine ka föri iei a lapala seni mine ka föri me lepoputän.

Pwärätä 2:9

Üa silei om kewe riaföü. Üa silei pwe ka wöüngau, nge ka wesewesen pisekisek. Üa pwal silei pwe ka küna turunufas me ren chokewe mi apasa pwe ir chon Juta, nge sap ir chon Juta, pwe ir eu mwich än Satan.