1. Korint 7:5 - Chuukese Bible

⁵ Ämi mi pwüpwülü ousap amwöchü inisimi seni pwülüemi are ousap akomwen tipeeufengen won pwe oupwe föri lon eu fansoun, pwe epwe wor fansoun ämi iotek. Mürin oupwe pwal konsefälfengen, pwe Satan esap sotunikemi pokiten ousap tongeni püsin nemeni inisimi.

1. Korint 7:5 Iomraidhean Croise

Ekistos 19:15

Iwe, Moses a üreni ekewe aramas, “Oupwe amolakemi ngeni ewe aülüngatin rän, ousap kon ren eman fefin.”

Ekistos 21:10

Iwe, are ewe samol epwe pwal pwülüeni eman me lükün nöün chon angang, esap tongeni akisätiu anan me üfan me an pwüngün pwüpwülü.

Sowel 2:16

Oupwe achufengeni ekewe aramas o apiniir. Oupwe amwichafengeni ekewe ätemirit o achufengeni ekewe semirit me ekewe mönükol. Iwe, pwal ekewe mi apwüpwülüfö repwe towu seni rumwer o feito.

Sekaraia 7:3

Repwe pwal aisini ekewe souasor me ekewe soufos, “Ifa usun, äm aipwe sopwela le ngüngüres me echikefel fän iten talan ewe Imwenfel lon ewe alimuen maram, usun äm aia piin föföri lon chomong ier?”

Mateus 17:21

[Nge esap wor och mettoch ei sokun ngününgau epwe tongeni süla ren, pwe ren iotek me echikefel chök.]

Mateus 19:11

Jesus a üreniir, “Sap aramas meinisin ra tongeni etiwa ei sokun afalafal, pwe chokewe chök Kot a ngeniir tufichir.

Mateus 4:10

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

1. Korint 7:4

Pun eman fefin esap wor an nemenem won püsin inisin, pwe pwülüan a nemeni. Pwal ina chök usun, eman mwän esap wor an nemenem won püsin inisin, pwe pwülüan a nemeni.

1. Tesalonika 3:5

Iei popun üa tinala Timoty, pun üsap chüen tongeni engila ngeni ai üsap silei pworausemi. Iei usun üa tinala i an epwe pii ika ifa usun ämi lükülük. Ewer, üa chök niuokus ika Tefil a sotunikemi o äm angang meinisin epwe lomotongau.