1. Korint 7:2 - Chuukese Bible

² Nge pokiten a wattela föförün lisowu, eman mwän epwe wor püsin pwülüan, pwal eman fefin epwe wor püsin pwülüan.

1. Korint 7:2 Iomraidhean Croise

Än Salomon Fos 18:22

Eman mi küna eman pwülüan a küna eu mettoch mi mürina o angei ümöümöch me ren ewe Samol mi Lapalap.

Än Salomon Fos 19:14

Eman mwän a tongeni angei imwan me pisekin me won saman, nge ewe Samol mi Lapalap chök a tongeni awora eman pwülüan mi mirit.

Malakai 2:14

Eman a ais, “Pwota esap chüen etiwa ekewe asor?” Pun ewe Samol mi Lapalap a silei pwe ka atai ewe pwon mi fis lefilemi me pwülüom we, lupwen ka alüal. Iwe, en ka kirikiringau ngeni, nge i fen chiechiom me pwülüom fän ewe pwon.

Mateus 5:32

Nge ngang üpwe ürenikemi: Are eman mwän epwe pöütala pwülüan, nge neminewe esap kirikiringau ngeni, ätewe a föri pwe neminewe a tipisin lisowu are a pwüpwülüsefäl, nge pwal ewe mwän mi pwülüeni ei fefin a tipisin lisowu.

1. Korint 6:18

Ousap fokun föri sokun föförün lisowu! Ekewe sokun tipis meinisin eman aramas a föri esap küü inisin, nge are eman aramas a föri föförün lisowu a tipis ngeni püsin inisin.

1. Korint 7:1

Iwe, iei üpwe pworaus usun ekewe mettoch oua makketo rei: A mürina ngeni eman mwän an esap pwüpwülü.

1. Korint 7:3

Eman mwän epwe föri wisan ngeni pwülüan, pwal eman fefin epwe föri wisan ngeni pwülüan. Eman me eman leir epwe föri pwüngün lefilan ngeni pwülüan.

1. Korint 7:9

Nge are ousap tongeni nemeni mochenin fitukemi, oupwe pwüpwülü. Pun a mürina ämi oupwe pwüpwülü lap seni ämi oupwe nom lon pwichikaren ämi mochenia.

Efisos 5:28

Ina usun ekewe mwän repwe echeni pwülüer usun chök ar püsin echeni inisiir. Eman mwän mi echeni pwülüan a echeni püsin i.

Efisos 5:33

Nge a pwal wewe ngenikemi: Ämi mwän meinisin oupwe fokun echeni en me pwülüan usun ämi echeni püsin inisimi, nge ämi fefin meinisin oupwe meniniti pwülüemi.

1. Tesalonika 4:4

Ämi mwän kana, eman me eman leimi epwe silei usun an nomofengen me pwülüan fän pin me üöch,

1. Timoty 4:3

Ekei sokun aramas ra afalafala pwe a ngau pwüpwülü, ra pwal apini ekoch sokun mongö. Nge Kot a awora ekei sokun mongö pwe sipwe mongö. Iwe, kich mi lükü o silei ewe let sipwe eni ewe mongö fän ach iotekin kilisou.

Soukapwüng 21:22

Nge lupwen semer ika mongeer repwe feito o anini ngenikemi, ämi oupwe üreniir, ‘Oupwe mwütiretä ngenikem fän kirikiröch. Pun äm aisap angang pwülüem fän iten eman me eman leim lon maun. Nge ämi ousap pwal ngenikem nöümi föpwül. Pun are oupwe föri iei usun, oupwe tipis ren ämi atai ewe pwon.’”