1. Korint 7:11 - Chuukese Bible

¹¹ nge are epwe mwü seni, epwe chök nonom lon an lipich, ika epwe chäsefäl ngeni pwülüan. Iwe, eman mwän esap fokun mwü seni pwülüan.

1. Korint 7:11 Iomraidhean Croise

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Jeremaia 3:1

Iei alon ewe Samol mi Lapalap, “Are eman mwän a pöütala pwülüan, nge neminewe a feila o pwüpwülü ngeni pwal eman, ifa usun, ätewe epwe tongeni pwülüenisefäli neminewe? Ifa usun, ewe fanü esap fokun limengau ren? Nge en, Israel, a wor chomong noum kamwet. Ifa usun, kopwe chüen tongeni liwinitiei?

Mateus 5:32

Nge ngang üpwe ürenikemi: Are eman mwän epwe pöütala pwülüan, nge neminewe esap kirikiringau ngeni, ätewe a föri pwe neminewe a tipisin lisowu are a pwüpwülüsefäl, nge pwal ewe mwän mi pwülüeni ei fefin a tipisin lisowu.

Markus 10:12

Nge are eman fefin a tinala pwülüan o a pwülüeni pwal eman mwän, neminewe a tipisin lisowu.”

Markus 10:2

Iwe, ekoch Farisi ra feito ren pwe ra mochen särei. Ra aisini, “Ifa usun, a pwüng me lon allükün ach lamalam pwe eman epwe tongeni mwü seni pwülüan?”

Lukas 16:18

Are eman mwän a mwü seni pwülüan o pwülüeni pwal eman fefin, i a tipisin lisowu, nge eman mwän mi pwülüeni eman fefin mi mwü seni pwülüan a pwal tipisin lisowu.

1. Korint 7:10

Ngeni ämi kewe mi pwüpwülü a wor eu allük, sap ai, nge än ach Samol: Eman fefin esap mwü seni pwülüan,

1. Korint 7:12

Ngeni pwal ekewe ekoch ngang üa üreniir, nge sap ach Samol: Are eman mwän mi souläng a pwüpwülü ngeni eman fefin esap souläng, nge neminewe a tipeeu ngeni an epwe nonom ren, ätewe esap fokun mwü seni.

Tuteronomi 22:19

repwe pwal angei seni ipükü föün silifer o ngeni semen ewe föpwül, pun a aitengaua eman föpwül esamwo tori mwän me lon Israel. Iwe, ätewe epwe pwülüeni ewe föpwül, nge esap tongeni pöütala lon ränin manauan meinisin.