1. Korint 5:9 - Chuukese Bible

⁹ Lon ewe toropwe üa fen makkei ngenikemi, üa ürenikemi pwe ousap chiechi ngeni ekewe aramas mi föri sokun föför mi fokun ngau.

1. Korint 5:9 Iomraidhean Croise

Efisos 5:11

Ousap eti aramas le föri ekewe föför mi lomotongau, ekewe föförün rochopwak, nge oupwe sarifiir, pwe repwe pwäwu lon saram.

2. Tesalonika 3:14

Are eman esap mochen aleasochisi äm kewe kapasen öüröür mi mak lon ei toropwe, oupwe asilla i. Ousap chiechi ngeni, pwe epwe mefi an säw.

2. Tesalonika 3:6

Ämi pwiim kana, äm aia allük ngenikemi fän iten ach Samol Jesus Kraist pwe oupwe aimwükemi seni ekewe pwipwi meinisin mi chipwang le angang, resap pwal aleasochisi ekewe kapasen öüröür aia ngeniir.

2. Korint 6:14

Ousap rifengenikemi me chokewe resap lükü Kot, ousap etiir lon ar angang. Pun ifa usun än pwüng me pwüngingau epwe chufengen ren? Are meta saram epwe chiechi ngeni rochopwak ren?

Än Salomon Fos 9:6

Kopwe likiti ekewe chon wewemang pwe kopwe manau, kopwe pwal fefeitä lon om sile.”

1. Korint 5:7

Oupwe atowu ewe issin lom, a aliosunätä tipis, pwe oupwe wesewesen limöch. Mürin oupwe wewe ngeni pilawa mi fö a öüwöü, esap wor iis lon. Ngang üa silei pwe ina usumi. Pun Kraist ach we Lamen Pasofer a fen ninnila.

1. Korint 5:2

Iwe, epwe ifa usun ämi oupwe tongeni lamalamtekia? Nge pwüngün pwe oupwe fokun letipeta, oupwe pwal atowu seni lefilemi ätewe mi föri ei sokun föför.

2. Korint 6:17

Iei mine ach Samol a apasa, “Oupwe towu seniir o aimwükemiila seniir. Ousap atapa och mettoch mi limengau, pwe üpwe etiwakemi.

1. Korint 5:10

Nge esap iei wewen ai kapas, pwe ousap chufengen me ekewe chon lükün mi föri sokun föför mi fokun ngau, ika chon tipemong, ika chon solä, ika chon angang ngeni anümwäl, pun are epwe iei usun, oupwe fokun towu seni ei fanüfan.