Biblia Todo Logo
Bìoball air-loidhne

- Sanasan -




1. Korint 5:8 - Chuukese Bible

8 Iei mine ousipwe föri ewe mongön Pasofer, sap ren ewe pilawa mi wor ewe issin lom lon, a aliosunätä tipis me föföringau, nge ren ewe pilawa esap wor iis lon, a aliosunätä limöch me let.

Faic an caibideil Dèan lethbhreac




1. Korint 5:8
34 Iomraidhean Croise  

Feiöchün ewe aramas ewe Samol mi Lapalap esap tip ngeni och pwüngingau, ewe aramas ese wor chofana lon lelukan.


Lelukei a tatakis, lupwen üa chechemeni ekei mettoch: Usun üa eti ewe mwicheichen aramas o emweniir lon och tettel le feila ngeni ewe imwen Kot, eu mwichemongun aramas mi mweireiren pwapwa me kölün kilisou.


Lon ükükün fisu rän oupwe mongö pilawa esap wor iis lon. Lon aeuin rän oupwe atowu ewe pilawa a wor iis lon me lon imwemi, pun ika eman me leimi epwe mongö och fiti iis seni aeuin rän tori afisuan, epwe käriwu me lein chon Israel.


Iwe, lon ükükün fisu rän esap wor lon imwemi pilawa mi wor iis lon, pun ika eman epwe mongö och fiti iis, epwe käriwu me lein ekewe aramasen Israel. Ese lifilifil ika i eman chon ekis ika i eman chon wilipos.


Iwe, lon ewe pwin repwe arapa fitukan o ochoch fiti pilawa esap wor iis lon me chön irä mi kipwin.


Oupwe mongö pilawa esap wor iis lon lon ükükün fisu rän, nge lon ewe afisuen rän oupwe föri eu chulap ngeni ewe Samol mi Lapalap.


Oupwe fokun mongö pilawa esap wor iis lon lon ükükün fisu rän. Esap wor pilawa mi wor iis lon epwe pwä remi, esap pwal wor iis epwe pwä lon leniemi meinisin.


Won ewe chuk Sion ewe Samol mi Unusen Manaman epwe amolätä eu kametip fän iten aramas meinisin won fanüfan, eu kametip ia epwe wor ie sokopaten mongö mi anö, pwal wain mi mürina.


Nge ämi nöün Kot aramas oupwe köl usun oua köl lon ewe pwin, lupwen a fis chulap mi pin, oupwe pwal pwapwa lon lelukemi usun oua pwapwa lon fansoun ämi sai ngeni chukun ewe Samol mi Lapalap, ewe Achauen Israel, fän tikitikin pisekin ettik.


Nge lon engol me limuen ränin ewe chök maram epwe fis än ewe Samol mi Lapalap we chulapen mongö pilawa esap wor iis lon. Lon ükükün fisu rän oupwe mongö pilawa esap wor iis lon.


Mürin ekewe chon kaiö ra weweiti, pwe Jesus esap üreniir pwe repwe afäliir ren ewe iis mi nom lon pilawa, nge repwe afäliir ren än ekewe Farisi me Satusi afalafal.


Jesus a üreniir, “Oupwe tümwünüfichi o afälikemi ren ewe iis än ekewe Farisi me Satusi.”


Iwe, Jesus a üreniir, “Oupwe tümwünüfichi o afälikemi ren ewe iis än ekewe Farisi me Herotes.”


Lon ena fansoun, lupwen chomong ngeröün aramas ra chufengen pwe ra chök ipwerifengeniir, Jesus a akomwen kapas ngeni nöün kewe chon kaiö, “Oupwe afälikemi ren ewe iis än ekewe Farisi, wewen ar likatuputup.


Lupwen Jesus a küna pwe Nataniel a feito ren, iwe, a apasa usun, “Iei i eman wesewesen re Israel, esap wor och mine a mwäl won.”


pokiten oua chüen manaueni manauen soulängin fituk. Pun lupwen a wor lolowo me aninifengen lefilemi, ifa usun ei esap alletätä pwe ämi oua pop seni ei fanüfan? Ifa usun, ousap föri föförün chon ei fanüfan?


Iwe, aramas ra apworausa pwe mi wor föförün lisowu lefilemi, eu sokun föför mi fokun ngau, pwe esap mwo nge fis ren ekewe chon lükün lamalam. Eman a asile ngeniei, pwe mi wor eman mwän a kon ren pwülüen saman.


Esap öch ngenikemi pwe oupwe lamalamtekia. Ousap silei pwe ekis chök iis a apwola unusen eu pilawa?


Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.


Äm aisap usun ekewe chomong aramas ra aea än Kot kapas minen amömö fän iten ar repwe kütta win. Nge pokiten Kot a tinikem, äm aia kapas fän wenechar mwen mesan usun nöün Kraist chon angang.


Üsap mochen allük ngenikemi ren ekei kapas. Nge ren ai aiti ngenikemi usun än ekewe pwal ekoch achocho le alilis, üa sotuni ai üpwe küna enletin ämi chen.


Än Kot ümöümöch epwe nonom remi meinisin ämi mi echeni ach Samol Jesus Kraist ren ewe chen esap ükütiu.


Iwe, fän ülüngat lon eu ier nöümi mwän meinisin repwe feito o fel ngeni ewe Samol mi Lapalap ämi we Kot lon ewe leni i epwe filätä. Repwe feito ren ewe chulapen mongö pilawa esap wor iis lon, ren ewe chulapen wiik me ewe chulapen likachoch. Iwe, resap tongeni feito fän ar asöülapö.


Ousap mongö pilawa mi wor iis lon fitifengen me ewe mönün Pasofer. Iwe, lon ükükün fisu rän oupwe mongö pilawa esap wor iis lon, usun oua föri, lupwen oua sü seni ewe fanü Isip fän tawat. Oupwe mongö ei pilawa mi iteni pilawan riaföü lon ränin manauemi meinisin, pwe oupwe chechemeni ewe rän oua towu seni lon ewe fanü Isip.


Iei mine oupwe meniniti ewe Samol mi Lapalap o angang ngeni fän leten lelukemi pwal fän allükülüköch. Oupwe pöütala ekewe kot ämi kewe lewo ra fel ngeniir me pekilan ewe chanpupu Oifrat pwal me Isip, nge oupwe chök angang ngeni ewe Samol mi Lapalap.


Iei mine seni ikenai tori ekewe lusun ränin manauemi oupwe manaueni eu manau mi nom fän nemenien letipen Kot, nge esap nom fän nemenien mochenian fituk.


Lean sinn:

Sanasan


Sanasan