1. Korint 5:1 - Chuukese Bible

¹ Iwe, aramas ra apworausa pwe mi wor föförün lisowu lefilemi, eu sokun föför mi fokun ngau, pwe esap mwo nge fis ren ekewe chon lükün lamalam. Eman a asile ngeniei, pwe mi wor eman mwän a kon ren pwülüen saman.

1. Korint 5:1 Iomraidhean Croise

Keneses 35:22

Iwe, lupwen Israel a nonom lon ewe fanü, Rupen a kon ren Pila ülüpwülüen saman we, nge Israel a rong usun.

Keneses 37:2

Iwe, iei pworausen än Jakop famili. Lupwen Josef a ierini engol me fisu, a eti pwin kewe nöün Pila me Silpa ülüpwülüen saman we le fofol sip. Nge Josef a apworausa ngeni semer we usun föföringauen pwin kewe.

Keneses 49:4

Nge ka mwökütüküt usun nonon leset. Kosap chüen tekia, pun ka kon ren ülüpwülüei. Ewer, ka alimengaua kiei ren om tolong lon.

2. Samuel 16:22

Iei mine ra aüetä eu imw mangaku won ewe imwen king fän iten Apsalom. Nge Apsalom a tolong o kon ren ekewe ülüpwülüen saman fän mesen chon Israel meinisin.

2. Samuel 20:3

Lupwen Tafit a tori imwan lon Jerusalem, a angei ülüpwülüan kewe engol, a likitirela pwe repwe tümwünü ewe imw o anomuur lon pwal eu imw fän tümwünüen chon mas. Iwe, ewe king a ngeniir alilisir, nge esap chök kon rer. Ra nonometiu lon ewe imw tori ränin ar mäla usun fefin mi mä pwülüer.

1. Kronika 5:1

Iwe, Rupen nöün Jakop we mwänichi. (I a uputiu akom, nge pokiten an kon ren ülüpwülüen saman, ewe wisen mwänichi a tori nöün Josef kewe mwän, nge Josef nöün Jakop we mwän. Iei mine esap makelong lon ewe uruwo lon tettelin mwänichi.

Jeremaia 2:33

Israel, ka fokun silelap le kütta alen om kamwet. Pwal ekewe fefin mi fokun ingau ra tongeni kaiö senuk.

Isikiel 16:47

Nge en kosap chök fetal lon ipwer, kosap pwal chök apirü ar kewe föför mi anioput. Pwe mürin ekis chök fansoun ka alapala om föföringau lap seniir.

Isikiel 22:10

Ekoch ra kon ren pwülüen semer, ra pwal achomanauei fefin mi samaun maram.

Lifitikos 18:8

Kosap lisowu ngeni pwülüen semom, pun ka turunufasei semom ren.

Lifitikos 20:11

Eman mwän mi lisowu ngeni pwülüen saman a turunufasei saman. Ir me ruoman repwe ninnila, nge char epwe uker chök.

Amos 2:7

Ra chök ipweri ekewe chon wöüngau usun eman a ipwetiu won pwül o atoka seni ekewe chon riaföü pwüngün ar kapwüng. Eman mwän me saman ra konopök ren eman chök chon angang fefin. Iei usun ra apiningaua pinin itei.

Föför 15:20

Nge sipwe makkei echö toropwe o asile ngeniir, pwe resap mongö och mongö mi limengau a piin asor ngeni ekewe uluulun anümwäl, resap föri sokun lisowu, resap pwal ochoch fituken man mi ffor me ün cha.

Föför 15:29

Ousap mongö ekewe mongö ra piin asor ngeni ekewe uluulun anümwäl, ousap ün cha, ousap ochoch fituken man mi ffor, ousap föri sokun lisowu. Are oua tümwünükemi seni ekei mettoch, oupwe feiöch. Äm aia kapong ngenikemi meinisin.”

1. Korint 1:11

Ämi pwii kana, ekoch aramas seni än Kloe famili ra asile ngeniei pwe mi wor aninifengen lefilemi.

1. Korint 5:11

Iwe, iei wewen ai kei kapas, pwe ousap chiechi ngeni eman aramas mi püsin aita ngeni pwe i eman souläng, nge fen i eman mi föri sokun föför mi fokun ngau, ika eman chon tipemong, ika eman chon angang ngeni anümwäl, ika eman chon aitengaua aramas, ika eman chon ünüpuch, ika eman chon solä. Ousap mwo nge mongöfengen me ena sokun aramas.

1. Korint 6:13

Ekoch repwe apasa, “Mongö a wor fänäsengesin lukach, nge lukach a wor fänäsengesin mongö.” Ewer, nge lon eu rän Kot epwe atala ir me ruu. Sisap aea inisich fänäsengesin föförün lisowu mi ngau, nge sipwe aea fänäsengesin ach angang ngeni ach Samol, iwe, ach Samol epwe tümwünü inisich.

1. Korint 6:18

Ousap fokun föri sokun föförün lisowu! Ekewe sokun tipis meinisin eman aramas a föri esap küü inisin, nge are eman aramas a föri föförün lisowu a tipis ngeni püsin inisin.

1. Korint 6:9

Enlet, oua silei pwe ekewe chon föföringau resap mwüni Mwün Kot. Ousap püsin atupukemi! Chon föri föförün lisowu, ika chon angang ngeni anümwäl, ika chon lisowu ngeni mi pwüpwülü, ika chon amömö inisir, ika chon lisowufengen lefilen mwän me mwän ika fefin me fefin,

2. Korint 12:21

Üa niuokus, pwe lupwen üpwe liwinsefälito remi, ai Kot epwe atekisonaeitiu me mwemi, iwe, ngang üpwe kechüeiti chomong mi tipis me lom, nge resap aier seni ar föför mi fokun ngau, ar föförün lisowu me ar mocheisou.

2. Korint 2:5

Iwe, are eman a afisätä än eman letipeta, esap föri ngeniei, nge a föri ngenikemi meinisin, ika ngeni ekoch me leimi. Üa apasa ei, pun üsap mochen pöchökül ngeni ätewe mi föri ei sokun föför.

2. Korint 7:12

Iwe, inamwo ika üa makkei ngenikemi ena toropwe, üsap mak fän iten ätewe mi föri mine a mwäl, ika ätewe mi weires ren ewe mwäl, nge üa makkei ai üpwe afata ngenikemi pwe Kot a silei pwe oua fokun chüngükem.

Kalatia 5:19

Iwe, a pwä ekewe angangen fituk: Lisowu, limengau, mocheisou,

Efisos 5:3

Pokiten ämi nöün Kot aramas mi pin, esap pwüng pwe sokopaten föförün lisowu ika mocheisou ika tipemong epwe fen mwo nge fis ika föü lefilemi.

Tuteronomi 22:30

Esap wor eman mwän epwe turunufasei saman ren an pwülüeni pwülüen saman, esap pwal kon ren.”

Tuteronomi 27:20

‘A anümamau eman mwän mi kon ren pwülüen saman, pun a turunufasei saman ren.’ Nge ekewe aramas meinisin repwe apasa, ‘Amen.’

Kolose 3:5

Iei mine oupwe amäloi ekewe mochenian fanüfan mi nom remi: sokopaten föförün lisowu, lüangau, mocheisou, mocheniangau me tipemong. (Pun tipemong och sokun angang ngeni anümwäl.)

1. Tesalonika 4:7

Pun Kot esap körikich pwe sipwe manau lon ei sokun manauen mocheniangau, nge a körikich pwe sipwe manaueni eu manau mi pin.

Pwärätä 2:21

Üa ngeni neminei fansoun an epwe aier seni an tipis, nge esap mochen ükütiu seni an föförün lisowu.

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”

1. Samuel 2:24

Nei mwän, oupwe ükütiu le föri ei sokun föför. Pun mine üa rongorong seni nöün ewe Samol mi Lapalap kewe aramas ra apworausafetalei, esap eu pworaus mi öch.