1. Korint 4:9 - Chuukese Bible

⁹ Pun üa ekieki pwe Kot a aleniakem äm soukünö, pwe aipwe nom fälapalapen aramas meinisin, pwe aia wewe ngeni aramas a fen kapwüngüla pwe repwe ninnila me mwen mesen aramas, pwe aipwe och minen atakirikir me ren ekewe chon läng meinisin me chon fanüfan meinisin.

1. Korint 4:9 Iomraidhean Croise

Kölfel 44:22

Nge fansoun meinisin aia küna ninni pokitom, äm aia wewe ngeni sip mi amol ngeni ar repwe ninnila.

Kölfel 71:7

Üa usun chök eu asisil mi eniwokus ngeni chomong aramas, nge en ai lenien op mi pöchökül.

Jeremaia 20:18

Pwota üa towu seni letipen inei, pwe üpwe chök riaföü me letipeta o asopwala ränin manauei fän säw?

Föför 19:29

Ewe akürang a chöfetal lon unusen ewe telinimw. Ekewe aramas mi afitikoko ra turufi Kaius me Aristarkus o müttir etekiniirela lon ewe lenien urumwot. Ätekei me ruoman re Masetonia mi eti Paulus lon an sai.

Föför 19:31

Pwal ekoch nöüwisen ewe fanü, ir chiechien Paulus, ra tinala pworaus ren Paulus o tüngormau ngeni, pwe esap feito lon ewe lenien urumwot.

Nöün Paulus Toropwe ngeni ekewe Souläng lon Rom 8:36

Pun iei usun a mak lon ewe Toropwe mi Pin, “Fansoun meinisin aia nonom lon feiengauen mäla fänäsengesum. Ra ekieki pwe äm aia wewe ngeni sip mi amol ngeni ar repwe ninnila.”

1. Korint 15:19

Are sia apilükülükü Kraist lon ei chök manau, sia attong seni aramas meinisin mi nom won ei fanüfan.

2. Korint 11:23

Ra apasa pwe ir nöün Kraist chon angang. Üa aloni alon eman mi umwes, ngang eman nöün Kraist chon angang mi mürina seniir! Üa fokun angang weires lap seniir, üa nom lon imwen fötek lap seniir, üa angei wichiwich lap seniir, üa arap ngeni ar repwe nieila lap seniir.

2. Korint 6:9

Aramas resap silekem, nge aia sil me ren aramas lon ekewe leni meinisin. Aia wewe ngeni chon mäla, nge nengeni aia manau. Ra wichikem, nge resap nikeemila.

1. Tesalonika 3:3

pwe esap wor eman me leimi epwe kulsefäl pokiten ekei riaföü mi torikemi. Oua püsin silei pwe iei letipen Kot ngenikich pwe sipwe tolong lon ekei sokun riaföü.

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.

Ipru 10:33

Fän ekoch oua küna turunufas me riaföü mwen mesen aramas, nge pwal fän ekoch oua chiechi ngeni chokewe mi tolong lon ekei sokun riaföü.

Ipru 11:36

Ekoch ra küna turunufas me wichiwich, nge pwal ekoch ra föfö o koturulong lon imwen fötek.