1. Korint 4:8 - Chuukese Bible

⁸ Ifa usun, a fen wor remi mettoch meinisin oua osupwang ren? Oua fen pisekisekila? Ifa usun, oua sounemenem, nge äm aisap etikemi? Üa fokun äneän pwe amwo oupwe nemenem, pwe äm aipwe etikemi le nemenem.

1. Korint 4:8 Iomraidhean Croise

Än Salomon Fos 13:7

Mi wor aramas ra pwomweni pwomwen chon pisekisek, nge ra wöüngau. Mi pwal wor aramas ra pwomweni pwomwen chon wöüngau, nge ra fokun pisekisek.

Än Salomon Fos 25:14

Eman mwän mi pwon pwe epwe fangala och, nge esap föri, a usun chök kuchu me asepwäl, nge esap pwüng üt.

Aisea 5:21

Feiengauemi, ämi mi lükü püsin ämi mirit, oua pwal ekieki pwe ämi chon tipachem.

Jeremaia 28:6

Iwe, üa üra, “Amen. Amwo ewe Samol mi Lapalap epwe föri iei usun. Amwo ewe Samol mi Lapalap epwe apwönüetä ekewe kapas ka osuni o aliwinato seni Papilon pisekin imwen ewe Samol mi Lapalap me ekewe chon oola meinisin.

Numperis 11:29

Nge Moses üreni, “Ifa usun, ka apangau won wisei? Amwo, nöün ewe Samol mi Lapalap aramas meinisin repwe soufos, pwe epwe anomu Ngünün wor.”

Mateus 5:1

Iwe, lupwen Jesus a küna ewe mwichen aramas mi chomong, a feitä won eu chuk o mottiu ikenan, nge nöün kewe chon kaiö ra feito ren.

Lukas 6:25

Feiengauemi ämi mi mötüla lon ei fansoun, pun oupwe echik. Feiengauemi ämi mi pwapwa lon ei fansoun, pun oupwe letipeta o kechü.

Föför 26:29

Paulus a pölüeni, “Ese lifilifil ika fansoun mochomoch ika fansoun langatam, nge üa chök iotek ngeni Kot pwe en me ir meinisin mi rongorong ngeniei ikenai oupwe wewe ngeniei lon ai souläng, nge sap lon ai föfö!”

Nöün Paulus Toropwe ngeni ekewe Souläng lon Rom 12:3

Iwe, pokiten än Kot lifangen ümöümöch ngeniei, üpwe ürenikemi meinisin: Ousap ekiekin tipetekia seni mine a fichitikemi, nge oupwe tipetekison lon ämi ekiek o püsin apwüngükemi ngeni ewe aükükün lükülük Kot a ngenikemi.

1. Korint 1:5

Pun lon Kraist oua wöü lon mettoch meinisin, pwal lon ämi kapas me ämi silelap meinisin.

1. Korint 4:18

Ekoch me leimi oua lamalamtekia, pun oua ekieki pwe üsap feito pwe üpwe churikemi.

1. Korint 5:6

Esap öch ngenikemi pwe oupwe lamalamtekia. Ousap silei pwe ekis chök iis a apwola unusen eu pilawa?

2. Korint 11:1

Amwo ämi oupwe songomang ngeniei, inamwo ika üa aloni alon eman esap mirit. Ouse mochen oupwe föri iei usun.

2. Korint 13:9

Äm aia pwapwa lupwen aia apwangapwang, nge ämi oua pöchökül. Iei mine aia iotek pwe ämi oupwe unusöchüla lon ämi souläng.

Kalatia 6:3

Are eman a ekieki pwe mi wor itan, nge esap fokun wor, ätewe a püsin atupu.

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Filipi 2:12

Iei mine chienei kana mi achengicheng, usun ämi oua aleasochisiei fansoun meinisin lupwen üa nonom remi, iei usun a men aüchea ämi oupwe aleasochisiei lupwen üa toau senikemi. Oupwe achocho le anganga püsin ämi küna manau fän niuokus me chechech,

Pwärätä 3:17

Pun ka apasa, ‘Ngang üa pisekisek o wöü, esap wor ai osupwang.’ Nge en kosap silei pwe ka mwelele o attong, ka wöüngau me chun o selela.

Pwärätä 5:10

Ka för seniir eu mwün souasor, pwe repwe angang ngeni ach Kot, nge repwe nemenem won fanüfan.”