1. Korint 4:6 - Chuukese Bible

⁶ Ämi pwii kana, ekei mettoch meinisin üa kapas usun iei, üa eänikem me Apolos kapasen awewe, pwe oupwe tongeni kaiö me rem met wewen ekei kapas, “Oupwe chök apwönüetä mine a mak.” Esap wor eman epwe ingeiti eman are oputa eman.

1. Korint 4:6 Iomraidhean Croise

Kölfel 146:3

Ousap anomu ämi apilükülük won ekewe samol ika won eman aramas, pun resap tongeni amanaua eman.

Kölfel 8:4

met aüchean aramas pwe ka ekieki usun, nge met aüchean nöün aramas pwe ka tümwünü?

Aisea 2:22

Oupwe ükütiu le apilükülükü aramas, pun a chök mochomoch fansoun manauer. Met aüchear?

Föför 18:24

Lon ewe fansoun eman chon Juta itan Apollos, i a uputiu lon Aleksantria, a tori Efisos. Ätei eman mi silelap le afalafal, a pwal silefichi kapasen lon ekewe Toropwe mi Pin.

Föför 19:1

Iwe, lupwen Apollos a nom lon Korint, Paulus a saifetal lemenen ewe fanü o a tori Efisos. Ikenan a küna ekoch souläng

Nöün Paulus Toropwe ngeni ekewe Souläng lon Rom 12:3

Iwe, pokiten än Kot lifangen ümöümöch ngeniei, üpwe ürenikemi meinisin: Ousap ekiekin tipetekia seni mine a fichitikemi, nge oupwe tipetekison lon ämi ekiek o püsin apwüngükemi ngeni ewe aükükün lükülük Kot a ngenikemi.

1. Korint 1:12

Iei met üa kapas usun: Eman a apasa, “Ngang nöün Paulus souläng,” eman a pwal apasa, “Ngang nöün Apolos souläng,” pwal eman a apasa, “Ngang nöün Petrus souläng,” nge pwal eman a apasa, “Ngang nöün Kraist souläng.”

1. Korint 1:19

Pun a mak lon ekewe Toropwe mi Pin, “Ngang üpwe atala tipachemen ekewe soutipachem o awesi ekiekin ekewe souekiek.”

1. Korint 1:31

Pun iei usun a mak lon ekewe Toropwe mi Pin, “Iö a mochen aingaing epwe aingaing won ach Samol.”

1. Korint 13:4

Chen a mosonotam o kirikiröch, chen esap lolowo ika sikesik ika lamalamtekia.

1. Korint 3:19

Pun met ei fanüfan a ekieki pwe ina tipachem, a umwes me ren Kot. Iei usun a mak lon ekewe Toropwe mi Pin, “Kot a liapeni ekewe chon tipachem lon ar tipachemsolä.”

1. Korint 3:21

Iei mine esap wor eman epwe aingaing won met aramas ra föri. Pun mettoch meinisin ra nom fän nemeniemi:

1. Korint 5:2

Iwe, epwe ifa usun ämi oupwe tongeni lamalamtekia? Nge pwüngün pwe oupwe fokun letipeta, oupwe pwal atowu seni lefilemi ätewe mi föri ei sokun föför.

1. Korint 5:6

Esap öch ngenikemi pwe oupwe lamalamtekia. Ousap silei pwe ekis chök iis a apwola unusen eu pilawa?

1. Korint 8:1

Iwe, iei usun pwüngün met oua makketo rei fän iten ekewe mongö aramas ra asor ngeni ekewe uluulun anümwäl. Ewer, a fokun let pwe “oukich meinisin a wor ach silelap”, usun ra apasa. Nge ei sokun silelap a afisätä lamalamtekia, nge chen a afisätä fisiöchün ach souläng.

1. Korint 9:23

Ekei mettoch meinisin üa föri fänäsengesin ewe Pworausen Manau, pwe üpwe angei wisei lon ekewe feiöch.

2. Korint 10:12

Ewer, aisap tongeni püsin atettelikem ika anönnöfengenikem me chokewe mi püsin aitöchüür. A ifan me watten umwesiir! Ra püsin föri och aükük pwe repwe maselong lon, mürin ra püsin aükü manauer ren.

2. Korint 10:15

Iei mine aisap aingaing won ewe angang ekewe ekoch aramas ra föri mi lu seni ewe aükük Kot a awisa ngenikem. Nge aia apilükülüköch pwe ämi lükü epwe mämäritä, pwe aipwe tongeni föri lefilemi eu angang mi fokun watte, nge aipwe chök föri lon ewe aükük Kot a awisa ngenikem.

2. Korint 10:7

Ämi oua chök nenengeni met a pwä me lükün. Are mi wor eman a ekieki pwe i nöün Kraist, i epwe ekiekisefäli usun püsin i, pun pwal äm nöün Kraist usun chök i.

2. Korint 11:4

Pun ämi oua pwapwa ika eman a feito o afalafala ngenikemi usun eman Jesus mi sokola seni ewe eman aia fen afalafal usun, ika oua angei eman ngün mi sokola seni ewe ngün oua fen angei, ika oua pwal angei eu pworausen manau mi fokun sokola seni ewe aia aiti ngenikemi.

2. Korint 12:19

Ifa usun, oua ekieki pwe äm aia püsin penikem me mwemi lon ekewe fansoun me mwan? Apwi, äm aia kapas mwen mesen Kot usun chon nom lon Kraist. Ämi pwiim kana mi achengicheng, aia föri mettoch meinisin pwe aipwe alisikemi lon ämi souläng.

2. Korint 12:20

Pun ngang üa niuokus, pwe lupwen üpwe torikemi üsap küna remi usun met üa mochen küna, nge ämi ousap küna rei met oua mochen küna. Üa niuokus pwe mi wor remi anini me lolowo, lisosong me meicha, kapasen esit me uwokükü, pwal lamalamtekia me fitikoko.

2. Korint 12:6

Are üa mochen aingaing, üsap eman aramas ese wor an mirit, pun üpwe kapas won mine a let. Nge üsap mochen aingaing, pun üsap mochen pwe eman epwe ekieki ngeniei pwe üa tekia seni mine a küna rei ika rongorong seniei.

2. Korint 4:15

Ekei mettoch meinisin ra fis ngenikem fän itemi, pwe än Kot ümöümöch mi tori chomong, chomong aramas epwe afisätä ar iotekin kilisou mi urourela, pwe Kot epwe ling ren.

Kolose 2:18

Ousap mwüt ngeni eman epwe angei senikemi winnemi, ewe mi apasa pwe a tekia pokiten künaan mi mürina, a pwapwaiti an epwe atekisonamwälietiu o fel ngeni chon läng. Ei sokun aramas a sikesik ren ekiekin fituk, nge esap wor popun an epwe föri iei usun,

1. Tesalonika 1:5

Pun aia uwato ewe Pworausen Manau ngenikemi, sap lon kapas chök, nge ren manaman me Ngünmifel, pwal ren äm wesewesen lükü pwe a let ewe kapas. Ämi oua silei ifa usun nonomum lupwen aia nonom remi lon fansoun äm alisikemi.

2. Timoty 2:10

Iei mine üa likitü lon ekei riaföü meinisin fänäsengesin nöün Kot kewe mi fil, pwe pwal ir repwe küna ewe manau a nom lon Kraist Jesus me ewe ling esemüch.