1. Korint 4:10 - Chuukese Bible

¹⁰ Äm chon umwes fänäsengesin Kraist, nge ämi chon tipachem lon Kraist! Äm chon apwangapwang, nge ämi chon pöchökül. Äm chon küna turunufas, nge ämi chon iteüöch.

1. Korint 4:10 Iomraidhean Croise

2. King 9:11

Iwe, lupwen Jehu a towu ren chienan kewe meilap, eman me leir a aisini, “A öch pworausom? Pwota ei alüal mi umwes a feito reöm?” Nge Jehu a pälüeniir, “Ämi oua silei ewe alüal me mine a apasa.”

Än Salomon Fos 11:12

Eman mi tiparoch a aitengaua chon arun, nge eman mi mirit a fanafanala.

Aisea 53:3

A küna turunufas me koput me ren aramas kana, eman mwän mi örüni an nom lon cheuch me riaföü. A wewe ngeni eman chon anioput sa aopa mesach seni. A unusen itengau, pwe sa ekieki esap wor aüchean.

Osea 9:7

Ekewe ränin apwüng ra war, ekewe ränin angei liwinin föför ra war. Lupwen epwe fis ei, chon Israel repwe silei. Pokiten watten ämi tipis me watten ämi oput oua ekieki pwe ewe soufos a tiparoch, nge ewe mi mwökütüküt ren Ngünün Kot a fokun umwesila.

Mateus 24:9

Mürin repwe fötekinikemi, repwe atolongakemi lepöün chokewe mi ariaföüükemi o nikemiila. Aramas meinisin repwe oputakemi pokiten itei.

Mateus 5:11

Oua feiöch lupwen aramas ra aitengauakemi o ariaföüükemi o apasa sokopaten kapas chofona mi ngau usumi pokiten oua tapweto müri.

Lukas 10:16

Iwe, Jesus a üreni nöün kewe chon kaiö, “Iö a aüselingakemi a aüselingaei, nge iö a aliwinikemi, a aliwiniei, nge iö a aliwiniei a aliwini ewe mi tiniei.”

Lukas 18:9

Iwe, Jesus a pwal apworausa ei pworausen awewe ngeni ekewe aramas mi lükü püsin ar pwüng o aücheangaua aramas.

Lukas 6:22

“Oua feiöch are aramas ra oputakemi o likitikemi, are ra aitengauakemi o kapasingau usumi pokiten oua lükü Nöün Aramas.

Föför 17:18

Iwe, pwal ekoch soutipachem seni ekewe mwichen Epikurean me Stoik ra aninifengen me Paulus. Ekoch me leir ra ais, “Met ätei mi tiparoch a mochen apasa lon an aingaing?” Nge pwal ekoch ra apasa, “Usun itä a kakapas usun ekoch koten ekis.” Ra apasa ei, pokiten Paulus a afalafal usun Jesus me ewe manausefäl. Iei mine ra angei Paulus o emwenala ren ewe mwichen soupwüng mi mwichfengen won ewe Areopakus.

Föför 17:32

Iwe, lupwen ekewe aramas ra rongorong pwe Paulus a afalafal usun manausefäl seni mäla, ekoch me leir ra takiri, nge pwal ekoch ra apasa, “Äm aia mochen rongorong om kopwe pwal kapassefäl usun ei mettoch.”

Föför 26:24

Iwe, lupwen Paulus a püsin peni i lon ei ititin kapas, Festus a kökkö fän leüömong, “Paulus, ka umwes! Om silelap a aumwesuk!”

Föför 9:16

Nge ngang üpwe pwäri ngeni meinisin ükükün ewe riaföü epwe küna fän itei.”

1. Korint 1:21

Pun lon än Kot tipachem, a föri pwe aramas resap tongeni silei i ren püsin ar tipachem. Nge Kot a akota pwe epwe amanaua chokewe mi lükü ewe kapas aia afalafala, iei ewe kapas ekoch aramas ra aita ngeni pwe och kapasen umwes.

1. Korint 1:23

Nge kich sia arongafeili ewe Kraist mi iräpenges, iei ewe kapas chon Juta ra chepetek ren, nge ekewe chon lükün Israel ra apasa pwe och kapas mi umwes.

1. Korint 1:25

Pun inamwo ika aramas ra apasa pwe Kot a umwes, nge än Kot umwes a tipachem seni än aramas tipachem. Inamwo ika aramas ra apasa pwe Kot a apwangapwang, nge an apwangapwang a pöchökül seni än aramas pöchökül.

1. Korint 10:12

Iei mine iö a ekieki pwe a nüküchar, epwe fokun tümwünüfichi pwe esap turula.

1. Korint 2:14

Iö esap eäni Ngünmifel esap tongeni etiwa ekewe lifang mi feito seni ewe Ngünün Kot, pun epwe ekieki ngeniir pwe ekoch mettochun umwes. Esap tongeni weweitiir, pun aramas ra chök tongeni mefi aüchear ren ewe Ngünmifel.

1. Korint 2:3

Lupwen üa nonom remi, üa apwangapwang o chechech fän watten ai niuokus.

1. Korint 3:18

Ousap püsin atupukemi. Are eman leimi a ekieki pwe a tipachem ren tipachemen ei fanüfan, i epwe wiliti eman aramas mi umwes fän iten an epwe wesewesen eman aramas mi tipachem.

1. Korint 3:2

Ngang üa aünükemi milik, nge üsap amongöü ngenikemi mongö mi pöchökül, pun ousap mwo tufich ngeni. Nge pwal iei ousap mwo tufich ngeni,

1. Korint 4:8

Ifa usun, a fen wor remi mettoch meinisin oua osupwang ren? Oua fen pisekisekila? Ifa usun, oua sounemenem, nge äm aisap etikemi? Üa fokun äneän pwe amwo oupwe nemenem, pwe äm aipwe etikemi le nemenem.

2. Korint 10:10

Pun ekoch aramas ra apasa, “Kapasen nöün Paulus kewe toropwe ra ken o pöchökül, nge lupwen a püsin nom rech a apwangapwang o an kewe kapas ra aücheangau.”

2. Korint 11:19

Püsin ämi oua fokun tipachem, iei mine oua songomang ngeni chokewe resap mirit!

2. Korint 11:29

Lupwen eman a apwangapwang, ngang üa pwal mefi apwangapwang. Lupwen eman a tur lon tipis, ngang üa fokun riaföü.

2. Korint 13:9

Äm aia pwapwa lupwen aia apwangapwang, nge ämi oua pöchökül. Iei mine aia iotek pwe ämi oupwe unusöchüla lon ämi souläng.

2. Korint 4:12

Iei usun mäla a angang lom, nge manau a angang lomi.

2. Korint 6:8

Ekoch ra aitöchükem o ekoch ra aitengauakem, ekoch ra turunufaseikem o ekoch ra mwareitikem. Ra apasa pwe aia chon atuputup, nge äm aia apasatä kapas mi let.

1. Tesalonika 4:8

Iei mine iö a pöütala ekei kapasen fön, esap pöütala kapasen aramas pwe kapasen Kot, ewe mi fang ngenikich ngünün we Ngünmifel.

1. Petrus 4:14

Oua feiöch are oua küna turunufas pokiten ämi tapwela mürin Kraist, pun ewe Ngünün ling, Ngünün Kot epwe nonom lomi.