1. Korint 3:9 - Chuukese Bible

⁹ Pun äm aia angangfengen lon ewe angang fän iten Kot, nge ämi än Kot tanipi. Ämi pwal imwen Kot.

1. Korint 3:9 Iomraidhean Croise

Kölfel 118:22

Ewe fau ekewe chon kaü imw ra pöütala a wiliti ewe föün lepwokuku mi fokun aüchea.

Kölfel 72:16

Amwo epwe wor chomong wiich lon ewe fanü. Amwo epwe wor uän irä won ekewe chuk. Resin ewe fanü epwe usun chök resin Lepanon. Nge ekewe telinimw repwe ur ren aramas usun chök ewe lemäl a ur ren fetil.

Än Salomon Fos 9:1

Tipachem a aüetä imwan o aütäi füfoch üran.

Aisea 32:20

ämi mi fofot ünükün ekewe koluk meinisin, oupwe feiöch, pwal ämi mi apichala kow me aas pwe repwe mongöfeil.

Aisea 61:11

Pun usun irä ra pwükütä won fanüfan, pwal usun irä mi fot lon tanipi ra märitä, iei usun Kot ewe Samol mi Lapalap epwe apwükü pwüng me kapasen ingemwar fän mesen chon ekewe mwü meinisin.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Aisea 61:5

Iwe, chon ekis repwe foleni nöümi pwiin man, wasöla repwe pwal nöümi chon tuw pwül me chon angang ngeni ämi tanipin wain.

Jeremaia 2:21

Nge ngang üa fotukuk usun efoch irän wain mi mürina, a pwük seni föün mi unusen mürina. Pwota ka ingauala o wiliti efoch irän wain mi mwacho o lomotongau?

Mateus 15:13

Jesus a pölüeniir, “Iteiten irä Semei lon läng esap fotuki epwe üttütä.

Mateus 16:18

Iei mine üpwe ürenuk Petrus: En eu achau. Iwe, ei achau iei ewe longolong üpwe aüetä ai mwichefel won, nge mäla esap mwo nge tongeni akufu.

Mateus 9:37

Mürin Jesus a üreni nöün kewe chon kaiö, “Ewe räs a fokun watte, nge ekewe chon angangen räs ra chokükün.

Markus 16:20

Iwe, ekewe chon kaiö ra feila o afalafal ekis meinisin. Nge ewe Samol a etiir lon ar angang o anüküchara ar afalafal pwe a let ren ekewe manaman ra föri.]

Föför 4:11

Iwe, Jesus i ätewe ekewe Toropwe mi Pin ra kapas usun, ‘Ewe fau ekewe chon kaü imw ra pöütala a wiliti eföü fau mi fokun aüchea seni meinisin.’

1. Korint 3:16

Ifa usun, ousap silei pwe ämi än Kot imwenfel, nge Ngünün Kot a nom lomi.

1. Korint 3:6

Ngang üa fotuki ekewe pwükil, Apolos a atütüür, nge Kot a amäriiretä.

1. Korint 6:19

Ousap silei pwe inisimi eu imwenfelin Ngünmifel a nom lomi, ewe Ngün Kot a ngenikemi? Ousap püsin nemenikemi, pwe ämi nöün Kot,

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

2. Korint 6:16

Ifa usun, än Kot imwenfel me uluulun anümwäl ra tongeni nonomfengen? Pun kich än ewe Kot mi manau imwenfel. Usun Kot a apasa, “Üpwe nonom rer o fetalfeil lefiler. Ngang üpwe ar Kot, nge ir repwe nei aramas.”

Efisos 2:10

Pun Kot a förikich pwe sipwe eäni ei manau, a förikich lon Kraist Jesus pwe sipwe föri ekewe föför mi mürina a fen amolätä fän itach pwe sipwe föföri.

Kolose 2:7

Oupwe warar lon i usun efoch irä mi warar, oupwe fefeitä lon manauemi o pöpöchökülela lon ämi lükü Kraist usun oua fen kaiö. Iwe, oupwe fokun pwärätä ämi kilisou.

1. Timoty 3:15

Nge are üpwe mang, ei toropwe epwe afata ngonuk usun ach föför lein chon ewe familien Kot, iei än Kot, ewe mi manau we mwichefel, ewe ürelap me longolongun ewe let.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

1. Petrus 2:5

Pwal ämi oua usun chök fau mi manau. Oupwe mwüt ngeni Kot pwe epwe aükemiitä, pwe oupwe eu imwen ngün, ia oupwe angang ie lon wisen souasor mi pin, pwe oupwe eäni sokun asor Ngünmifel a tipeni, Kot a etiwa ren Kraist.

3. Johannes 1:8

Iei mine oukich souläng sipwe fokun alisi ekei sokun aramas, pwe ina ach alilis lon ar angang fän iten ewe let.