1. Korint 3:8 - Chuukese Bible

⁸ Esap wor sokofesenin ewe chon fofot me ewe chon atütü, Kot epwe liwini ngeni eman me eman liwinin aükükün an angang a föri.

1. Korint 3:8 Iomraidhean Croise

Kölfel 62:12

Pwal en chök, ai Samol, ka eäni tong ellet. Ellet ka liwini ngeni aramas ükükün ar föför.

Än Salomon Fos 27:18

Eman mi tümwünü efoch irä fiik epwe mongö seni uan, nge eman chon angang mi tümwünü an samol epwe küna iteüöch.

Taniel 12:3

Iwe, ekewe chon mirit repwe meriweriw usun meriweriwen läng, nge chokewe mi aiti ngeni chomong aramas usun ar repwe föri mine a pwüng repwe titin usun fü kana tori feilfeilachök.

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Lukas 19:19

Iwe, a üreni ei chon angang, ‘Kopwe nemeni limu telinimw.’

Nöün Paulus Toropwe ngeni ekewe Souläng lon Rom 2:6

Pun Kot epwe liwini ngeni aramas meinisin liwinin ar föför.

1. Korint 15:58

Iei mine ämi pwii kana mi achengicheng, oupwe apposakemi, ousap mwöküt seni ämi souläng. Oupwe alapalafochei ämi achocho lon ewe angangen ach Samol, pun oua silei pwe esap lomotongau ämi angang lon ach Samol.

1. Korint 3:14

Are ewe ekkei esap kenala mine eman a aüetä won ewe longolong, ewe chon aüetä epwe angei liwinin.

1. Korint 3:7

Iei mine ewe chon fotuki me ewe chon atütü esap wor aüchear, nge Kot echök ewe mi aüchea, pun a amärätä ekewe irä.

1. Korint 3:9

Pun äm aia angangfengen lon ewe angang fän iten Kot, nge ämi än Kot tanipi. Ämi pwal imwen Kot.

1. Korint 4:15

Pun inamwo ika a wor engol ngeröü nöümi souemwen lon manauen ämi souläng, nge oua chök semeni eman. Pun lon Kraist Jesus üa wiliti eman sememi ren ai afalafala ewe Pworausen Manau ngenikemi.

1. Korint 9:7

Iö sounfiu a püsin mönätiu liwinin mettochun lupwen a nom lon an mwichen sounfiu? Ifa usun, eman chon tanipi esap ochoch uän fotan wain seni lon an tanipi? Ifa usun, eman chon masen sip esap ünümi milik seni püsin nöün sip?

Kalatia 6:4

Eman me eman epwe püsin apwüngü an föför. Are a mürina, mürin a tongeni pwapwa ren met a föri, nge esap awewei met i a föri ngeni met eman a föri.

Kalatia 6:5

Pun eman me eman epwe püsin mwärei wosan wosochou.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

1. Petrus 5:4

Iwe, lupwen ewe Meilapen Chonmas epwe pwä, oupwe angei ewe mwärämwär mi ling esap fokun aiolol.

2. Johannes 1:8

Iei mine oupwe mamasakemi, pwe esap pöüt senikemi mine sia angang fän itan, nge oupwe angei ewe liwin mi unus.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.

Pwärätä 22:12

Iei alon Jesus, “Nengeni, üpwe warekai! Iwe, üpwe uwei ai kewe liwin, pwe üpwe ngeni eman me eman liwinin an föför.