1. Korint 3:5 - Chuukese Bible

⁵ Iwe, iö Apolos? Pwal iö Paulus? Äm aia chök nöün Kot chon angang mi alisikemi pwe oupwe lükü Kraist. Eman me eman äm aia föri ewe angang ach Samol a awisa ngenikem.

1. Korint 3:5 Iomraidhean Croise

Mateus 25:15

A ngeni eman me eman ükükün mine a tufich ngeni: A ngeni eman limungeröü föün moni silifer, a ngeni pwal ewe eman ruungeröü, nge a pwal ngeni ewe eman engeröü. Mürin a sai.

Lukas 1:2

Ra makkeetiu usun met sia rongorong seni chokewe mi wesewesen küna ekei mettoch seni lepoputän o usun ar arongafeili ewe Pworausen Manau.

Johannes 3:27

Johannes a pölüeni, “Esap wor eman a tongeni angei och are Kot esap ngeni.

Föför 18:24

Lon ewe fansoun eman chon Juta itan Apollos, i a uputiu lon Aleksantria, a tori Efisos. Ätei eman mi silelap le afalafal, a pwal silefichi kapasen lon ekewe Toropwe mi Pin.

Föför 19:1

Iwe, lupwen Apollos a nom lon Korint, Paulus a saifetal lemenen ewe fanü o a tori Efisos. Ikenan a küna ekoch souläng

Nöün Paulus Toropwe ngeni ekewe Souläng lon Rom 15:16

pwe üpwe eman chon angangen Kraist Jesus ai üpwe angang ngeni ekewe chon lükün Israel. Üa angang usun eman souasor lon ai afalafala ewe Pworausen Manau seni Kot, pwe ekewe chon lükün Israel repwe wiliti eu asor mi tiw me ren Kot, a pin ren Ngünmifel.

1. Korint 12:28

Iwe, Kot a awiser meinisin lon en me lenian lon imwenfel: Akomwan ekewe soukünö, aruan ekewe soufos, nge aülüngatin ekewe sense. Mürin chokewe mi föri manaman, pwal chokewe mi wor ar tufichin apöchöküla aramas, chokewe mi alisi aramas, chokewe ir souemwen, pwal chokewe mi fos lon kapasen ekis.

1. Korint 16:12

Iwe, ren pwiich we Apolos, ngang üa fokun tüngor ngeni fän chomong, pwe epwe churikemi me pwal pwiich kewe ekoch, nge esap fokun mefi pwe a öch an epwe feila lon ei fansoun. Iwe, epwe feila remi are a wor an fansoun.

1. Korint 3:10

Ren ewe ümöümöch Kot a fang ngeniei, ngang üa föri ewe longolong usun eman mi silelap le aüetä imw, nge eman aramas a köütä won. Iwe, eman me eman epwe tümwünüöchü met epwe aüetä won.

1. Korint 3:22

Paulus, Apolos me Petrus, ei fanüfan, manau me mäla, ikenai me ewe fansoun mürin, ekei mettoch meinisin ämi,

1. Korint 3:7

Iei mine ewe chon fotuki me ewe chon atütü esap wor aüchear, nge Kot echök ewe mi aüchea, pun a amärätä ekewe irä.

1. Korint 9:17

Pun are üa föri ai angang seni püsin mochenin letipei, epwe wor liwinin ai angang. Nge üa föri ei angang fän asopwisek, pun Kot a awisa ngeniei pwe üpwe föri.

2. Korint 11:23

Ra apasa pwe ir nöün Kraist chon angang. Üa aloni alon eman mi umwes, ngang eman nöün Kraist chon angang mi mürina seniir! Üa fokun angang weires lap seniir, üa nom lon imwen fötek lap seniir, üa angei wichiwich lap seniir, üa arap ngeni ar repwe nieila lap seniir.

2. Korint 3:3

A fat pwe püsin Kraist a makkei ei toropwe o tinato rech. Esap mak ren ink, nge ren Ngünün ewe Kot mi manau, esap mak won fau mi chöpöp, nge a mak won letipen aramas.

2. Korint 3:6

I ewe mi alipwäköchükem äm aipwe chon angang ngeni ewe pwon mi fö. Ei pwon esap fis ren allük mi mak, nge a fis ren Ngünmifel, pun ewe allük mi mak a afisätä mäla, nge ewe Ngünmifel a ngenikich manau.

2. Korint 4:1

Iwe, pokiten än Kot tong a atolongakem lon ei angang, iei mine aisap apilükingau.

2. Korint 4:5

Pun aisap afalafal usun püsin äm, nge aia afalafal usun Jesus Kraist, pwe i Samol, nge aia nöümi chon angang fän iten Kraist.

2. Korint 4:7

Nge a wor rem ei feiöch mi aüchea lon sepi mi för seni pwül, pwe epwe pwä pwe ei tufich mi somwola a pop seni Kot, nge esap pop senikem.

2. Korint 5:18

Ekei mettoch meinisin ra pop seni Kot, i ewe mi achäfengenikich me i ren Kraist o ngenikich ewe angangen achächä.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

2. Korint 6:4

Nge lon mettoch meinisin aia föri aia pwärätä pwe äm nöün Kot chon angang: Ren äm engila fän riaföü me weires me feiengau.

Efisos 3:7

Kot a awisaei pwe üpwe eman chon angang ngeni ewe Pworausen Manau, ren an we lifangen ümöümöch a ngeniei ren tufichin an we manaman.

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

Kolose 1:25

Kot a awisaei, pwe üpwe eman chon angang ngeni mwichefel, i ewe mi ngeniei ei angang ai üpwe föri pwe oupwe feiöch ren. Iei ewe angangen arongafeili unusen an we kapas,

1. Timoty 1:12

Üa kilisou ngeni Kraist Jesus ach Samol, ewe mi fang ngeniei pöchökül fän iten ai angang. Üa kilisou ngeni ren an ekieki pwe ngang mi allükülük o a awisaei pwe üpwe angang ngeni.

1. Petrus 4:10

Ämi meinisin oua angei en me an lifang, oupwe aea fän iten chienemi usun nöün Kot kewe chon souwani ekewe sokopaten lifang.