1. Korint 3:3 - Chuukese Bible

³ pokiten oua chüen manaueni manauen soulängin fituk. Pun lupwen a wor lolowo me aninifengen lefilemi, ifa usun ei esap alletätä pwe ämi oua pop seni ei fanüfan? Ifa usun, ousap föri föförün chon ei fanüfan?

1. Korint 3:3 Iomraidhean Croise

Osea 6:7

Lon ewe otun, lupwen ra tolong lon ewe fanü me lon ewe telinimw Atam, ra atai ai we pwon ngeniir.

Nöün Paulus Toropwe ngeni ekewe Souläng lon Rom 13:13

Ousipwe föri föförün pwüng usun aramas mi nom lon saram. Sisap mongömong ika ünüpuch, sisap lisowu ika föföringau, sisap anini ika lolowo.

1. Korint 1:10

Üa tüngormau ngenikemi, ämi pwii kana, fän iten ach Samol Jesus Kraist, pwe oupwe tipeeufengen lefilemi, pwe esap wor kinikinfesen leimi. Oupwe fokun tip-eu me ekiek eu.

1. Korint 1:11

Ämi pwii kana, ekoch aramas seni än Kloe famili ra asile ngeniei pwe mi wor aninifengen lefilemi.

1. Korint 11:18

Akomwan üa rongorong pwe a wor kinikinfesen lefilemi lupwen oua mwichfengen. Esopun ei pworaus üa fen lükü.

1. Korint 3:4

Pun are eman leimi a üra, “Ngang nöün Paulus souläng,” pwal eman a apasa, “Ngang nöün Apolos souläng,” ifa usun, ousap föri föförün chon ei fanüfan?

2. Korint 12:20

Pun ngang üa niuokus, pwe lupwen üpwe torikemi üsap küna remi usun met üa mochen küna, nge ämi ousap küna rei met oua mochen küna. Üa niuokus pwe mi wor remi anini me lolowo, lisosong me meicha, kapasen esit me uwokükü, pwal lamalamtekia me fitikoko.

Kalatia 5:15

Nge are oua usun manmwacho ren ämi küfengenikemi o ocheifengenikemi, oupwe tümwünükemi pwe ousap arosafengenikemi.

Titus 3:3

Pun me lom püsin kich sia miritimang o aleasolap, sia pwal mwalechela. Sia nom fän nemenien sokopaten mochenia me pwapwan fanüfan. Sia manaueni eu manau mi ngau me lolowo, aramas ra oputakich, nge kich sia oputa ir.

James 3:16

Pun ia a wor ie lolowo me ekieki chök en me püsin an, ikenan a pwal wor kotongau me sokun föför mi ngau meinisin.

1. Petrus 4:2

Iei mine seni ikenai tori ekewe lusun ränin manauemi oupwe manaueni eu manau mi nom fän nemenien letipen Kot, nge esap nom fän nemenien mochenian fituk.