1. Korint 3:16 - Chuukese Bible

¹⁶ Ifa usun, ousap silei pwe ämi än Kot imwenfel, nge Ngünün Kot a nom lomi.

1. Korint 3:16 Iomraidhean Croise

Isikiel 36:27

Üpwe fangelong lomi Ngüni, pwe oupwe tümwünüöchü ai kewe pwüüng o aleasochisi ai kewe allük.

Johannes 14:17

I ewe Ngünmifel, a pwärätä mine a let usun Kot. Chon fanüfan resap tongeni angei, pun resap tongeni küna are silei i. Nge ämi oua silei i, pokiten a nonom remi, epwe pwal nonom lomi.

Nöün Paulus Toropwe ngeni ekewe Souläng lon Rom 6:16

Oua püsin silei, pwe lupwen oua fangatä inisimi ngeni eman pwe epwe nöünikemi chon angang o aleasochis ngeni, oua chon angang ngeni ätewe oua aleasochisi. Ika oupwe aleasochis ngeni tipis, sopolan oupwe mäla, ika oupwe aleasochis ngeni Kot, sopolan oupwe küna pwüng mwen mesan.

Nöün Paulus Toropwe ngeni ekewe Souläng lon Rom 6:3

Ika ousap silei pwe kich meinisin mi fen papatais lon Kraist Jesus, sia papatais lon an we mäla?

Nöün Paulus Toropwe ngeni ekewe Souläng lon Rom 8:11

Are ewe Ngünün Kot mi amanauasefäli Jesus seni mäla a nom lomi, mürin ewe mi amanauasefäli Kraist seni mäla, epwe uwalong manau lon inisimi inisin mäla ren Ngünün we mi nom lomi.

Nöün Paulus Toropwe ngeni ekewe Souläng lon Rom 8:9

Nge ämi ousap nonom fän nemenien fituk, pwe oua nonom fän nemenien Ngünmifel are Ngünün Kot a nom lomi. Nge iö esap eäni Ngünün Kraist, esap i nöün Kraist.

1. Korint 3:17

Iei mine are eman a atai än Kot imwenfel, ätewe Kot epwe atai. Pun än Kot imwenfel a pin, iwe, ämi än Kot imwenfel.

1. Korint 3:9

Pun äm aia angangfengen lon ewe angang fän iten Kot, nge ämi än Kot tanipi. Ämi pwal imwen Kot.

1. Korint 5:6

Esap öch ngenikemi pwe oupwe lamalamtekia. Ousap silei pwe ekis chök iis a apwola unusen eu pilawa?

1. Korint 6:16

Ousap silei pwe eman mwän mi chufengen me eman fin lisowu a iniseu ren? Pun iei usun a mak lon ekewe Toropwe mi Pin, “Ekewe ruoman repwe wiliti eu chök inis.”

1. Korint 6:19

Ousap silei pwe inisimi eu imwenfelin Ngünmifel a nom lomi, ewe Ngün Kot a ngenikemi? Ousap püsin nemenikemi, pwe ämi nöün Kot,

1. Korint 6:9

Enlet, oua silei pwe ekewe chon föföringau resap mwüni Mwün Kot. Ousap püsin atupukemi! Chon föri föförün lisowu, ika chon angang ngeni anümwäl, ika chon lisowu ngeni mi pwüpwülü, ika chon amömö inisir, ika chon lisowufengen lefilen mwän me mwän ika fefin me fefin,

1. Korint 9:13

Ämi oua fokun silei, pwe ekewe mwän mi angang lon ewe imwenfel ra angei aner mongö seni ewe imwenfel, nge chokewe mi föri ewe angangen asor won ewe rongen asor ra angei wiser seni ewe asor.

1. Korint 9:24

Ousap silei pwe ekewe chon kitir meinisin ra sä lon lenien kitir, nge eman chök leir a angei winnan? Iei mine oupwe kitir, pwe oupwe angei winnemi.

2. Korint 6:16

Ifa usun, än Kot imwenfel me uluulun anümwäl ra tongeni nonomfengen? Pun kich än ewe Kot mi manau imwenfel. Usun Kot a apasa, “Üpwe nonom rer o fetalfeil lefiler. Ngang üpwe ar Kot, nge ir repwe nei aramas.”

1. Timoty 3:15

Nge are üpwe mang, ei toropwe epwe afata ngonuk usun ach föför lein chon ewe familien Kot, iei än Kot, ewe mi manau we mwichefel, ewe ürelap me longolongun ewe let.

2. Timoty 1:14

Ren manamanen ewe Ngünmifel mi nom loch kopwe tümwünüöchü ewe Pworausen Manau Kot a lükü ngonuk.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

James 4:4

Ämi aramas mi kirikiringau! Ousap silei pwe chiechi ngeni fanüfan wewen fiu ngeni Kot? Iö a mochen chiechi ngeni fanüfan, i ewe aramas mi fiu ngeni Kot.

1. Petrus 2:5

Pwal ämi oua usun chök fau mi manau. Oupwe mwüt ngeni Kot pwe epwe aükemiitä, pwe oupwe eu imwen ngün, ia oupwe angang ie lon wisen souasor mi pin, pwe oupwe eäni sokun asor Ngünmifel a tipeni, Kot a etiwa ren Kraist.

1. Johannes 4:12

Esap wor mwo eman a fen küna Kot. Nge are sia echenifengenikich lefilach, Kot a nonom loch o an chen a unusöchüla loch.