1. Korint 2:6 - Chuukese Bible

⁶ Nge sia aronga eu kapasen tipachem ngeni chokewe mi mirit lon ar souläng. Esap ewe sokun tipachem mi pop seni ei fanüfan ika seni ekewe chon nemenem lon ei fanüfan, ar nemenem epwe wesila.

1. Korint 2:6 Iomraidhean Croise

Hiop 1:1

Mi wor eman mwän lon ewe fanü Us itan Hiop. Ätei a pwüng o wenechar, a niuokusiti Kot o kul seni föför mi ngau.

Hiop 12:19

A atekisona ekewe souasor o asapwilätiu ekewe mi wor ar manaman.

Hiop 12:21

A aworato itengau won ekewe aramas tekia o awesi än ekewe chon pwora pöchökül.

Kölfel 146:4

Lupwen ra mäla, ra liwiniti pwül. Lon ewe chök rän ar kewe akot meinisin ra tala.

Kölfel 33:10

Ewe Samol mi Lapalap a ataela än chon ekewe mwü akot o pinei än ekewe aramas ekiek.

Kölfel 37:37

Kopwe afota ewe aramas esap wor an tipis o nenengeni ätewe mi wenechar. A wor mwirimwirin ätewe mi afisätä kinamwe,

Aisea 40:23

I a arosala ekewe samol o awesi chon nemenem won fanüfan.

Mateus 13:22

Ekewe pwükil mi mworotiu lein ekewe iräfölüföl ra wewe ngeni chokewe mi rongorong kapasen Kot, nge öürek usun manauen ikenai me pwapwan wöün fanüfan ra amopu ewe kapasen Kot, pwe esap tongeni ua.

Mateus 19:21

Jesus a pölüeni, “Are ka mochen unusen föföröch, kopwe feila o amömöla meinisin mine ka eäni, nge ewe moni kopwe fang ngeni ekewe chon wöüngau pwe epwe wor woumw lon läng. Mürin kopwe feito o tapweto müri.”

Mateus 5:48

Iei mine ämi oupwe unusöch usun Sememi mi nom läng a unusöch!

Lukas 16:8

Iei mine ewe samol a ingeiti ewe chon souwa mi atuputup, pun a eäni tipachem lon an föför. Pun aramasen ei fanüfan ra kon tipachem lon ar angang ngeni pilor kana, lap seni ekewe aramas mi nonom lon saram.”

1. Korint 1:28

A filätä ekewe mi uputekison me ren fanüfan, pwal ekewe mi küna koput me ekewe esap wor aüchear, pwe epwe awesi ekewe mi wor aüchear me ren fanüfan.

1. Korint 12:8

Ewe Ngün a lifang ngeni eman aramas an epwe afalafala ewe kapas fän tipachem, pwal ewe chök Ngün a lifang ngeni eman an epwe afalafala ewe kapas fän silelap.

1. Korint 14:20

Ämi pwii kana, ousap wewe ngeni semirit lon ämi ekiek. Oupwe semirit lon föför mi ngau, nge oupwe mirit lon ämi ekiek.

1. Korint 2:1

Iwe, ämi pwii kana, lupwen üa feila remi pwe üpwe afalafala ewe kapas mi let usun Kot a monomonola me lom, üsap aea kapas mi tekia ika kapasen tipachem.

1. Korint 2:13

Iei mine äm aisap afalafala ekewe kapas aitien aramas seni lon ar tipachem, nge aia afalafala ekewe kapas aitien ewe Ngünmifel lupwen aia awewei ekewe kapas mi let ngeni chokewe mi eäni Ngünmifel.

1. Korint 2:8

Esap wor eman sounemenemen ei fanüfan a silei ei tipachem, pun ika repwe silei, resap iräpengesi ewe Samol mi ling.

1. Korint 3:1

Ämi pwii kana, üsap tongeni kapas ngenikemi usun ai üpwe kapas ngeni ekewe aramas mi eäni Ngünmifel. Nge üa kapas ngenikemi usun itä nge ämi soulängin fituk, usun semirit lon Kraist.

2. Korint 1:12

Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.

2. Korint 13:11

Ämi pwii kana, iei lesopolan mine üa makkei lon ei toropwe. Kot epwe etikemi. Oupwe achocho ngeni ämi oupwe unusöch lon ämi souläng. Oupwe aleasochis ngeni ai kewe kapasen öüröür. Oupwe tipeeufengen lefilemi, oupwe kinamwefengen. Iwe, ewe Kot mi echenikich o ngenikich kinamwe epwe nonom remi.

2. Korint 4:3

Pun are ewe Pworausen Manau äm aia afalafala a monomonola, a chök monomonola ngeni chokewe mi pöütmwälila.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

Efisos 2:2

Lon ena fansoun oua manaueni ewe manauen fanüfan mi ngau. Oua aleasochis ngeni ewe mi nemeni ekewe ngününgau mi nom fän läng, ewe ngün mi nemeni ekewe aramas mi aleasolap ngeni Kot iei.

Kolose 1:28

Iei mine sia arongafeili Kraist ngeni aramas meinisin. Sia fönöör o asukuler ren sokun tipachem meinisin, pwe sipwe emwenato eman me eman mwen Kot fän ar unusöch lon Kraist.

Kolose 4:12

Kapong seni Epafras, pwal i eman chon ämi we mwich me eman nöün Kraist Jesus chon angang. A fokun achocho le iotek fän itemi o tüngor ngeni Kot an epwe anükücharakemi, pwe oupwe mirit lon ämi souläng, nge ousap tipemwaramwar, oupwe pwal fokun aleasochisi letipen Kot.

Ipru 5:14

Nge mongö mi pöchökül a chök fän iten ekewe aramas mi mwukula, ir chokewe mi aörüni ngeniir ar repwe tufichin alefila lefilen mine a öch me mine a ngau.

Ipru 6:1

Iei mine sisap chüen eäni ekewe lepoputän lessen usun Kraist, nge sipwe sopwela ren ekewe afalafal mi fich ngeni chokewe mi mirit lon ar souläng. Sisap chüen aliwinisefäli ngenikemi ewe afalafalen longolongun ach souläng usun ach aier seni ekewe föför mi lomotongau, usun ach lükü Kot,

James 3:15

Ena sokun tipachem esap feitiu seni läng, nge a feito seni fanüfan, seni pekin fituk, pwal seni anün rochopwak.

James 3:2

Kich meinisin sia mwälila fän chomong. Nge are eman aramas esap fokun mwälila won mine a apasa, i eman mi unusöch, a pwal tongeni püsin nemeni unusen inisin.

1. Petrus 5:10

Nge mürin ämi küna riaföü lon fansoun mochomoch, ewe Koten ümöümöch meinisin mi körikemi pwe oupwe eti lon an ling esemüch lon Kraist, i epwe püsin aunusöchükemiila, epwe anükücharakemi o apöchöküla letipemi, pwe oupwe nük lon ämi lükü Kraist.