1. Korint 2:4 - Chuukese Bible

⁴ Iwe, ai afalafal me ai asukul ngenikemi esap fis ren kapasen tipachemen aramas ra aea le elliapa aramas, nge a fis ren sokun afalafal mi alletätä manamanen Kot me Ngünün,

1. Korint 2:4 Iomraidhean Croise

Än Salomon Fos 20:19

Eman aramas mi luapas a pwärätä mine a monomon, iei mine kosap chiechi ngeni eman mi kapas chomong.

Än Salomon Fos 7:21

Ina usun neminei a pesei ätei ren chomong kapas atuputup pwe epwe eti, a pöchökül ngeni ren an kapas amichimich.

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Isikiel 13:6

Mine ra osuni a mwakel, nge mine ra pweei a chofana. Ra apasa, ‘Iei alon ewe Samol mi Lapalap,’ nge ngang üsap tinirela. Iwe, ra chök ekieki pwe mine ra apasa epwe pwönüetä.

Föför 20:27

Pun ngang üa apworausa ngenikemi unusen ekiekin Kot, nge üsap amwöchü och senikemi.

Föför 26:28

Mürin Akripa a üreni Paulus, “Ka ekieki pwe ka tongeni peseei lon ei fansoun mochomoch, pwe üpwe soulängila?”

Nöün Paulus Toropwe ngeni ekewe Souläng lon Rom 15:13

Nge ewe Kot, i popun ämi apilükülük, epwe aurakemi ren watten pwapwa me kinamwe ren ämi lükü i, pwe ämi apilükülüköch epwe säsewu ren manamanen Ngünmifel.

Nöün Paulus Toropwe ngeni ekewe Souläng lon Rom 15:19

ren pöchökülen ekewe asisil me manaman pwal ren manamanen ewe Ngünün Kot. Iei usun üa sai seni Jerusalem tori Illirikum o arongafeili unusen ewe Pworausen Manau usun Kraist.

Nöün Paulus Toropwe ngeni ekewe Souläng lon Rom 16:18

Pun chokewe mi föri ei sokun föför resap angang ngeni Kraist ach Samol, nge ra angang ngeni püsin inisir. Ren ar kapas motoutou me kapas amichimich ra atupu ekewe aramas mi miritimang.

1. Korint 1:17

Kraist esap akünöüei pwe üpwe papataisi aramas, nge a akünöüei pwe üpwe arongafeili ewe Pworausen Manau, nge sap lon kapasen tipachemen aramas, pwe än Kraist mäla won iräpenges esap lomotongau.

1. Korint 2:1

Iwe, ämi pwii kana, lupwen üa feila remi pwe üpwe afalafala ewe kapas mi let usun Kot a monomonola me lom, üsap aea kapas mi tekia ika kapasen tipachem.

1. Korint 2:13

Iei mine äm aisap afalafala ekewe kapas aitien aramas seni lon ar tipachem, nge aia afalafala ekewe kapas aitien ewe Ngünmifel lupwen aia awewei ekewe kapas mi let ngeni chokewe mi eäni Ngünmifel.

1. Korint 4:20

Pun Mwün Kot esap pwä lon kapas chök, nge lon manaman.

2. Korint 6:6

Aia pwärätä pwe äm nöün Kot chon angang ren limöch, silelap, mosonotam me kirikiröch, ren ewe Ngünmifel, ren äm eäni chen enlet,

Kalatia 1:10

Ifa usun, üa sotuni ai üpwe apwapwai letipen aramas? Apwi! Üa mochen kütta met Kot epwe pwapwa ren! Ifa usun, üa sotuni ai üpwe kütta itei me ren aramas? Are üpwe chüen kütta itei me ren aramas, ngang üsap nöün Kraist chon angang.

Kolose 2:4

Iei mine üa ürenikemi, pwe ousap tupula ren ekewe kapasen anini mi mwäl, inamwo ika ra usun chök kapas mi mürina.

1. Tesalonika 1:5

Pun aia uwato ewe Pworausen Manau ngenikemi, sap lon kapas chök, nge ren manaman me Ngünmifel, pwal ren äm wesewesen lükü pwe a let ewe kapas. Ämi oua silei ifa usun nonomum lupwen aia nonom remi lon fansoun äm alisikemi.

1. Petrus 1:12

Kot a pwäri ngeni ekei soufos, pwe ar angang esap fän iten püsin ar feiöch, nge fän iten ämi feiöch, lupwen ar kapas usun ekewe mettoch oua rongorong iei seni ekewe chon künö mi aronga ngenikemi ewe Pworausen Manau ren manamanen Ngünmifel mi titito seni läng. Ikkei ekewe mettoch ekewe chon läng mwo nge ra mochen weweiti.

2. Petrus 1:16

Äm aisap longolong won ekewe pworaus aramas ra afisätä, lupwen aia aronga ngenikemi usun manamanen ach Samol Jesus Kraist lon ewe fansoun epwe liwinsefäl. Äm aia küna ren püsin mesem an we ling mi lapalap.

2. Petrus 2:18

Ra lamalamtekia lon ar apasatä kapas mi pön o aea sokun mochenian fituk mi ngau le atupu chokewe mi kärän sü seni ekewe aramas mi manaueni ei manau mi mwäl.

Soukapwüng 14:15

Nge lon arüanün rän ra üreni pwülüen Samson, “Kopwe echimwa pwülüom na pwe epwe pwäri ngenikem wewen ewe asisil. Nge are kosap, äm aipwe kenikemi me chon leimwen semom. Ifa usun, oua titi äm pwe aipwe feito ikei, pwe oupwe awöüngauakem?”

Soukapwüng 16:5

Iwe, ekewe samolun chon Filistia ra feito ren neminewe o üreni, “Kopwe echimwa Samson o kütta met popun a kon watte an pöchökül. Kopwe pwal kütta ren met aipwe tongeni turufi pwe aipwe tongeni föti o akufu. Mürin aipwe en me ngonuk engeröü ipükü föün moni silifer.”