1. Korint 2:10 - Chuukese Bible

¹⁰ Nge Kot a pwäri ngenikich ei monomon ren Ngünün we. Pun Ngünün we a atittina mettoch meinisin, pwal mwo nge ekewe ekiekin Kot mi alolol.

1. Korint 2:10 Iomraidhean Croise

Hiop 12:22

A pwärawu mettoch mi alolol seni lon rochopwak o atolonga saram lon lenien rochopwaken mäla.

Aisea 48:16

Oupwe kaneto rei o aüselingaei. Seni me lepopun üsap fos lemonomon. Iwe, seni ewe fansoun ekei mettoch ra fis üa fen nom.” Nge iei Kot ewe Samol mi Lapalap a tinieito me Ngünün.

Aisea 59:21

Iwe, iei alon ewe Samol mi Lapalap, “Iei ai pwon ngenikemi: Ngüni a nonom womi, üa pwal ngenikemi ai kapas pwe epwe nonom remi, epwe pwal nom ren nöümi me mwirimwirir kana seni ikenai tori feilfeilachök.”

Taniel 2:22

Iwe, a pwäri mine a alolol o monomon, a silei mine a op lon rochopwak, pun saram a nom ren.

Amos 3:7

Ellet, Kot ewe Samol mi Lapalap esap föri och ika esap pwäri mwo mine a ekiekietä ngeni nöün chon angang ekewe soufos.

Mateus 13:11

Jesus a pölüeniir, “Kot a fen ngenikemi ewe tufich pwe oupwe silei usun monomonen Mwün Läng, nge ei tufich esap pwal ngeni ekoch aramas.

Mateus 16:17

Jesus a pölüeni, “Ka feiöch, Simon nöün Sona. Pun ei kapas mi let esap aitien eman aramas ngonuk, nge Semei lon läng a amefi ngonuk.

Lukas 10:21

Iwe, lon ewe fansoun Jesus a uren pwapwa ren Ngünmifel o a apasa, “Semei, en Samolun läng me fanüfan, üa kilisou ngonuk, pun ka amonomona ekei mettoch seni ekewe mi tipachem me silelap, nge ka pwärala ngeni ekewe tipate. Ewer, Semei, pun iei usun letipom.”

Lukas 2:26

Ngünmifel a pwäri ngeni, pwe esap mäla mwen an epwe küna Kraist, ätewe Kot epwe tinato.

Johannes 14:26

Nge ewe Soualilis, ewe Ngünmifel, Semei epwe tinato fän itei, epwe aiti ngenikemi ekei mettoch meinisin o achema ngenikemi meinisin mine üa fen ürenikemi.

Johannes 16:13

Nge lupwen epwe war ewe Ngünmifel mi pwärätä mine a let usun Kot, i epwe emwenikemiilong lon ewe let mi unusöch. Esap kapas fän püsin itan, nge epwe kapas usun met a rongorong o ürenikemi usun ekewe mettoch repwe feito.

1. Korint 14:30

Are eman mi mot lon ewe mwich a angei eu kapasen pwärätä seni Kot, ewe eman mi kapas epwe köüla, nge ewe mi angei ewe kapasen pwärätä epwe kapas.

1. Korint 2:11

Pun ren eman aramas püsin ngünün chök a silei usun an ekiek. Ina chök usun Ngünün Kot a püsin silei usun ekiekin Kot.

Kalatia 1:12

Üsap angei seni eman aramas, esap pwal wor eman a aiti ngeniei. Püsin Kraist a pwäri ngeniei.

Efisos 3:3

Kot a pwäri ngeniei an we ekiek mi monomon o a aiti ngeniei wewen, usun üa manlapei le makkei me mwan.

Efisos 3:5

Lon ekewe fansoun ra la Kot esap asile ngeni aramas won fanüfan usun ei monomon, nge iei Kot a pwärala ren Ngünmifel ngeni nöün kewe soukünö me soufos mi pin.

1. Timoty 4:1

Iwe, ewe Ngünmifel a afata, pwe lon ekewe fansoun mürin ekoch aramas repwe pöütala ar lükülük, repwe rongorong ngeni ekewe ngün mi chofona o aleasochis ngeni aitien ekewe anün rochopwak.

1. Petrus 1:12

Kot a pwäri ngeni ekei soufos, pwe ar angang esap fän iten püsin ar feiöch, nge fän iten ämi feiöch, lupwen ar kapas usun ekewe mettoch oua rongorong iei seni ekewe chon künö mi aronga ngenikemi ewe Pworausen Manau ren manamanen Ngünmifel mi titito seni läng. Ikkei ekewe mettoch ekewe chon läng mwo nge ra mochen weweiti.

1. Johannes 2:20

Iwe, ewe mi Pin a fen tinatiu womi ewe Ngünmifel, iei mine ämi meinisin oua silei ewe let.

1. Johannes 2:27

Nge ren ämi, Kraist a fen tinatiu womi Ngünün. Fansoun än Ngünün we epwe nonom lomi, ousap osupwangen än eman epwe aiti ngenikemi och. Pun Ngünün a aiti ngenikemi usun mettoch meinisin. Iwe, mine i a aiti ngenikemi a let, nge esap mwäl. Oupwe aleasochisi mine Ngünün we a aiti ngenikemi, iwe, oupwe nonom lon Kraist.

Pwärätä 1:1

Iei ewe kapasen pwärätä seni Jesus Kraist, Kot a ngeni an epwe pwäri ngeni nöün kewe chon angang usun met epwe müttir fis. Kraist a asile ngeni nöün we chon angang Johannes ekei mettoch ren an tinala nöün chon läng ren.

Pwärätä 2:24

Nge ekewe ekoch me leimi lon Tiatira ousap aleasochisi ei sokun kait mi ngau, ämi ousap kaiö met ekewe ekoch ra aita ngeni ‘alololun monomonen ekiekin Satan’, üpwe ürenikemi pwe üsap anomu womi och chou.