1. Korint 16:9 - Chuukese Bible

⁹ pun a wor eu asam mi suk chöchöla pwe üpwe föri ewe angang mi aüchea, nge a pwal wor chomong chon pinei ewe angang.

1. Korint 16:9 Iomraidhean Croise

Föför 14:27

Iwe, lupwen ar tori Antiokia, ra achufengeni aramasen ewe mwichefel o apworausa ngeniir meinisin mine Kot a föri ngeniir, pwal usun an suki eu asam ngeni ekewe chon lükün Israel pwe repwe lükü Jesus.

1. Korint 15:32

Are ngang üa fiu ngeni ekewe manmwacho lon Efisos fänäsengesin ekoch popun mi fis seni ekiekin aramas, met lomotan ngeniei? Nge are ekewe mi mäla resap manausefäl, pwota sisap chök föri usun met ekewe ekoch ra apasa, “Ousipwe momongö o ükün, pun lesor sipwe mäla”?

2. Korint 1:6

Are aia küna riaföü, a fis ämi chip me manau ren. Nge are aia küna chip, a pwal fis ämi chip mi pwä lupwen oua mosonotam o engila lon ekewe chök riaföü äm aia fen tolong lon.

2. Korint 2:12

Iwe, lupwen üa tori Troas pwe üpwe afalafala ewe Pworausen Manau usun Kraist, üa küna pwe ach Samol a suki eu asam ngeniei fän iten ewe angang.

Filipi 3:18

Ngang üa fen ürenikemi ei fän chomong me mwan, nge iei üpwe aliwinisefäli ngenikemi fän ai kechü: A wor chomong aramas mi manaueni eu sokun manau a pwärätä pwe ir ra oputa ewe iräpengesin Kraist.

Kolose 4:3

Oupwe pwal iotek fän item pwe Kot epwe suki eu asam ngenikem, pwe aipwe tongeni afalafala an kapas usun ewe monomonen Kraist. Pun iei popun pwe üa nom lon imwen fötek.

James 5:16

Iei mine oupwe pwärifengeni ämi tipis kana, eman ngeni eman o iotekifengenikemi, pwe oupwe pöchökületä. Än eman chon pwüng iotek a manaman o a fokun pwönüetä.