1. Korint 16:2 - Chuukese Bible

² Iteiten räninfel eman me eman leimi epwe aimwüela och alilis lon ükükün met a tufich ngeni. Iwe, oupwe iseis, pwe esap fis ämi ionifengeni ewe alilis lupwen üpwe war.

1. Korint 16:2 Iomraidhean Croise

Keneses 26:12

Iwe, Isaak a tanipi lon ewe fanü, nge lon ena ier a kinikin fän ipükü lap seni mine a fotuki, pun ewe Samol mi Lapalap a afeiöchü Isaak.

Keneses 30:27

Nge Lapan a pälüeni, “Kose kan mochen kopwe aüselingaei. Üa fen silei seni ai pwee pwe ewe Samol mi Lapalap a afeiöchüei fän äsengesum.

Keneses 30:30

Pun mwen ai feito reöm noum kewe man ra chokisikis, nge iei ra fokun chomongola. Iwe, ewe Samol mi Lapalap a afeiöchuk ren ai angang meinisin üa föri. Nge inet ngang üpwe püsin tümwünü imwei?”

Keneses 32:10

Üa kon aücheangau ngeni om kirikiröch me om tipelükülük meinisin ka eäni ngeniei noum chon angang. Pun ei chök wok a nom rei, lupwen üa pwerela pekilan ei chanpupu Jortan, nge ikenai üa wiliti ruu mwich.

Keneses 33:11

Kose mochen kopwe angei ai ei lifang üa uwato reöm. Pun Kot a fokun kisäsew ngeniei, iei popun a fokun naf ngeniei mine üa eäni.” Iwe, Jakop a pesei Esau tori a angei ekewe lifang.

2. Kronika 31:10

Nge ewe souasor mi lap Asaria, eman mwirimwirin Satok, a pälüeni, “Seni ewe fansoun ekewe aramas ra popuetä le uwato ekewe lifang lon imwen ewe Samol mi Lapalap, äm aia mongö o mötüla, a pwal wor chomong lusun. Pun ewe Samol mi Lapalap a afeiöchü nöün aramas, pwe a wor ei lusun mi watte a chüen nom rem.”

Markus 14:8

Neminei a föri ükükün met a tongeni. A ninätä ewe lö woi pwe epwe amolaei ngeni ai üpwe tolong lon peias.

Lukas 16:10

Eman mi allükülük le tümwünü mettoch mi kisikis, epwe pwal allükülük le tümwünü mettoch mi watte. Nge eman esap allükülük le tümwünü mettoch mi kisikis, esap pwal allükülük le tümwünü mettoch mi watte.

Lukas 24:1

Iwe, lesosorusichin ewe aeuin ränin wiik ekewe fefin ra feila ren ewe peias, nge ra uwala ekewe löpwokus ra amolätä.

Johannes 20:19

Iwe, lekuniolun ewe chök ränin, lon ewe aeuin ränin wiik, ekewe chon kaiö ra mwichfengen lon eu imw, nge ra lokeela asaman kewe, pun ra niuokusiti ekewe nöüwisen chon Juta. Mürin Jesus a feito, a ütä lefiler o üreniir, “Kinamwe epwe torikemi.”

Johannes 20:26

Eu wiik mürin ekewe chon kaiö ra pwal mwichfengen lon ewe imw, nge Tomas a nom rer. Iwe, ekewe asam ra lokola, nge Jesus a feito, a ütä lefiler o üreniir, “Kinamwe epwe torikemi!”

Föför 20:7

Iwe, lekuniolun räninamol äm aia chufengen o mongöfengen ewe mongön ach Samol. Iwe, Paulus a afalafala ekewe aramas, nge a chök sopwela le afalafaleer tori lukenipwin, pun a ekiekin feil seniir sorotän ewe rän.

2. Korint 8:10

Iwe, iei ai öüröür ngenikemi won ei angangen alilis: A mürina ngenikemi, pwe oupwe awesala iei met oua popuetäni lon ewe ier a la. Ousap chök akom le föri ewe alilis, nge oua pwal tipeeu ngeni le föri.

Tuteronomi 8:18

Nge oupwe chechemeni ewe Samol mi Lapalap ämi we Kot, pun i a ngenikemi pöchökül pwe oupwe pisekisek. Iwe, a apwönüetä an pwon a eäni fän akapel ngeni ämi kewe lewo, usun a fis ikenai.

Pwärätä 1:10

Lon ewe Ränin ach Samol üa nom lon Ngün, iwe, üa rongorong eu möngüngü mi leüömong a wewe ngeni efoch rappwa, a kapas me lükisöküri.