1. Korint 16:16 - Chuukese Bible

¹⁶ pwe oupwe aleasochis ngeni ekei sokun aramas usun ir, pwal ngeni chokewe mi etiir le angang o angang weires.

1. Korint 16:16 Iomraidhean Croise

Ipru 13:17

Oupwe aleasochisi nöümi kewe souemwen o föri mine ra allük ngenikemi. Ra mamasa ngünümi fansoun meinisin, pun ra wisen pwäri ngeni Kot usun mine ra föri lon ar angang. Are oua aleasochisiir, repwe föri ar angang fän pwapwa, nge are oua lükümach, repwe föri ar angang fän letipeta. Ren ei ousap feiöch ren.

1. Tesalonika 5:12

Ämi pwiim kana, aia tüngormau ngenikemi pwe oupwe meniniti ätekewe mi angang ngenikemi, ir mi emwenikemi o öüröürakemi lon manauen ämi souläng.

3. Johannes 1:8

Iei mine oukich souläng sipwe fokun alisi ekei sokun aramas, pwe ina ach alilis lon ar angang fän iten ewe let.

Pwärätä 2:3

Ka likitü fän mosonotam, ka tolong lon riaföü fän itei, nge kosap fangatä.

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

1. Timoty 5:17

Ekewe souakom mi angangöch le emweni mwichefel a aüchea ngeniir ar repwe angei liwiniir fän ruu, fokun ätekewe mi angang weires lon ar afalafal me asukula aramas ewe kapasen Kot.

1. Tesalonika 2:9

Ämi pwiim kana, oua fokun chechemeni usun äm angang weires. Äm aia angang lerän me lepwin pwe aisap aweiresikemi lupwen aia afalafala ngenikemi ewe Pworausen Manau seni Kot.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Efisos 5:21

Oupwe aleasochisfengen lefilemi pokiten oua asamolu Kraist.

1. Korint 12:28

Iwe, Kot a awiser meinisin lon en me lenian lon imwenfel: Akomwan ekewe soukünö, aruan ekewe soufos, nge aülüngatin ekewe sense. Mürin chokewe mi föri manaman, pwal chokewe mi wor ar tufichin apöchöküla aramas, chokewe mi alisi aramas, chokewe ir souemwen, pwal chokewe mi fos lon kapasen ekis.

1. Korint 3:9

Pun äm aia angangfengen lon ewe angang fän iten Kot, nge ämi än Kot tanipi. Ämi pwal imwen Kot.

Nöün Paulus Toropwe ngeni ekewe Souläng lon Rom 16:12

Ai kapong ngeni Trifana me Trifosa, ir mi angang ngeni ach Samol, pwal ai kapong ngeni fefinei mi achengicheng Persis, neminewe mi fokun angang weires fän iten ach Samol.

Nöün Paulus Toropwe ngeni ekewe Souläng lon Rom 16:9

Ai kapong ngeni Urpanus chienach we chon angang lon än Kraist angang, pwal ngeni Stakis chienei we mi achengicheng.

Nöün Paulus Toropwe ngeni ekewe Souläng lon Rom 16:6

Ai kapong ngeni Maria, neminewe mi angang weires fän itemi.

Nöün Paulus Toropwe ngeni ekewe Souläng lon Rom 16:3

Ai kapong ngeni Prisila me Akwila, chienei kewe chon angang lon ewe angangen Kraist.

1. Kronika 12:18

Mürin, Ngünün Kot a feitiu won Amasia ewe meilapen ekewe ilik. Iwe, a apasa, “Äm aia noum, Tafit, äm aipwe etuk, en nöün Jesi we mwän. Kinamwe, kinamwe epwe toruk. Kinamwe epwe tori chokewe mi alisuk. Pun om we Kot a alisuk.” Mürin, Tafit a etiweer o awisa ngeniir wisen meilapen nöün kewe sounfiu.

Än Salomon Afalafal 1:3

Met lomoten än eman aramas angang weires won fanüfan?

Ipru 13:24

Äm kapong ngeni nöümi kewe souemwen meinisin, pwal ngeni nöün Kot kewe aramas meinisin. Pwiimi kewe souläng seni Itali ra pwal kapong ngenikemi.