1. Korint 16:1 - Chuukese Bible

¹ Iwe, iei mine üa makkei ngenikemi usun ewe alilis oua ionifengeni fän iten ekewe chon pin lon Jutea: oupwe fokun föri usun met üa fen üreni ekewe souläng lon ekewe mwichefel lon Kalatia.

1. Korint 16:1 Iomraidhean Croise

Föför 11:28

Eman leir itan Akapus a ütä o osuni fän manamanen ewe Ngünmifel, pwe eu mailengita epwe tori unusen fanüfan. (Ei a fis lon mwün Sisar Klautius.)

Föför 11:30

Ra föri ei o tinala Parnapas me Saul, pwe repwe uwei ar we alilis ngeni ekewe souakomwen mwichefel lon Jerusalem.

Föför 16:6

Iwe, Paulus me chiechian kana ra sai lemenen ekewe fanü Frikia me Kalatia, pun ewe Ngünmifel esap mwüt ngeniir pwe repwe afalafala ewe Kapasen Kot lon ewe fanü Asia.

Föför 18:23

Mürin an nonom ekoch fansoun ikenan, a feila seni Antiokia o fetalfeil lemenen ewe fanü Kalatia me Frikia. Iwe, a apöchöküla ekewe chon lükü Jesus meinisin.

Föför 24:17

“Mürin ai toau seni Jerusalem ekoch ier, üa liwinto ikei ai üpwe uwato moni fän iten alilisin aramasei kewe chon Juta mi osupwang, üpwe pwal uwato ai asor.

Föför 9:13

Ananias a üreni, “Ai Samol, üa rongorong chomong pworaus usun ei mwän me ekewe föför mi ngau meinisin a föri ngeni noumw kewe chon pin lon Jerusalem.

Föför 9:41

Petrus a amwöchü pöün o alisätä pwe epwe ütä. Mürin a kökköri ekewe chon lükü meinisin fiti ekewe fefin mi mä pwülüer o api ngeniir neminewe pwe a manau.

Nöün Paulus Toropwe ngeni ekewe Souläng lon Rom 12:13

Oupwe alisi pwimi kewe souläng mi osupwang, oupwe etiwaöchü ekewe wasöla.

1. Korint 11:34

Nge are eman a echik, epwe mongö lon imwan, pwe ousap küna apwüng me ren Kot lupwen oua mwichfengen. Iwe, ren ekewe ekoch mettoch, üpwe öüröüra ngenikemi lupwen üpwe feila remi.

1. Korint 16:15

Oua silei usun Stefanas me chon an famili. Ir ra akom le soulängila me lon Akaia, ra fokun achocho le angang ngeni ekewe chon pin. Ämi pwii kana, üa tüngormau ngenikemi,

1. Korint 4:17

Iei popun üa tinala remi Timoty, i nei we mi achengicheng o allükülük lon ach Samol. I epwe achema ngenikemi usun ei manau mi fö üa manaueni lon Kraist Jesus usun üa afalafala lon ekewe mwichefel ekis meinisin.

Kalatia 1:2

Äm me pwiich kei souläng meinisin mi nom ikei aia kapong ngeni chon ekewe mwichefel lon Kalatia:

Kalatia 2:10

Iwe, ra chök tüngor pwe aipwe chechemeni ekewe mi osupwang lon ar we mwich, iei ewe mettoch üa fen achocho le föri.

Filimon 1:5

pun üa rongorong usun om tong ngeni ekewe chon pin meinisin, pwal usun om lükü ach Samol Jesus Kraist.

Filimon 1:7

En pwii achengicheng, om tong a atoto ngeniei watten pwapwa me watten chip, pun en ka apwapwai leluken ekewe chon pin meinisin.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

1. Johannes 3:17

Are eman aramas mi pisekisek a küna pwiin lon an osupwang, nge esap tongei o alisi, ifa usun a eäni än Kot we chen lon letipan?