1. Korint 15:3 - Chuukese Bible

³ Üa ngenikemi mine üa fen angei met a fokun aüchea: pwe Kraist a mäla fän iten ach tipis usun a mak lon ekewe Toropwe mi Pin,

1. Korint 15:3 Iomraidhean Croise

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

Isikiel 3:17

“Nöün aramas, üa awisa ngonuk ewe wisen chon mas fän iten chon Israel. Iteiten fansoun, lupwen kopwe rongorong eu kapas seniei, kopwe fönöör ren.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Mateus 26:24

Nöün Aramas epwe mäla usun a fen mak lon ekewe Toropwe mi Pin, nge feiengauen ätewe mi afangamä Nöün Aramas! Epwe fen öch ngeni ei mwän are esap fen mwo nge uputiu!”

Mateus 26:28

Pun iei chai a allükülükü än Kot we pwon mi fö ngenikemi, a ninnila fänäsengesin chomong aramas, pwe amusamusen ar tipis kana.

Lukas 24:25

Iwe, Jesus a üreniir, “Pwota iei me miritimangemi me mangen letipemi! Inet ämi oupwe lükü meinisin mine ekewe soufos ra apasa?

Johannes 1:29

Iwe, sorotän ewe rän Johannes a küna pwe Jesus a feito ren, iwe, a apasa, “Iei i ewe Lamen Kot a uweela tipisin chon fanüfan.

Föför 17:2

Iwe, Paulus a tolong lon ewe imwen felikis usun an örüni. Lon ülüngat ränin sapat a kakapas ngeni ekewe aramas seni lon ekewe Toropwe mi Pin,

Föför 3:18

Nge iei usun Kot a apwönüetä met a fen apasa me lomlom ren ekewe soufos meinisin, lupwen a apasa pwe nöün we Kraist epwe küna riaföü.

Föför 8:32

Ikei ekewe wokisin ewe nöüwis a aleani, “I a usun eman sip aramas ra emwenala pwe epwe ninnila, a usun eman nienifön sip a fanafanala lupwen ar fichi ünan. Esap apasa eu kapas.

Nöün Paulus Toropwe ngeni ekewe Souläng lon Rom 3:25

Kot a fangala Kraist, pwe ren an mäla a fis amusamusen än aramas tipis ren chaan pokiten ar lükü i. Kot a föri ei an epwe pwärätä pwe i a pwüng, pun lon an mosonotam esap apwüngü än ekewe aramas tipis ra föri me mwan.

Nöün Paulus Toropwe ngeni ekewe Souläng lon Rom 4:25

Jesus a mäla pokiten ach tipis, nge a manausefälitä seni mäla pwe sipwe küna pwüng me ren Kot.

1. Korint 11:2

Iwe, üa mwareitikemi pokiten oua chechemeniei fansoun meinisin, oua pwal aleasochisi ekewe afalafal üa ngenikemi.

1. Korint 11:23

Pun üa angei seni ach Samol ekewe kapas üa aiti ngenikemi, pwe lon ewe pwinin Jutas epwe afangamä ach Samol Jesus, Jesus a angei ewe pilawa,

2. Korint 5:21

Kraist esap wor an tipis, nge fän itach Kot a föri pwe i a tipisini tipisich, pwe kich sipwe küna pwüngün Kot lon i.

Kalatia 1:12

Üsap angei seni eman aramas, esap pwal wor eman a aiti ngeniei. Püsin Kraist a pwäri ngeniei.

Kalatia 1:4

Kraist a fangala manauan fänäsengesin ach tipis kana ren an aleasochisi letipen ach Kot i Samach pwe epwe angasakich seni ei fansoun mi ngau.

Kalatia 3:13

Nge ren än Kraist küna anümamau fän itach a angasakich seni ewe anümamau ekewe Allük ra atoto woch, pun a mak lon ekewe Toropwe mi Pin, “Iö a mwöch won efoch irä a anümamau me ren Kot.”

Efisos 1:7

Pun lon Kraist sia ngasala ren chaan, pwe ach kewe tipis ra musala. A ifan me watten än Kot we ümöümöch

Efisos 5:2

Chen epwe nemeni manauemi, usun Kraist a echenikich o fangala manauan fän itach pwe epwe eu asor mi pwoöch me eu lifang mi apwapwai Kot.

Ipru 5:1

Iwe, iteiten souasor mi lap a kefilitä me lein aramasan, a angei wisan an epwe angang ngeni Kot fän iten ekewe aramas, pwe epwe föri angangen asor o föri ekewe asoren tipis.

Ipru 5:3

Iwe, pokiten püsin i a apwangapwang, epwe fokun föri asoren amusamusen tipis, sap fän iten chök än ekewe aramas tipis, pwe pwal fän iten püsin an tipis.

1. Petrus 1:11

Ra küttafichi inet fansoun me lapalapen an epwe feito. Iei ewe fansoun ewe Ngünün Kraist mi nom lor a itini lupwen ra kapas usun ekewe riaföü Kraist epwe tolong lon, pwal usun ewe ling epwe tori me mürin.

1. Petrus 2:24

Kraist a püsin uwei ach kewe tipis won inisin o uweiretä won ewe iräpenges, pwe kich sipwe mäla seni tipis o manau ngeni pwüng. Ren an kinas kana sia küna pöchökül.

1. Petrus 3:18

Pun Kraist a mäla fän iten tipis fän eu chök, nge a naf ngeni fansoun meinisin, ewe chon pwüng fän iten ekewe chon tipis, pwe epwe emwenikich ngeni Kot. A mäla lon inisin, nge a manausefäl lon ngünün.

1. Johannes 2:2

Püsin Kraist i ewe popun pwe ach tipis kana ra musala, nge sap ach tipis chök, pwe pwal tipisin aramas meinisin.

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,