1. Korint 15:2 - Chuukese Bible

² Iei ewe Pworausen Manau oua küna manau ren are oupwe kamwöchünük won. Nge are ousap kamwöchünük won, ämi lükü a lomotongau.

1. Korint 15:2 Iomraidhean Croise

Än Salomon Fos 23:23

Kopwe kamö let, nge kosap amömöla. Kopwe kamö tipachem, kapasen öüröür me weweöch.

Än Salomon Fos 3:1

Nei, kosap manlükala mine üa aiti ngonuk, nge kopwe iseis lon lelukom ai kewe allük.

Än Salomon Fos 4:13

Kopwe kamwöchünük won ekewe kapasen öüröür, nge kosap mwüt ngeniir repwe feil senuk. Kopwe tümwünüür, pun ina manauom.

Lukas 8:13

Ekewe pwükil mi mworotiu lon lenien föüföü ra wewe ngeni chokewe mi rongorong kapasen Kot o etiwa fän pwapwa. Nge pokiten ewe kapas esap tongeni warar lor, ra chök lükü lon fansoun mochomoch. Nge lupwen fansoun sosot a toriir, ra müttir kuf.

Föför 2:47

Ra mwareiti Kot, ra pwal küna chen me ren ekewe aramas meinisin. Iwe, iteiten rän ewe Samol a apacha ngeni ar we mwich aramas mi küna manau.

Föför 8:13

Pwal Simon a lükü, nge mürin an papatais a chök nonom ren Filip. Nge lupwen a küna ekewe asisil mi lapalap me ekewe manaman Filip a föri, a fokun mairü ren.

Nöün Paulus Toropwe ngeni ekewe Souläng lon Rom 1:16

Üsap säwäsini ewe Pworausen Manau, pun iei ewe manamanen Kot mi tongeni amanaua chokewe meinisin mi lükü, a akom ngeni ekewe chon Juta, nge mürin pwal ngeni ekewe chon lükün Israel.

Nöün Paulus Toropwe ngeni ekewe Souläng lon Rom 11:22

Iei mine oupwe ekieki usun än Kot kirikiröch me an pöchökül. A fokun pöchökül ngeni chokewe mi turutiu, nge a kirikiröch ngeni ämi. Are oua sopwela le föri mine a mürina, epwe sopwela le kirikiröch ngenikemi, nge are ousap föri iei usun, pwal ämi oupwe kuputiu.

1. Korint 1:18

Pun ewe kapas usun än Kraist mäla won iräpenges och kapas mi umwes ngeni chokewe mi pöütmwälila, nge ngenikich mi küna manau och manamanen Kot.

1. Korint 1:21

Pun lon än Kot tipachem, a föri pwe aramas resap tongeni silei i ren püsin ar tipachem. Nge Kot a akota pwe epwe amanaua chokewe mi lükü ewe kapas aia afalafala, iei ewe kapas ekoch aramas ra aita ngeni pwe och kapasen umwes.

1. Korint 11:2

Iwe, üa mwareitikemi pokiten oua chechemeniei fansoun meinisin, oua pwal aleasochisi ekewe afalafal üa ngenikemi.

1. Korint 15:14

Nge are Kraist esap manausefäl seni mäla, mürin äm afalafal a lomotongau, pwal ämi lükü a lomotongau.

2. Korint 2:15

Pun sia usun chök och pwokusun Kraist ngeni Kot, a pwopwonfeil lein chokewe mi küna manau, pwal lein chokewe mi pöütmwälila.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

Kalatia 3:4

Ifa usun, a lomotongau ekewe mettoch ra fis ngenikemi? Enlet, mi wor lomoter!

Efisos 2:8

Pun ren än Kot we ümöümöch oua küna manau ren ämi lükülük. Nge ei manau oua eäni esap afisiemi, pwe än Kot lifang ngenikemi,

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

2. Tesalonika 2:15

Iei mine ämi pwiim kana, oupwe üppos o kamwöchünük won ekewe kapas mi let äm aia aiti ngenikemi lon äm kewe afalafal pwal lon ekewe toropwe aia mak ngenikemi.

2. Timoty 1:9

I a amanauakich o körikich pwe sipwe manaueni eu manau mi pin, sap pokiten ach föför, nge pokiten püsin an ekiek me an ümöümöch. A ngenikich ei ümöümöch lon Kraist Jesus mwen fanüfan esamwo wor,

Ipru 10:23

Ousipwe kamwöchünük won ewe apilüköch sia pwärätä, pun Kot ewe mi pwon a allükülük.

Ipru 2:1

Iei mine sipwe fokun kamwöchünük won ekewe kapas mi let sia fen rongorong, pwe sisap tokola seni.

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Ipru 4:14

Iei mine ousipwe kamwöchünük won ewe lükü sia pwärätä usun. Pun a nom rech eman Souasor mi Lap, Jesus ewe Nöün Kot, a feitä läng o a nonom mwen mesen Kot.

James 2:14

Ämi pwii kana, met lomoten are eman aramas a apasa pwe a wor an lükülük, are an föför esap alletätä? Ifa usun, ei sokun lükülük epwe tongeni amanaua i?

James 2:17

Ina chök usun ren lükülük. Are epwe wor chök ämi lükülük, nge esap fiti föför, a mäla ämi lükülük.

James 2:26

Pun usun eu inis a mäla are ewe ngün esap nom lon, pwal iei usun ewe lükülük a mäla are ese fiti föför.