1. Korint 15:1 - Chuukese Bible

¹ Iwe, ämi pwii kana, iei üa mochen achema ngenikemi usun ewe Pworausen Manau üa fen afalafala ngenikemi, ewe oua etiwa o alonga ämi lükülük won.

1. Korint 15:1 Iomraidhean Croise

Johannes 12:48

Iö a aliwiniei o esap etiwa ai kewe kapas, a wor met epwe kapwüng ren. Ewe kapas üa apasatä epwe apwüngü lon ewe sopolan rän.

Föför 11:1

Iwe, ekewe soukünö me ekewe chon lükü Jesus lon unusen Jutea ra rongorong pwe ekewe chon lükün Israel ra pwal etiwa kapasen Kot.

Föför 2:41

Iwe, chomong me leir ra lükü an afalafal o ra papatais. Lon ewe rän ina epwe ükükün ülüngat ngeröü aramas ra pach ngeni ewe mwichen chon lükü Jesus.

Nöün Paulus Toropwe ngeni ekewe Souläng lon Rom 11:20

Mi pwüng. Ra kuputiu pokiten resap lükü, nge ämi oua nomotiu lon lenier pokiten oua lükü. Iwe, ousap lamalamtekia usun ei, nge oupwe niuokus.

Nöün Paulus Toropwe ngeni ekewe Souläng lon Rom 2:16

Ren pwüngün ewe Pworausen Manau üa afalafala epwe iei usun mine epwe fis lon ewe Rän lupwen Kot epwe apwüngü ekewe ekiekin aramas mi monomon ren Jesus Kraist.

Nöün Paulus Toropwe ngeni ekewe Souläng lon Rom 5:2

Ren ach lükülük, Kraist a emwenikichelong lon än Kot ümöümöch, iei sia manau lon. Iei mine sia pwapwaäsini ach apilükülüköch ngeni ewe ling Kot epwe ngenikich.

1. Korint 16:13

Oupwe mamasa, oupwe üppos lon ämi lükülük, oupwe eäni sokun mwän, oupwe pöchökülela.

1. Korint 3:6

Ngang üa fotuki ekewe pwükil, Apolos a atütüür, nge Kot a amäriiretä.

1. Korint 4:15

Pun inamwo ika a wor engol ngeröü nöümi souemwen lon manauen ämi souläng, nge oua chök semeni eman. Pun lon Kraist Jesus üa wiliti eman sememi ren ai afalafala ewe Pworausen Manau ngenikemi.

2. Korint 1:24

Äm aisap mochen pese ngenikemi met oupwe lükü, pun oua nüküchar lon ämi lükülük. Nge sia chök angangfengen fänäsengesin ämi pwapwa.

1. Tesalonika 1:6

Ämi oua apirükem me ach Samol. Inamwo ika oua tolong lon watten riaföü, oua etiwa ewe Kapasen Kot fän pwapwa mi feito seni ewe Ngünmifel.

1. Tesalonika 2:13

Iwe, mi pwal wor eu popun pwota sia kilisoufochofoch ngeni Kot. Lupwen sia uwato remi ewe kapasen Kot, oua rongorong ngeni o etiwa. Ousap ekieki pwe kapasen aramas, nge oua etiwa pwe iei wesewesen kapasen Kot. Pun ewe kapas a angang lomi ämi mi lükülük.

1. Tesalonika 4:1

Ämi pwiim kana, iei soposopolan met oua kaiö senikem usun ewe sokun manau oupwe manaueni pwe oupwe apwapwai Kot ren. Ewer, iei usun mine oua fen manau lon. Nge iei äm aia tüngormau o pese ngenikemi fän iten ach Samol Jesus, pwe manauemi epwe fokun mürinala.

2. Tesalonika 3:6

Ämi pwiim kana, äm aia allük ngenikemi fän iten ach Samol Jesus Kraist pwe oupwe aimwükemi seni ekewe pwipwi meinisin mi chipwang le angang, resap pwal aleasochisi ekewe kapasen öüröür aia ngeniir.

1. Petrus 5:12

Üa makkei ei toropwe mi mochomoch ngenikemi ren än Silas alisiei, ätewe üa silei pwe i eman pwiich souläng mi allükülük. Üa mochen apöchöküla letipemi o pwäri ngenikemi, pwe iei enletin än Kot ümöümöch. Oupwe nüküchar lon.