1. Korint 14:3 - Chuukese Bible

³ Nge ewe eman mi afalafala än Kot kapas, a kapas ngeni aramas, a alisiir, a apöchöküla ar souläng o echiper lon manauer.

1. Korint 14:3 Iomraidhean Croise

Lukas 3:18

Iwe, lon chomong sokopaten kapas Johannes a aea le afalafala ewe Pworaus Allim ngeni ekewe aramas o fönöör, pwe repwe siwili manauer.

Föför 13:15

Mürin ar aleani seni än Moses kewe Allük me ekewe puken soufos, ekewe meilapen ewe imwen felikis ra tini eman an epwe üreniir, “Ämi pwiim kana, are a wor ämi afalafalen apöchöküla ekei aramas, oupwe kapas.”

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

Föför 15:32

Jutas me Silas, ir pwal soufos, ra achomonga ar kapasen apöchöküla o anüküchara ekewe chon lükülük.

Föför 4:36

Iwe, a wor eman mwän itan Josef seni ewe ainangen Lefi, a uputiu lon ewe fanü Saipros, ekewe soukünö ra pwal aita ngeni Parnapas (wewen ei it: Eman mi apöchöküla letipen aramas).

Föför 9:31

Iwe, lon ena fansoun a fis pwe a kinamwela ekewe mwichefel lon unusen Jutea, Kalilea me Samaria. Ra pöchökülela o chochomongola ren än ewe Ngünmifel alilis o ra manau ren ar asamolu ach Samol.

Nöün Paulus Toropwe ngeni ekewe Souläng lon Rom 12:8

Are eman a tufichin apöchöküla letipen aramas, epwe föri iei usun. Iö a eäni ewe tufichin alisi aramas, epwe föri seni unusen letipan, iö a eäni ewe tufichin nemenem, epwe achocho le angang, iö a wor ren ewe tufichin eäni kirikiröch ngeni aramas, epwe föri fän pwapwan letipan.

Nöün Paulus Toropwe ngeni ekewe Souläng lon Rom 14:19

Iei mine sipwe fokun achocho ngeni mine epwe afisätä kinamwe o alilisfengen le apöchökülafengenikich lefilach.

Nöün Paulus Toropwe ngeni ekewe Souläng lon Rom 15:2

Kich meinisin sipwe föri mine pwiich kewe souläng repwe pwapwa o feiöch ren, pwe repwe fefeitä lon ar lükülük.

1. Korint 10:23

Iwe, ra apasa, “A mwümwütä ngenikich pwe sipwe föri mettoch meinisin.” Ewer, mi pwüng, nge sap mettoch meinisin ra lomot ngenikich. “A mwümwü ngenikich ach sipwe föri mettoch meinisin,” nge sap mettoch meinisin ra alisikich.

1. Korint 14:12

Pokiten ämi oua fokun mochen an epwe wor remi ekewe lifang seni ewe Ngünmifel, oupwe fokun achocho ngeni an epwe chomongola ekewe sokun lifang mi alisi mwichefel pwe epwe fefeitä ren.

1. Korint 14:17

Inamwo ika ämi iotekin kilisou ngeni Kot a mürina, nge esap alisi ekewe ekoch aramas.

1. Korint 14:26

Iwe, ämi pwii kana, iei met üpwe kapas usun. Lupwen oua mwichfengen pwe oupwe fel ngeni Kot, oupwe apasa en me mefian eman echö köl, eman eu afalafal, eman eu kapasen pwärätä seni Kot, pwal eman eu fos lon kapasen ekis, nge pwal eman eu kapasen aföüü met ätewe a apasa. Nge ekei alilis meinisin repwe fokun afefetai mwichefel.

1. Korint 14:31

Ämi meinisin oua tongeni afalafala än Kot kapas, eman mürin pwal eman, pwe ekewe aramas meinisin repwe kaiö seni o ar souläng epwe pöchökül ren.

1. Korint 8:1

Iwe, iei usun pwüngün met oua makketo rei fän iten ekewe mongö aramas ra asor ngeni ekewe uluulun anümwäl. Ewer, a fokun let pwe “oukich meinisin a wor ach silelap”, usun ra apasa. Nge ei sokun silelap a afisätä lamalamtekia, nge chen a afisätä fisiöchün ach souläng.

2. Korint 1:4

A akachipakich lon ach riaföü meinisin, pwe pwal kich sipwe tongeni echipa chokewe mi nom lon sokopaten riaföü meinisin ren ewe chip sia püsin angei me ren Kot.

2. Korint 2:7

Nge iei oupwe amusala tipisin ätewe o echipa letipan, pwe esap tolong lon letipeta mi fokun watte, pwe epwe fangatä an souläng.

Efisos 4:29

Esap wor kapas mi ngau epwe towu seni lon awemi, pwe kapas mi mürina chök, sokun kapas mi afefetai aramas o alisiir lon ar osupwang, pwe chokewe mi rongorong ngeni repwe feiöch ren.

Efisos 6:22

Ina popun üa tinala i remi, pwe epwe apworausa ngenikemi usun nonomum, epwe pwal apöchöküla letipemi.

Kolose 4:8

Ina popun üa tinala i remi pwe epwe apöchöküla letipemi ren an apworausa ngenikemi usun mine a fis ngenikem.

1. Tesalonika 2:11

Ämi oua silei pwe aia alisi eman me eman leimi usun chök eman sam a alisi püsin nöün kana.

1. Tesalonika 2:3

Äm afalafal ngenikemi esap longolong won met mi mwäl ika won ekieksolä, sisap pwal atupu eman.

1. Tesalonika 3:2

nge aipwe tinala Timoty, pwiim we mi etikem le angang ngeni Kot lon äm afalafala ewe Pworausen Manau usun Kraist. Äm aia tinala pwe epwe apöchöküla letipemi o alisikemi lon ämi lükülük,

1. Tesalonika 4:1

Ämi pwiim kana, iei soposopolan met oua kaiö senikem usun ewe sokun manau oupwe manaueni pwe oupwe apwapwai Kot ren. Ewer, iei usun mine oua fen manau lon. Nge iei äm aia tüngormau o pese ngenikemi fän iten ach Samol Jesus, pwe manauemi epwe fokun mürinala.

1. Tesalonika 4:18

Iei mine oupwe echipafengenikemi ren ekei kapas.

2. Tesalonika 3:12

Fän iten ach Samol Jesus Kraist äm aia allük ngeni ekei aramas o fönöör, pwe repwe manauöch o föri ar angang pwe epwe wor liwinin aner mongö.

1. Timoty 1:4

Kopwe üreniir, pwe resap asolapala ar fansoun le apworausa ekewe tutulap me tettelin uruwon ekewe lewo, pun ra chök afisätä anini, nge resap apwönüetä än Kot akot fän itach, ewe sia silei ren ach lükü.

1. Timoty 4:13

Tori ai üpwe war, kopwe likitü lon om aleani ekewe Toropwe mi Pin ngeni ekewe souläng, kopwe afalafaleer usun o asukula ngeniir.

1. Timoty 6:2

Nge ekewe amanau mi nom fän nemenien ekewe masta mi souläng resap turunufasei ar kewe masta pokiten ir pwiir souläng. Nge repwe alapala ar achocho le angang ngeniir, pun chokewe mi feiöch seni ar angang, ir chon lükü Kraist ra chen me rer. Ikei ekewe kapas kopwe aiti ngeni ekewe souläng o pese ngeniir pwe repwe aleasochis ngeni.

2. Timoty 4:2

pwe kopwe afalafala ewe Kapasen Kot. Kopwe achocho ngeni om kopwe arongafeili ewe Kapas, ese lifilifil ika lon fansoun öch ika lon fansoun ese öch. Kopwe föri ewe angangen fön, apwüng me apöchöküla manauen souläng lupwen ka föri ewe angangen asukul fän mosonotam.

Titus 1:9

Epwe fokun kamwöchünük won ewe Kapasen Kot mi allükülük usun a kaiö ngeni, pwe epwe tongeni apöchöküla ekewe souläng ren an afalafala ewe kapas mi let usun ach lükülük, epwe pwal tongeni pölüeni chokewe mi ü ngeni.

Titus 2:15

Ikkei ekewe mettoch kopwe aiti ngeni ekewe souläng. Kopwe aea om pwüüng lon wisom, lupwen kopwe apöchöküla än ekewe souläng lükülük, pwal lupwen om kopwe apwüngüür. Kosap mwüt ngeni eman epwe turunufaseek.

Titus 2:6

Ina chök usun om kopwe fönöü ekewe alüal ar repwe nemeni püsin inisiir.

Titus 2:9

Kopwe aiti ngeni ekewe amanau pwe repwe anomur fän nemenien ar kewe masta o apwapwaar lon mettoch meinisin. Resap wippin ngeniir,

Ipru 10:25

Sisap likiti ach eti ach mwichfengen usun ekoch ra föföri. Nge sipwe fokun apöchökülafengenikich lefilach, pun sia silei pwe Ränin ach Samol a arapoto.

Ipru 13:22

Ämi pwii kana, üa fokun tüngor ngenikemi, pwe oupwe rongorong ngeni ekei kapasen apöchökül fän tipeppos. Pun ei toropwe üa makkei ngenikemi esap langatam.

Ipru 3:13

Nge oupwe fokun alilisfengen lefilemi iteiten rän lon ei ükükün fansoun mi iteni “Ikenai”, pwe esap wor eman epwe tup lon tipis o tipepöchökül lon letipan.

1. Petrus 5:12

Üa makkei ei toropwe mi mochomoch ngenikemi ren än Silas alisiei, ätewe üa silei pwe i eman pwiich souläng mi allükülük. Üa mochen apöchöküla letipemi o pwäri ngenikemi, pwe iei enletin än Kot ümöümöch. Oupwe nüküchar lon.

Jutas 1:20

Nge ämi chiechiei kana mi achengicheng, oupwe chök sopwela le apöchöküla ämi lükülük mi unusen pin. Oupwe iotek ren manamanen Ngünmifel.