1. Korint 13:9 - Chuukese Bible

⁹ Pun ach silelap me ach kapasen osuni resap unus,

1. Korint 13:9 Iomraidhean Croise

Hiop 26:14

Nengeni, ekei lapalap ra chök eu kükün kinikinin an kewe föför. A chök eu kükün ngüngü mine sia rongorong seni Kot. Nge iö a tongeni weweiti pöchökülen an manaman?”

Kölfel 139:6

Ei sokun silelap a fokun amwarar ngeniei, a pwal tekia ngeniei pwe üsap tongeni to won.

Kölfel 40:5

Ai Samol mi Lapalap ai Kot, ka föri chomong föför mi amwarar me om akot ngenikem, esap wor eman a wewe ngonuk. Are üpwe asilefeiliir o apworausa usur, repwe chomong seni ai üpwe tongeni aleaniir.

Än Salomon Fos 30:4

Iö a feitä läng o liwinsefälitiu? Iö a tongeni kumwuchufengeni asepwäl? Iö a tongeni üfätä ekewe koluk lon echö üf? Iö a förätä kiännin fanüfan meinisin? Ifa itan? Nge ifa iten nöün we mwän? Kopwe üreniei are ka silei!

Mateus 11:27

“Semei a ngeniei mettoch meinisin. Esap wor eman a silei ewe Nau, pwe ewe Sam chök, esap pwal wor eman a silei ewe Sam, pwe ewe Nau chök me chokewe ewe Nau a afiliir an epwe pwäri i ngeniir.

Nöün Paulus Toropwe ngeni ekewe Souläng lon Rom 11:34

Usun a mak lon ekewe Toropwe mi Pin, “Iö a silei ekiekin ewe Samol? Iö a tongeni öüröüra?

1. Korint 13:10

nge lupwen epwe war met mi unus, mürin met esap unus epwe müchüla.

1. Korint 13:12

Pun mine sia küna iei a usun chök ngününgünün mettoch mi toputop lon kilas, nge mürin sipwe tongeni wesewesen küna fatöchün ren mesach. Met ngang üa silei iei esap unus, nge mürin üpwe silei unusan, usun chök Kot a wesewesen sileei.

1. Korint 2:9

Nge iei usun a mak lon ekewe Toropwe mi Pin, “Met aramas resap mwo küna ika rongorong, met aramas resap mwo ekieki lon letiper pwe epwe fis, iei ewe mettoch Kot a amolätä fän iten chokewe mi echeni.”

1. Korint 8:2

Iö aramas a ekieki pwe a wor an silei lon ekoch mettoch, ätei esap mwo wor wesewesen ürürün met epwe silei.

Efisos 3:8

Ngang ewe mi kis seni ekewe chon pin meinisin, nge Kot a ngeniei ei wis mi aüchea pwe üpwe uwei ngeni ekewe chon lükün Israel ewe Pworausen Manau usun ewe wöün Kraist esap wor epin,

1. Johannes 3:2

Ämi chiechiei kana mi achengicheng, ikenai kich nöün Kot, nge esamwo pwä mine sipwe usuni me mürin. Nge sia silei pwe lupwen Kraist epwe wareto sipwe wewe ngeni i, pun sipwe küna i lon wesewesen lapalapan.