1. Korint 13:7 - Chuukese Bible

⁷ Chen a engila fän mettoch meinisin, a lükü meinisin, a apilüküni meinisin, a tipeppos fän mettoch meinisin.

1. Korint 13:7 Iomraidhean Croise

1. Petrus 4:8

Nge mwen mettoch meinisin oupwe tupwöl le echenifengenikemi lefilemi, pun chen a pwölüela chomong tipis.

1. Korint 13:4

Chen a mosonotam o kirikiröch, chen esap lolowo ika sikesik ika lamalamtekia.

2. Timoty 2:24

Eman nöün ach Samol chon angang esap fokun anini, nge epwe kirikiröch ngeni aramas meinisin, epwe lipwäköch le asukula aramas fän mosonotam,

1. Petrus 2:24

Kraist a püsin uwei ach kewe tipis won inisin o uweiretä won ewe iräpenges, pwe kich sipwe mäla seni tipis o manau ngeni pwüng. Ren an kinas kana sia küna pöchökül.

Än Salomon Fos 10:12

Oput a afisätä anini, nge tong a pwölüela ekewe pupungau meinisin.

1. Korint 9:12

Are ekewe ekoch a wor ar pwüüng pwe repwe angei alilisiir senikemi, ifa usun, esap fen wor watten äm pwüüng won met aipwe angei senikemi? Nge äm aisap aea ei sokun pwüüng, pwe aia fen tupwöl fän sokopaten osukosuk, pwe aisap epeti ewe Pworausen Manau usun Kraist pwe epwe rongofeil.

Kalatia 6:2

Oupwe mwärelong fän wosen chiechiemi wosochou, ika oupwe föri ei, oupwe aleasochisi än Kraist allük.

2. Timoty 4:5

Nge en kopwe ekisaram lon om föför meinisin, kopwe likitü lon riaföü, kopwe föri angangen eman chon asoulängala aramas, kopwe unusen apwönüetä wisom usun eman nöün Kot chon angang.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

Kölfel 119:66

Kopwe aiti ngeniei mirit me silelap, pun üa lükü om kewe allük.

2. Tesalonika 1:4

Iei popun äm aia aingaing womi lein än Kot kewe mwichefel. Aia aingaing won ämi likitü me ämi lükülük lon ekewe ninni me riaföü meinisin mi fis ngenikemi.

2. Timoty 3:11

ai küna ninni me ai riaföü. Ka silei meinisin mine a fis ngeniei me lon Antiokia, Ikonium me Listra, pwe a fokun afeiengau ekewe sokun ninni üa engila fan. Nge ach Samol a angasaei seniir meinisin.

Nöün Paulus Toropwe ngeni ekewe Souläng lon Rom 15:1

Oukich kewe mi pöchökül lon ach lükülük sipwe alisi ekewe mi apwangapwang lon ar lükülük, pwe repwe tipeppos lon ar lükülük, nge sisap föri chök mine sipwe pwapwa ren.

Mateus 10:22

Aramas meinisin repwe oputakemi pokitei. Nge iö epwe likitü tori lesopolan epwe küna manau.

Ipru 13:13

Iei mine ousipwe feila ren lükün ewe leni ia ekewe aramas ra nom ie, pwe sipwe eti i lon an itengau.

Nöün Paulus Toropwe ngeni ekewe Souläng lon Rom 8:24

Pun ren ei apilükülük sia küna manau. Nge are sia küna mine sia eäni apilükülük, ei esap wesewesen apilükülüköch. Pun iö epwe apilükülükü mine a fen küna?

Hiop 13:15

Inamwo ika Kot epwe nieila, üpwe chök anomu ai apilükülük won. Nge üpwe fokun alletätä ai kewe föför me fän mesan.

Keneses 29:20

Iei mine Jakop a angang lon ükükün fisu ier fän iten Rahel. Nge me ren Jakop ekewe fisu ier ra chök wewe ngeni ekoch rän pokiten an echeni ewe föpwül.

Tuteronomi 1:9

Iwe, Moses a üreni ekewe aramas, “Lon ewe fansoun sa nom ren ewe chuk Horep üa ürenikemi, ‘Esap tufich ngeniei ai üpwe akaleäman le mwärelong fän weiresin tümwünümi.

Markus 9:23

Nge Jesus a pölüeni, “Are en ka tongeni lükülük! Eman mi lükülük a tongeni mettoch meinisin.”

Tuteronomi 22:27

Iwe, ewe mwän a achomanauei ewe föpwül me lemäl o neminewe mi kofot a kökkö pwe eman epwe alisi, nge esap wor eman a tongeni alisi.