1. Korint 13:6 - Chuukese Bible

⁶ Chen esap pwapwaäsini mine a ngau, nge a pwapwaäsini mine a let.

1. Korint 13:6 Iomraidhean Croise

Kölfel 10:3

Ewe aramasangau a sikäsini mochenin lelukan, nge ewe aramas mi mochenian win a otteki o pöütala ewe Samol mi Lapalap.

Kölfel 119:136

Chönün mesei ra pupu usun chanpupu, pun aramas resap aleasochisi om kewe allük.

Ekistos 18:9

Iwe, Setiro a pwapwaäsini än ewe Samol mi Lapalap föför mürina meinisinn ngeni chon Israel, pwe a angaserewu seni fän nemenien ekewe chon Isip.

Än Salomon Fos 14:9

Ekewe chon tiparoch resap ekieki pwe a ngau ar föri tipis, nge ekewe chon wenechar ra weweöchiti usun ingauen tipis.

Jeremaia 13:17

Nge are ousap mochen aüseling, üpwe chök kechü lemonomon pokiten ämi lamalamtekia. Üpwe kechüangau, nge chönün mesei repwe suputiu, pun nöün ewe Samol mi Lapalap aramas ra oola.

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Osea 4:8

Ra pisekisekila ren ekewe tipis nei aramas ra föri, iei mine ra mochen pwe repwe alapala ar föföringau.

Osea 7:3

Ra apwapwai ewe king ren ar föför mi ngau, ra pwal apwapwai ekewe samol ren ar kapas chofana.

Mika 7:8

Ämi chon oputaei, ousap meseik woi. Inamwo ika üa turula, üpwe pwal üsefälitä. Inamwo ika üa nom lon rochopwak, ewe Samol mi Lapalap epwe ai saram.

Mateus 18:13

Nge are epwe küna ewe eman, enlet, üpwe ürenikemi, ätewe epwe fokun pwapwaäsini ewe eman sip mi mwalechela lap seni an pwapwaäsini ekewe tiwe me tiweman resap mwalechela.

Lukas 22:5

Iwe, ir ra fokun pwapwa ren mine a apasa ngeniir o ra pwon ngeni pwe repwe ngeni moni.

Nöün Paulus Toropwe ngeni ekewe Souläng lon Rom 1:32

Ra silei pwe Kot a apwüngala, pwe ekewe aramas mi föri ekei sokun föför repwe mäla. Iwe, resap chök sopwela le föri ekei sokun föför, nge ra pwal tipeeu ngeni ekewe aramas ra föri iei usun.

Nöün Paulus Toropwe ngeni ekewe Souläng lon Rom 12:9

Ämi chen epwe fokun wenechar. Oupwe oput mine a ngau o kamwöchünük won mine a mürina.

Filipi 1:18

Iwe, nge pwota üpwe lolilen ren? Ngang üpwe chök pwapwa pwe aramas ra afalafala Kraist lon sokopaten lapalap, ese lifilifil ika a pop seni och ekiek mi mwäl ika och ekiek mi pwüng. Ewer, üpwe chök sopwela le pwapwa,

Filipi 1:4

Fansoun meinisin lupwen üa iotek fän itemi, üa iotek fän pwapwa

Filipi 3:18

Ngang üa fen ürenikemi ei fän chomong me mwan, nge iei üpwe aliwinisefäli ngenikemi fän ai kechü: A wor chomong aramas mi manaueni eu sokun manau a pwärätä pwe ir ra oputa ewe iräpengesin Kraist.

2. Tesalonika 2:12

Iei mine chokewe meinisin resap lükü ewe kapas mi let, nge ra pwapwa le föri tipis, Kot epwe apwüngala pwe ra tipis.

2. Johannes 1:4

Üa fokun pwapwa lupwen üa silei pwe ekoch me lein noumw kana ra manaueni ewe manauen let usun chök ewe Sam a allük ngenikich.