1. Korint 13:5 - Chuukese Bible

⁵ Chen esap föri mine a asäw, esap kütta püsin an, esap koum, esap ekieki o chechemeni mine eman a mwäl ngeni won.

1. Korint 13:5 Iomraidhean Croise

2. Samuel 10:3

ekewe samolun chon Amon ra üreni Hanun ar we king, “Ifa usun, ka ekieki pwe Tafit a tinato chon aururuk pokiten an mochen asamolu semom? Ifa usun, Tafit esap fen tinato nöün chon angang reöm pwe repwe ouwasacha ewe telinimw o operi, pun repwe ataela?”

Hiop 21:27

Üa fokun silei ämi ekiekingau, pwe oua ekiekin föri ngeniei mine esepwüng.

Än Salomon Fos 14:17

Eman aramas mi songokai a föri föför mi umwes, nge eman mi mirit a mosonotam.

Aisea 3:5

Iwe, aramas repwe kirikiringaufengen lefiler eman ngeni eman. Säräfö resap suföliti chinlap, nge chokewe esap wor iter repwe pälüeni ekewe mi iteföüla.

Jeremaia 11:19

Nge ngang üa usun chök eman apanen sip mi mosonoson, aramas ra emwenala ren ewe chon niela. Ngang üsap mefi pwe ra ekiekin rawangauaei, lupwen ra apasa, “Ousipwe ataala ewe irä fiti uan. Ousipwe ukufala i me lon fanüen chokewe mi manau, pwe esap chüen wor eman epwe chechemeni itan.”

Numperis 12:3

Nge Moses eman mwän mi tipetekison, a fokun tipetekison seni aramasen fanüfan meinisin.

Numperis 16:15

Mürin, Moses a fokun song ren ekei kapas o üreni ewe Samol mi Lapalap, “Kosap etiwa ar kewe asor. Ngang üsap mwo nge angei eman aas seniir, üsap pwal föri och mi mwäl ngeniir.”

Numperis 32:6

Nge Moses a üreni chon ekewe ainangen Kat me Rupen, “Ifa usun, pwimi kewe repwe feila ngeni maun, nge ämi oupwe chök nonom ikei?

Mateus 5:22

Nge ngang üpwe ürenikemi: Iö a songeiti pwiin epwe tolong lon kapwüng, o iö a kapasen turunufas ngeni pwiin epwe tolong lon kapwüng mi lap, nge iö a apasa ngeni pwiin, ‘En mi umwes,’ epwe fich ngeni an epwe tolong lon ewe ekkeiin hell.

Mateus 9:4

Nge Jesus a silei ar ekiek o üreniir, “Pwota oua ekieki ei sokun ekiek mi ngau lon lelukemi?

Markus 3:5

Jesus a nenengeniir fän an song, nge a pwal letipeta, pun ra üleförea lon letiper. Mürin a üreni ewe mwän, “Kopwe aitiewu poumw.” Iwe, a aitiewu pöün, iwe, a pöchökülsefäl.

Lukas 7:39

Lupwen ewe Farisi mi köri Jesus pwe epwe mongö ren a küna ei, a ekieki lon lelukan, “Are ei mwän wesewesen eman soufos, epwe silei iön ewe fefin a atapa. Epwe silei pwe i eman fefin mi tipis.”

1. Korint 10:24

Esap wor eman leimi epwe chök kütta püsin an feiöch, nge epwe pwal kütta feiöchün chiechian souläng.

1. Korint 10:33

Oupwe chök föri usun mine ngang üa föri. Üa sotuni ai üpwe apwapwai aramas meinisin lon meinisin mine üa föri. Üsap kütta mine üpwe püsin feiöch ren, nge üa kütta mine ekewe chomong repwe feiöch ren, pun üa mochen pwe repwe küna manau.

1. Korint 11:18

Akomwan üa rongorong pwe a wor kinikinfesen lefilemi lupwen oua mwichfengen. Esopun ei pworaus üa fen lükü.

1. Korint 12:25

Iei mine esap wor kinikinfesen lon ewe inis, nge ekewe sokopaten kifet meinisin repwe chüngüfengeniir lefiler.

1. Korint 7:36

Are eman mwän a kofot ngeni eman föpwül o a ekieki pwe esap pwülüeni, mürin a mefi pwe a föri och mine a mwäl ngeni ewe föpwül, are mochenin letipan a fokun pwichikar ngeni pwe a mefi pwe epwe pwüpwülü ngeni, ätewe epwe pwülüeni neminewe usun an mochen, nge esap tipis ren.

2. Korint 5:19

Iei masouen ach afalafal, pwe Kot a nonom lon Kraist o achäsefäli chon fanüfan ngeni püsin i. Esap chüen chechemeni ar tipis, pwe a awisakich pwe sipwe afalafala ewe kapasen achächä.

Kalatia 5:13

Nge ämi pwii kana, Kot a körikemi pwe oupwe ngas. Nge pokiten oua ngas, ousap ekieki pwe oua tongeni mwüt ngeni mochenian fitukemi epwe chüen nemenikemi, nge oupwe angangfengen lefilemi fän tong.

Filipi 2:21

Pun ekewe ekoch ra chök ekieki püsin ar, nge resap ekieki usun ewe angangen Jesus Kraist.

Filipi 4:8

Iwe, amüchülan ai kapas, ämi pwii kana, oupwe amwöchünükü lon ämi ekiek ekei mettoch mi mürina o amwarar: mettoch mi let me aüchea, mettoch mi pwüng me limöch, mettoch aramas ra efich me meniniti.

2. Tesalonika 3:7

Ämi oua fokun silei pwe oupwe chök föri usun mine aia föri. Äm aisap chipwang le angang lupwen aia nonom remi,

2. Timoty 2:10

Iei mine üa likitü lon ekei riaföü meinisin fänäsengesin nöün Kot kewe mi fil, pwe pwal ir repwe küna ewe manau a nom lon Kraist Jesus me ewe ling esemüch.

2. Timoty 4:16

Lon aeuin fansoun üa küna kapwüng esap wor eman a alisiei. Ir meinisin ra likitieila. Amwo Kot esap liwini ngeniir liwinin ar föför!

James 1:19

Ämi pwii kana mi achengicheng, oupwe chechemeni ei: Aramas meinisin repwe müttir ngeni rong, mang ngeni kapas pwal mang ngeni song,