1. Korint 12:2 - Chuukese Bible

² Oua fen silei, pwe lupwen ousamwo souläng, oua tokola lon chomong sokun lapalap, pwe ämi oupwe fel ngeni ekewe uluulun anümwäl resap manau.

1. Korint 12:2 Iomraidhean Croise

Kölfel 115:5

A wor awer, nge resap tongeni kapas, a wor meser, nge resap tongeni küneer.

Kölfel 115:7

A wor pöür, nge resap tongeni attap, a wor pecher, nge resap tongeni fetal, resap pwal tongeni möngüngü me lon chiorer.

Kölfel 135:16

A wor awer, nge resap tongeni kapas, a wor meser, nge resap tongeni küneer.

Aisea 46:7

Ra mwärei, ra uweela o anomu won lenian. Ikenan a ütä, nge esap tongeni mwökütüküt seni lenian. Iwe, are eman a siö ngeni, esap tongeni pälüeni, esap pwal tongeni amanaua seni an riaföü.

Jeremaia 10:5

Ar kewe uluulun anümwäl ra usun chök ekewe anewenewen machang lon eu tanipin kiuri. Resap tongeni kapas. Aramas ra wisen uweer, pun resap tongeni fetal. Ousap niuokusitiir, pun resap tongeni afeiengauakemi, resap pwal tongeni afeiöchükemi.”

Mateus 15:14

Ousap ekieki usur! Ir chon chun mi emweni ekewe chon chun. Nge lupwen eman chon chun a emweni eman chon chun, ir me ruoman repwe turulong lon pwang.”

1. Korint 6:11

Iwe, ekoch me leimi ra föri ekei sokun föför me lom. Nge oua fen küna limöch seni ämi tipis, oua küna pin, oua küna pwüng fän iten ach Samol Jesus Kraist, pwal ren ewe Ngünün ach Kot.

Kalatia 4:8

Me lom, lupwen ousap silei Kot, oua nonom fän nemenien ekewe ngün esap ir kot.

1. Tesalonika 1:9

Ekei aramas meinisin ra kapas usun ämi etiwakem lupwen aia churikemi, pwal usun ämi kul ngeni Kot o kul seni ekewe uluulun anümwäl, pwe oupwe angang ngeni ewe Kot mi manau o wesewesen Kot,

Titus 3:3

Pun me lom püsin kich sia miritimang o aleasolap, sia pwal mwalechela. Sia nom fän nemenien sokopaten mochenia me pwapwan fanüfan. Sia manaueni eu manau mi ngau me lolowo, aramas ra oputakich, nge kich sia oputa ir.

1. Petrus 1:18

Pun oua silei pwe ousap mö ren mettoch mi morokai usun silifer ika kolt pwe oupwe ngas seni ewe manau mi lomotongau oua angei me ren ämi kewe lewo,

1. Petrus 4:3

Pun lon ewe fansoun a la a naf fansoun ämi föri mine ekewe chon lükün lamalam ra pwapwa le föri. Oua föri föförün lisowu, mocheisou, ünüpuch, mongömong, mwichen ün sakau me angangen fel ngeni anümwäl mi anioput.