1. Korint 12:1 - Chuukese Bible

¹ Iwe, ämi pwii kana, üa mochen pwe oupwe silei met a let usun ekewe lifang seni ewe Ngünmifel.

1. Korint 12:1 Iomraidhean Croise

Nöün Paulus Toropwe ngeni ekewe Souläng lon Rom 1:13

Ämi pwii kana, oupwe fokun chechemeni pwe fän chomong üa akota ai üpwe churikemi, nge a chök wor sokun epet a pineei fansoun meinisin ai üpwe feila remi. Ngang üa mochen asoulängala ekoch leimi, usun üa pwal föri me lein ekewe ekoch chon lükün Israel.

1. Korint 10:1

Ämi pwii kana, üa mochen ämi oupwe chechemeni mine a fis ngeni ach kewe lewo lupwen Moses a emweniir. Ir meinisin ra nom fän tümwünün ewe kuchu o pwerela pekilan ewe Setipar.

1. Korint 14:37

Are eman a ekieki pwe i eman nöün Kot chon afalafal, ika a wor ren eu lifang seni Ngünmifel, epwe mefi pwe mine üa mak ngenikemi, iei än Kot allük.

2. Korint 1:8

Ämi pwii kana, aia mochen achema ngenikemi usun ekewe riaföü mi torikem lon ewe fanü Asia. Äm aia nom fän watten me choun ekewe weires mi lap seni äm tongeni, pwe aia apilükingau ngeni äm aipwe chüen manau.

Efisos 4:11

I ewe mi “ngeni aramas lifanger”. A filätä ekoch pwe repwe soukünö, pwal ekoch repwe soufos, pwal ekoch repwe chon asoulängala aramas, nge pwal ekoch repwe soumas me sense.

1. Tesalonika 4:13

Ämi pwiim kana, äm aia mochen pwe oupwe silei mine a let usun chokewe mi mäla, pwe ousap lolilen usun chokewe esap wor ar apilükülüköch.

2. Petrus 3:8

Ämi chiechiei mi achengicheng, ousap manlükala ei mettoch! Esap wor sokofesenin eu rän me engeröü ier me ren ewe Samol, eu rän me engeröü ier ra wewefengen me ren.